Ani Mbupai fu Akuarani

1. Yekova akedi

Wiriko ko ye ka kpi

Ka dia ingapai riirani,

Na ki di kpio kusayo.

Ka ani saberã nzunzu,

Ki gbata mbupai beko,

Mbiko ga Yesu motumo,

Ko ambupai furani.

2. Mbori na vurani

Ka ani mangi wa ko

Nivu akuarani zaza,

Si nayugo nyemuse.

Ani hipai fu kuarani,

Nimbu zinga na kpipai,

Niirisi awirina,

Kini kpinyemuyo gbe.

3. Inapai ima ngba

Ani sonosihe gbe.

Si nado kpipai kusayo,

Ki do kere sogote.

Ani wiriki Yekova,

Rogo yugo nyemuse,

Nimbupai fu akuarani;

Ani ki ngba ti Mbori.