Ya Mo Mi ima Rẽ?
Ya Mo Mi Ima Rẽ Tipa ka Tungusapai na Dungurati?
Mo ima rengbe ka rẽ kada ni gu batungusipai ataziongo bapatiza ya ka si du nga . . .
Mo na wisigo Baibiri dedede, kini mangi kparakpee, na kini ndu tipa agu adunguratise nga ga dungurati.
Mo na tambuahe na mo ima ida kuti agu apai mo awirikaha na mo naida ka gumbaha fu kura aboro.
Mo ima kpinyemu Yekova na mo nasia agu aboro kpinyemuko i du ni mbembedi abakureamo.
Mo ima gbandaka rimoro rogo ai gu riigbu nga ga poritiki watadu gu nga ga ziree pambori.
Mo naraka ringbisihe kuti ga Yekova arugute na mo naida kada ni Dezire Yekova.
Ka mo bihe nga mo ima rẽ tipa ka tona tungusapai na dungurati, gamo bayugu Baibiri ima rengba ka manga mbakadapai tipa abaakumba sakipai na mo tipa wai rengbe mo ka rẽ.
Ya Mo Mi Ima Rẽ Tipa ka Zio Bapatiza?
Mo ima rengba ka rẽ tipa ka zio bapatiza ka si du nga . . .
Mo nga gu batungusipai ataziongo bapatiza ya.
Mo namanga sunge tungusapai dedede wa rengbe ome ro na ni.
Mo nasongoda agu arugapai nga ga “kangara moyambu” na kini pekefuoho.—Matayo 24:45-47.
Mo ima kpara gamo raka fu Yekova rogo kparakpee yo na mo naida ka irisoko nyeanye kindi.
Ka mo bihe nga mo ima rẽ tipa ka zio bapatiza, gamo bayugu Baibiri ima rengba ka manga mbakadapai tipa abaakumba sakipai na mo tipa wai rengbe mo ka rẽ.