WIRIKAPAI 28
Mo Yugu Tambuahe Tipa Gupai Yekova Gbiati Yesu Amangihe Foro
Mo nidu wai ho bakureamo afu bawene gamahe ni foro? Si nawira wa, mo nidu na bakere ngbarago na mo naida ka yugo gupai fu bakureamo nga mo ima du na tambuahe tipa gu gamahe re. Yekova gbiati Yesu afu gu bakerepa gamahe ngba kisusi furani. Gini gamahe du ngaha, na waigu rengbe ani ka yugo gupai nga ani na tambuahe tipaha?
1. Gini gene sa rengbe ani ka yugo gaani tambuahe ngbaha tipa gupai Mbori gbiati Kristo amangihe furani?
Baibiri nakido he nga, ‘gu ni ka idi pa [Yesu]’ ni rengbe ka raka nyeanye kindi. (Yoane 3:16) Ka du na idapase nayugo ginipai? Si nakoda dungu apai susi gu gbua nga ka ida kuti Yesu. Si naida a ani yugu gaani idapase rogo agu asiapai ani amangaha na agu apai ani amangaha. (Yakoba 2:17) Ho ani ayugo gaani idapase ni rogo agu apai ani amangaha na agu ani agumbaha, ani nanyakasa gaani pabakure na Yesu gbiati Bako, nga Yekova.—Mo gedi Yoane 14:21.
2. Gini kparakpara mbakadapai naundo rani tipa ani yugu gaani tambuahe tipa gupai Yekova gbiati Yesu amangihe?
Rogo gu nyemu nadu mbata fu Yesu kpi, ko agumba pa kura gene fu apefuoko nga gu rengbe yo ka yugo gayo tambuahe ngbaha tipa gako motumo. Ko ayugupa kura kparakpara mbakadapai nga gu Baibiri ayambaha nga, “Ga Gbia Riahe” nga gu i ayambaha a nga Tingida Pakpio Kristo. (1 AKorindo 11:20) Yesu asigira gipai re tipa gupai nga gako amokedi—gbiati gu ndikidi aKristano dunduko nangbefuo yo rengbe ka tingida gupai nga ko afu ungako tipa rani. Nibipa tingida pakpio Yesu, ko azinahe nga: ‘Oni mangi gere nitingidi pa re.’ (Ruka 22:19) Ho mo andu ni tipa Tingida Pakpio Yesu, mo nayugo gupai nga mo na tambuahe tipa gu bakere nyemuse du Yekova gbiati Yesu na ni tipa rani.
MO WIRIKI KURA DUNGU APAI
Mo wirikipai tipa gu dungu agene nga gu rengbe mo ka yugo ga tambuahe ngbaha tipa gu bakere nyemuse aYekova na Yesu ayuguhe. Mo wirikinga pai tipa ndu gupai du Tingidapa Kpio Kristo ti ni na nyanyakipaha.
3. Ginipai rengbe ani ka mangaha tipa ka yugo gupai nga ani na tambuahe?
Mo berẽnga gupai nga boro batasi ungaro. Ya mo bangiro rengbe ka go taata tipa gupai nga ni abatasi ungaro? Watadu ya mo mo rengbe nga ka ngera tipa agu agene rengbe mo rogoho ka yugo gupai nga mo na tambuahe tipa gupai ni amangihe re te?
Ani ni ungarani mbiko Yekova. Mo gedi 1 Yoane 4:8-10, na tifuoho, mo ki sakipai tipa agi asanahe re:
Tipagine du ga Yesu motumo ti ni ni kparakpara gamahe?
Waigu mo abi gupai Yekova gbiati Yesu amangihe foro?
Waigu rengbe ani ka yugo gaani tambuahe tipa gupai Yekova gbiati Yesu amangihe furani? Mo gedi 2 AKorindo 5:15 na 1 Yoane 4:11; 5:3. Tifuo geda mo averesi nibasasa, mo sakipai tipa gi sanahe re:
Ringbisihe kuti gu veresi re, ginipai rengbe ani ka mangaha tipa ka yugo gaani tambuahe?
4. Ani wiriki Yesu
Gu kura gene rengbe ani ka yugo gaani tambuahe ngbaha nga ni wirika ani Yesu. Mo gedi 1 Petero 2:21, na tifuoho, mo ki sakipai tipa gi sanahe re:
Gini agene rengbe mo ka pekafuo Yesu ngbaha sirisiri?
Yesu aima kpinyemu Fugo Mbori, ko anaatungusa wene pangbanga, na kini undo aboro
5. Mo ndu tipa Tingidapa Kpio Kristo
Tipa ka bi gupai namangi ti gu bambata regbo i atingidipa Ga Gbia Riahe, mo gedi Ruka 22:14, 19, 20. Tifuoho, mo ki sakipai tipa agi asanahe re:
Ginipai namangi ti regbo Ga Gbia Riahe?
Ginipai kpakuto gbiati imekakue arukubaha?—Mo bi averesi 19 na 20.
Yesu aida gupai nga gako abawiriki naatingida pa Ga Gbia Riahe bara sa rogo agarã yo dunduko rogo gu rame diwi ko akpi ti ni. Ngba gi gene re, aDezire Yekova naadunguratiyo rogo agarã yo dunduko kaa tingida pakpio Kristo ngba gu gene ko aruguyo tipa i nimangihe ngbaha. Tipa ka wirikapai tipa gi nyanyakipa dunguratise re, mo bi gu VIDIO re. Tifuoho, mo ki sakipai tipa gu sanahe ngbefuoho.
Ginipai ninaamanga pati Tingida Pakpio Yesu?
Kpakuto gbiati imekakue narukuba kurapai kia. Kpakuto narukuba rengberengbe kpoto Yesu ko afuhe ni motumo tipa rani. Imekakue narukuba kure Yesu
GU KURA ABORO NAPE GUPAI NGA: “Gupai gbua si aida mo mangihe tipa ka bata nga ka ida kuti Yesu.”
Waigu rengbe mo ka mangasunge na Yoane 3:16 gbiati Yakoba 2:17 tipa ka yugo gupai nga dungu apai kinaho si aida boro mangihe?
GINIPAI MO NAWIRIKIHE?
Ani nayugo gaani tambuahe tipa gupai Yesu amangihe tipa rani nidu ani na idapase kutiko na kini ndu tipa Tingida Pakpio ko.
Fugöpai
Ginipai padu na idapase kuti Yesu ayugoho?
Waigu mo akpinyemu ka yugo ga tambuahe tipa gupai Yekova gbiati Yesu amangihe foro?
Tipagine duhe ti ni ni nyanyakipa pai kadu pati Tingida Pakpio Kristo?
MO WETEKE GU KURA APAI
Ginipai pakpio Kristo afõ rani ani mangihe?
Mo wiriki dungu apai tipa idapase na wai rengbe ani ka yugoho.
“Oni Du na Idapase Kuti ga Yekova Akidohe” (Ngbaõbambu Sinziri, Tanvuo 2016)
Rogo gu pangbanga yo du riihe nga “Mi Abi Tire Gigiri, ki du ni Ungare,” mo bingo wai ga kura dee raka sa ariatihe ho ri arugu tiri ni na gupai ga Kristo motumo amangaha furi.
“Ziazia Kekeapai Rengbe Arengba ka Aria Gaoni Raka” (Ngbaõbambu Sinziri, Buza 1, 2011)
Mo wisigingo ndu gupai kina bete aboro ari kpakuto ti ni ti regbo Tingida Pakpio Yesu.