Ya mo Mbori Nga Tirinita?

Ga Ziazia Kekeapai karagapai

Badungu agu apambori naya si nga ga aKristano nayugo gupai nga Mbori nga Tirinita. Ono tie, mo bingo gupai gu buku nga Encyclopædia Britannica agumbaha: “Gu fugo nga Tirinita na gu sakapai nga ga apambori du tipaha aakura nga vuru Vovo Ndiko yo te . . . I atona sonosa gi yugopai re yeeye rogo dungu akama agarã vurube dungu akango.”

Nirengo, gu Mbori du pako rogo Ziazia Kekeapai yo, i afuranga tipa ko nga ko nga papara Tirinita te. Mo bingo agi averesi re:

“Yekova gaoni Mbori nga kina Yekova sa.”—Pa Fu Rugute ni Ue he 6:4.

“Kina ro sa, du rimoro nga Yekova, nga gu Ko nga Bahe ki susi auru kpotosende dunduko.”—Atambuahe 83:18.

“Nyenye unga nga gere, nga i ini ro nga bangisa ndikidi Mbori, na gu ko mo akedi ko, nga Yesu Kristo.”—Yoane 17:3.

“Mbori adu sa ku bani.”—AGaratio 3:20.

Tipagine badungu agu apambori naya si nga ga aKristano ape gupai tini nga Mbori nga Tirinita?