WISIGOPAI 1

Wene Tonatona Afugo

Amokedi 17:22

MEMEPAI: Si naida gamo tonatona afugo ba nyemupai ti boro, mo pepa gu riipai mo afura tipaha, na ki yugu ndu gupai si aida agu aboro nadegatuyo foro kpinyemuhe ti ni.

WAI KA MANGAHA:

Mo ba nyemupai ti boro. Mo sia sanahe, gupai mo apehe, pangbanga gupai mangi, watadu gupai mo nigihe rogo apangbanga rengbe ka ngba ti aboro.

Mbata fu mo ndu, mo berẽ dudunguro kurii gu nyemupai gbiati bakabangirise du aboro na ni rogo gamo dagbarago na ki mbakadi gamo tonatona afugo si ndu sa na ni.
Mo ini gamo riipai. Mo mangi ome tipa gamo tonatona afugo yugu gamo riipa gbiati ndu gupai mo afura tipaha gbaiga fu agu aboro nadegatuyo foro.
Mo yugu ndu gupai du gu riipai re ti ni na nyanyakipaha. Mo aria gupai mo agumbaha si ndu sa na gu nyemupai nga ga aboro. Si naida i rugutiyo wenengai na wai rengbe gu riipai re ka undo yo.

Ho mo ambakada gumbapai ni, mo sana tiro nga, ‘Gini akpakarapai awirina agbiatiyo na ni rogo gimi dungurati?’ Fuani mo ki mbakadi gamo tonatona afugo si ndu sa na gayo azingo.