Gumbapai Kini Nyakasihe

1 ATesaroniko 1:5

MEMEPAI: Mo yuguhe nga gupai mo agumbaha nga rengo na si na nyanyakipaha.

WAI KA MANGAHA:

• Mo mbakadihe wenengai gbe. Mo rugutiro na gu memeapai dunduko du rogoho na wai Baibiri ayugoho nga rengo du. Mo asadi ka fura tipa gu memeapai du rogo gamu gumbapai rogo taata afugo. Mo gbeberã ro kuti wai rengbehe ka undo agu aboro mo afura fuyo. Mo kpari tipa ziazia toro.

• Mo mangisunge na agu afugo na nyakasapai. Kuba gupai nga kaa dogoda kina agu afugo du ni kekehe rogoho, mo mangisunge na afugoro. Mo mangisunge na agu afugo nayugo na ni nga mo ima ida kuti gupai mo agumbaha.

• Mo yuguhe nga mo ima ida kuti gupai re. Mo fura na fugoro kuari. Kangia si agberãnga ka mangaha wo te, mo ni ngana bangiri aboro.