WISIGOPAI 6

Sakapai Tipa Ndu Mangasunge na Veresi

Yoane 10:33-36

MEMEPAI: Ka mo gedinga kina kungbo gedigedi veresi gbua kini susi kuti gu kura pai ya. Mo asadi ka manga ome aboro bi gu ngbanya du dagba gu veresi gedi mo ho re na gupai mo naafura tipaha.

WAI KA MANGAHA:

Mo kusi memeapai. Fuo geda mo veresi, mo fura tipa agu apai nandu sa na memepai. Mo rengbe ka mangaha ni dogoda mo fura tipaha watadu ka sana gu sanahe nika sa aboro i asadi ka ngera tipa gu memeapai du rogoho.

Kangia mo mangisunge na agu afugo du kia ti gu nidu rogo veresi yo, mo rugutiro na gupai nga agu aboro nadegatuyo foro nika rengba arengba ka bi wai agu afugo du rogo Baibiri andu sa na gu memepai re.
Mo nyakasi gupai mo aida i tingidihe. Ka singia mo tona afugo tipa veresi mbiko mo naida aboro gedihe, mo sakipai fuyo tipa wai gu bangua afugo du rogo gu veresi re asongoda gupai re.

Wa mo nikaa sakapai tipa gu veresi re, mo mbu gamo Ziazia Kekeapai ni zazaha. Gure nika undo aboro i bi wai afugo ro andu sa na gu veresi mo nigedihe re.
Mo yugu gu taata gene rengbe yo ka mangapai kuti veresi ngbaha. Ka mo furanga tipa futufutuapai dunduko nga gu asongodanga memepai ya. Nibi gupai agu aboro nadegatuyo foro nainihe tipa gupai re, mo asadi ka ino gini apai nzunzu si aidaha tipa aboro rugutiyo na gu memepai re wenengai.