Rukutu Kekeapai Bandu Waraga Yo

a Gu mokedi nangia Pauro asaki gupai nga si adu ni nyanyakipa pai fu awirinako ka i mbunga gi gbegberẽ zegino re si du na maapai kurii gu gene i aaberã ngbaha na kini mangipai ngbaha ya. Gi rugute re nirengo nga wene rugute furani areme. Si naida ani du na rubangirise nga ka gi zegino re dunga na maapai kurii rani wa gu tooni ya. Tipa ka manga gipai re, si naida ani naandu kindi kumbatayo kaa ruga gu gene ani aberã ngbaha ti ai gu regbo ani abi gupai nga si na ngbanya kuti gupai Mbori akpinyemuhe te. Rogo gi kekeapai re ani nika sakapai tipa wai rengbe ani ka manga gipai re.