Mbakada Gaani Gene Tungusapai—Manga Dezirepai Babagaahe Yo

Ndu Gupai Duhe Ti Ni na Nyanyakipaha: Wa duhe nga badungu aboro namangasunge ni gbangaha, ani rengbe ka ndu fuoyo kina ku rogo gayo abasunge na gu pangbanga nga ga Kindo. Tungusapai babagaahe yo ima ngba na si na wene sangbanaha ti ni, mbiko ani nabi aboro kina ba gayo sunge yo na i nafura yo wenengai fu agu aboro i abihe nga i ye ka ngbe he. Tipa gaani sunge tungusapai du na wene sangbanaha ti ni, si naida abatungusipai du na tatamana na ki du ni wene kpiapai rogo gayo vo roko na gayo mbakadatise. (2 Kor. 6:3) Sidu, gu babiapai nga ga sunge tungusapai ko du si aida ko naabi bara wai i natungusipai babagaahe yo na ada natungusipai yo.

Wai Rengbe Boro ka Mangaha:

Ka si du nga mo nika dia gani bakere regbo, mo gbianga momu berewe ka tungusapai funi ti kura regbo te.
Mo du zaaza na aboro. Mo rengbe ka ya, “Ani nata kaa fura na aboro ni wiri guruhe rogo gayo abasunge mbiko si ni mbumbuhe ka gbia yo tii kporo.” Mo fura na ni ni wiri guruhe, na ki fu trakte, magazine, watadu kura waraga kadu bero. Tipa ka ani vundungo tirani na ababagiahe ya, si angba gbe ka ani asananga yo tipa gamahe ya, kinagu ka i sana rani tipa wai ani naagbia marã kaa kusa gaani awaraga.
Rogo kura babagaahe, si adu ni wenepai ka mo sanahe tipa ka mbu bete awaraga rogo agu aba aborosunge arihe watadu aongoda rogoyo.
Ni kpiapai, ka si du nga babagiahe nafura na gu boro ye ka ngbe he beni watadu ni namangasunge, mo sungudi ni daho ni nika nyasa gupai ni ni amangaha mo kini ka fura na ni.

Oni Asadi Gipai Re Rogo gi Diwi Re: