Gu gene rengbe mo ka gbia undo ngbaha ti agi awirikapai nga ga Baibiri re
Mo wisigihe na bayugupai: Mo sana gu boro nafu gi burosua re foro tipa oni wiriki Baibiri na ni, watadu mo sanahe tipa wirika Baibiri rogo gaani bangiriba nga ga Internet nga, jw.org.
BAMBATA PAPARAHA
Mo gedi agenewaraga dunduko kodihe na agu asanahe du ni bibiri he (A) na averesi (B) nga gu nanyakasa pa memeapai. Mo ini gupai nga gu kura averesi kinaho i nake gupai patihe nga “oni gedihe.”
GU PAPARAHA DU BEBERE HE YO
Tonatona afugo (C) tii gu paparaha nga Mo Wiriki Kura Dungu Apai si nasakapai tipa agu apai ngbefuoho. Umba rii-apai (D) mo yugu gu memeapai du rogo yo. Mo gedi averesi, ki karagapai kuti asanahe, na ki bi avidio (E).
Mo gbeberã ro wenengai kuti asura gbiati gu kekeapai du pati gu sura re (F), na ki berẽpa wai mo nika karagapai kuti gu paparaha nga Gu Kura Aboro Nape Gupai Nga (G).
YANGARA PAPARAHA
Ginipai Mo Nawirikihe? na Fugöpai (H) wirikapai nadigo na gu paparaha nga gupai mo nawirikihe gbiati fugöpai. Mo ke gu ramediwi gu wirikapai re nadigi ti ni. Sásá (I) nafu gupai foro nga gu si aida mo mangihe. Tii gu paparaha nga Mo Weteke gu Kura Apai (J) mo nika gbia gu kura atingidapai yo nga gu mo naima rengba ka sia ka gedaha watadu ka bihe.
Gu gene rengbe mo ka gbia agu averesi nga ga Baibiri ngbaha
Gbia averesi rogo Baibiri natona na gu buku nga ga Baibiri (A), kapita (B), na veresi watadu averesi (D). Ni kpiapai, Yoane 17:3 nayugo pa gu buku nga ga Yoane, kapita 17, veresi 3.