Wai gu Mo Nika Mbakada Tiro Tipa Tingida Pakpio Yesu?

Tona rogo gi garã re, ani nika du na bakere regbo berani tipa ka mbakada tirani tipa Tingida Pakpio Kristo. Ho Tingida Pakpio Yesu nikaa ani ti ni ku rogo uru sunge, gu Dunguratise Nga ga Gaani Raka na Sunge adunga rogo gu poso re te. Ho Tingida Pakpio Yesu nikaa ani ti ni ku rogo digido poso, i amanganga gu gumbapai du gbayaga gbiati Ngbaõbambu Sinziri te. Ya mo mo amangasunge na gu regbo i nambuhe foro re ngba wene gene? Si naida mbakadatise aida tipa gi kparakpara uru re, a kina wai si aniidu rogo bambata sa kama agarã. (Rk 22:7-13; km 3/15 kpe. 1) Ono kura apai kinaho si aida ani mangihe tipa gupai nga ka gbia undo wenengai ti gi kparakpara uru re. Wai gu rengbe ani ka mangaha?

• Mo berẽkurii wai duhe ni nyanyakipa pai ka du pati ni.​—1Kor 11:23-26

• Mo mangi kparakpee na ki berẽkuriipa gamo pagume na Yekova.​—1Kor 11:27-29; 2Kor 13:5

• Mo gedi agu averesi gbiati agu awaraga nasakapai tipa gupai Tingida Pakpio Yesu ayugoho na ki berẽkuriihe.​—Yo 3:16; 15:13

Kura abatungusipai naageda na kini berẽkurii gu gedapai nga ga Tingida Pakpio Yesu du rogo gu tooni buku nga Wisigo Ziazia Kekeapai Na A′uru Dunduko. Aguyo kini mangisunge na gu kekeapai du dagba gu gbakigbaki agene du kusende re. Na agu akurayo nafugö agu aNgbaõbambu Sinziri nasakapai tipa Tingida Pakpio Yesu gbiati gu nyemuse Yekova na Yesu nayuguhe furani. Ka mo vura sia kina ginipai tipa ka wisigoho, si mbedisi nga ro ambedisa na Yekova gbiati Wiriko.