LESIONY 16

Bisetlaa cós ni racné buñ

Job 16:5

NI RAQUIIN GONYLO: Diti nosi guiniʼlo de galnagan, goniʼ ximod guireʼno ló galnagan, né láaca goniʼ cós ni sacné lóono gapno confianz.

Gop confianz que buñ ni cacadiag looy sasob ni caniʼlo. Gop confianz que herman ni cacadiag looy nainy layibu gonyibu ni ná Jehová. Pal labúuni, órni guiduidylo consej, nír buny felicitar layibu né guidopy xcalnabanylo.

Galnadxiʼ guichiinni looy guiniʼlo, diti guixacladxlo. Bixiichyen né modreʼ buñ ni cacadiag looy saduidy cuent que rienlo layibu né que labúu gapyibu confianz looy.
Diti guiniʼlo cós ni diti racné. Labúu guiniʼlo láani pal nigolúpa caquiinni. Ton xtuny guidopy xtiscurslo non gacnéni buñ.
Biquiintzay Xtiitz Dios. Bisetlaa ni Jehová ma buny, ni cayonybu né ni gonybu por buñgudxlio. Goniʼ xi cabésno ló dzú ni sietra né biduidy balory layibu.