Tipagine aDezire Yekova Amanganga Sunge ti ni na Kuruse Rogo Gayo Irisombori yo Ya?

Dungu aboro nabi kuruse ni gu kpiahe narukuba gu pambori nga ga aKristano. Wa vura duhe nga aDezire Yekova nga aKristano, ani amanganga sunge na kuruse rogo gaani irisombori yo te. Tipagine?

Ndupai sa nga Baibiri nayugo gupai nga Yesu aakpingo ti kuruse te ono ti ngbundurungua. Kurii gure, Baibiri nafu nyanyaki zinahe fu aKristano nga “oni óro be irisa kpiahe,” nga gu nayugo gupai nga ka i mangingo sunge na kuruse rogo irisombori yo ya.​—1 AKorindo 10:14; 1 Yoane 5:21.

Yesu ape gupai ziazia nga: “Ka oni akpi nyemu akuaroni, si ka aboro ini ti ni dunduko ya gimi abawiriki nga oni.” (Yoane 13:34, 35) Yesu aayugo gupai ane nga gu nyemuse nasa boro ni mbupa kura gani apai tipa kurani i nika ino apefuoko ti ni angianga kuruse ya.