LESIONY 4

Golútzay diitz ni guiniʼlo órni guiquiinlo la Biblia

Mateo 22:41-45

NI RAQUIIN GONYLO: Antes de goʼol lo toib texto ni sieed ló la Biblia gocné buñ gony pensary loni.

Buny pensary xigony goʼol lo textocu. Antes de goʼol lo láani, goniʼ chop tzón roʼ ni gacné buñ ni cacadiag looy par guiduidyibu cuent xi nainy looy guienyibu ló textocu.

Bibiʼ versículos ni sieed antes o después. Bisetlaa chú goniʼ láani o chú bicaʼ librocu, cuá cuidad que ni caniʼlo nigolúni.
Biquiin la Biblia né bislooy que nacni Xtiitz Dios. Órni guininélo buñ ni rony crer lóo Dios, goleʼ loguiaʼ que la Biblia nacni Xtiitz Dios modreʼ caslooylo que ni casuidylo nacni xpensary Dios.
Biyopy mod que buñ ni cacadiag looy guioladx texto ni caquiinlo. Buny toib galrranabdiitz, goniʼ toib galnagan, né texto ni goʼol lo cuéxa láani o bisetlaa ximod litz ni sieed ló la Biblia racné lóono.

Buny pensary balaati ma nan buñ de tema né texto ni guiniʼlo. Biyopy mod guioladx buñ textos ni goʼol lo ná ma nanyibu láani, né gocné layibu guientzaayibu láani.