Rukutu Kekeapai Bandu Waraga Yo

a Mbiko gupai nga ani nga kpakpa aboro, ani ima rengba ka manga watadu ka gumba agu apai naimisa awirinarani. Ginipai si aida ani mangihe ho gipai re amanga ni? Ya mo ani ni agu aboro nidu na nyemu ka mbakada gaani pagume dagbarani na wirinarani? Ya mo ani ni agu aboro ninaahõmbupai ni ipiipihe? Watadu ya mo ani ninaada kuti gu digisopai nga, ka i imisi rani i du du na pai tiyo angianga ani ya? Watadu na ka si du nga rago nagberã tirani ni ipo na agu apai kura aboro agumbaha na kini mangihe? Ya mo ani ninaape gupai nga, wo tigaani du ani, na ki zanga manga ariapai? Watadu ani ninaaruga tirani na gupai nga, si naida ani mangi aˈariapai amanga?