Xí labúu gonyno par gonyno xchiin Dios más galán: bislooy ximod guisuidylo buñ ni ná la Biblia né xcalrracné libro, ¿Xí ni merpa rasuidy la Biblia?

Xigony rasacni. Xidal buñ diti nan ximod rasuidyno buñ de la Biblia scásiʼ. Sigory ronyibu pensary que tzeeyibu scuel o guisuidyibu la Biblia toibyibu. Per xalagary gaibyno láabu que casuidyno buñ, guislooyno láabu ximod ronyno láani. Guislooyno láabu que ni guisuidyno ni ná la Biblia rasacni né diti naganni. Gaibyno láabu que diti saclani né labúu gonyno láani ro puert.

Ximod gonyno láani:

Órni ma goniʼlo chú looy, gonabdiitz láabu pal rioʼbu galrrasaʼ de xí gac ló dzú ni sietra.
Goniʼ que xidal buñ rioʼ ló galrrasaʼ por guirá ndeʼ, né bislooy láabu ro ná, «Ni sieed ló reʼ» ló libro «¿Xí ni merpa rasuidy la Biblia?». Góoch láabu que libro reʼ nayaditni né raslooyni xí ni ná la Biblia, xí gac ló dzú ni sietra né stipnés temas. Né gonabdiitz láabu xí capítulo más rioladxbu guisuidybu.
Buny cuent toib libro láabu né bixal capítulo ni bioladxbu. Góoch láabu que galrranabdiitz ni sieed ro rasaló capítulo, ló párrafos ni sieed racapy láani.
Gonab láabu goʼolbu primer párrafo pal rasaguelbu gonybu láani. Ór cú bíil galrranabdiitz de párrafo cú, né guiropcato colguisuidy galrracapy ni sieed ló párrafo. Bibiʼtzay né golexa tipnés textos ni sieed ló párrafo ni racné galrracapy. Bislooy láabu ximod bitiélo galrracapy ló xi libralo.
Bisuidy né láabu stoib párrafo, per nigoreʼ gonab láabu que gonybu por cuéxabu láani ló xtiitzbu.
Góoch láabu que galán cayonybu láani, né gonabdiitz láabu pu dzú labúu guibiguetlo par guisloxto capítulo ni biantaʼ.
Pal labúuni, bislooy láabu video ni sieed ló jw.org ni laa, ¿Ximod rasuidyno buñ de la Biblia?

Buny ndeʼ ló beʼo:

Gonab lóo Jehová par guiduidybu xilaaybu looy por guirá xtem ni cayonylo par labúu salólo guisuidylo buñ (Filip. 2:13).
Órni tzeelo yoʼ por yoʼ nika toib buelt bislooy ximod rasuidyno buñ né libro ni laa, «¿Xí ni merpa rasuidy la Biblia?» o bislooy video ni laa, ¿Ximod rasuidyno buñ de la Biblia?