Yugo Gupai Nga Rengo Du ni Ruruhe

Ruka 1:3

MEMEPAI: Mo mangisunge na agu afugo nga rengo tipa ka undo aboro i dakuti ruru digisopai.

WAI KA MANGAHA:

• Mo gbata agu apai nga rengo na ki mangisunge na ni. Si naida fugo Mbori du nga mburu gamo afugo, mo gedipai rogoho ho daha ada ni. Ka mo aafura tipa agu apai nga ga birĩ-inohe, apangbanga, gu pangbanga boro agumbaha, watadu gu kura apai nasongoda gopai, mo wisigihe mbata ka ino singia rengo du watadu rengo ngaha te.

• Mo mangisunge na gu ba dimo pai rogoho ngba wene gene. Mbata fu saka mo rogo veresi yo mo rugutiro na gupai Yekova aida mo yuguhe rogoho na ki mangisunge na ni ringbisihe kuti agu apai du rogo Baibiri na du rogo ga ‘ruru kangara moyambu’ awaraga yo. (Mt. 24:45) Kangia mo di pai rogo agu apangbanga nga ga radio ka songoda gupai mo afura tipaha, ka mo gbianga gu kurapai kutini adunga yo ya.

• Mo sakipai na yo riipa gopai. Tingbafuo geda mo veresi watadu ka fura tipa wari duhe ni, mo sanahe rogo birĩ yo watadu ka mangasunge na kpiapai tipa ka undo aboro i dakuti gayo digisopai nisayo.