WISIGOPAI 10

Saka Woro Fugose

Matayo 20:31

MEMEPAI: Mo pe agu apai mo aida ka pehe ngba wene gene, na ki asadi ka fõ kpoto aboro yo ni saka mo woro fugoro, ki ta tumbaha kini zogosihe na ka fura ni ipo watadu yee.

WAI KA MANGAHA:

Mo saki woro fugoro. Mo tumba woro fugoro tipa ka nyakasa memeapai na ka fõ kpoto aboro yo. Mo mangi kina gu bangisapai re ho mo ageda gu veresi ni du na sapangbanga. Mo kiisi woro fugoro tipa ka gbeberã aboro watadu ka fura ngba gu gene nika rimiso gunde watadu bakabangirise ku rogoyo yo.

Ka mo naatumbanga woro fugoro dedede ya aboro nika berãha nga mo nazinga azinga kutiyo. Ka mo gbenga berã aboro kutiro mbiko gupai nga kaa azia apai aazia kindi ya.
Mo ta tumba fugoro kini zogosihe. Kangia rẽarẽ ka mangaha rogo paro yo, mo tumba fugoro tipa ka yugo wai du mo na nyemu gupai re watadu ka yugo bakio he watadu baturõho. Mo zogosi fugoro tipa ka yugo gberãrago watadu bakabangirise.
Mo fura ni ipo watadu yee. Mo fura ni wiri ipo ka yugo gu ngbarago du mo na ni tipa gupai re. Mo fura yee ho mo aida ka pepa memeapai ni.

Tipa gupai nga ka aboro zigbängo ya, mo fura ni ipo watadu yee kinaho rẽhe ni . Ka mo furanga ni ipo si ki da nga gene be aboro ka gia gupai mo apehe ya te.