WISIGOPAI 18

Gupai Nika Yugopai fu Aboro

1 AKorindo 9:19-23

MEMEPAI: Mo zambuasi kpoto aboro yo, ki mbuyo i ni biti yo nga i ima wirika nyanyakipa pai areme.

Mo asadi ka ino gupai aboro naima inoho mbata tipa gupai re. Kuba gupai nga ka dogoda pe kina gupai i aima giaha mbata, mo undoyo i bi gupai re ngba kura gene kia.

Gupai aboro naima inoho, mo oro riihe ni ipo, ono ki di regbo ho mo ape vovo pai ni.
Mo wetekepai na ki berẽkuriipai. Ka si daada, mo fura tipa agu arengo aboro aainongoho mbata ya watadu gu vovo apai namanga tipa ka fura tipa nyanyakipa berãpai. Mo berẽ dudunguro kurii gamo gumbapai na gu ngbanya du dagbaha na agu arengo mo aida ka fura tipaha.

Wa mo nikaa wisigo gamo gumbapai, mo zambuasi gamo berãpai ni sana mo asanahe wa gu nga ‘ginihe, tipagine, ti gini regbo, wari, da, na wai.’ Mo mbakadi gamo yugopai ni sana mo bete agu asanahe re na ki fu akaragapai kutini rogo gamu gumbapai naabaha.
Mo yugupa wai nyakipa gupai mo agumbaha. Mo yugu wai rengbe agu apai du rogo Ziazia Kekeapai ka undo agu aboro mo afura fuyo rogo gayo raka yo. Mo sakipai tipa kparakpara apai, aberãpai, na gu mangapai agu aboro re naima inopai tipaha.