Gop balory

Ni buny Jesús

VIDEO: Jesús rony predicarbu Zaqueo

1. Bibiʼ VIDEO o bíil Lucas 19:1-7. De ngú gon ximod rarexa guirá galrranabdiitz reʼ:

1. ¿Xigony tipnés buñ diti bioladx nadzak Zaqueo?

2. ¿Xí láani bichiin Jesús par ñony predicar láabu?

¿Xí rasuidyno de ejemplo xtuny Jesús?

2. Raquiin gapno balory par guinino de galnigolú a guiránac buñgudxlio.

Bisuʼ Jesús

3. Gop confianz lóo Jehová. Espíritu xtuny Dios bidudyni fuers Jesús par goninébu buñ xtiitz Dios, né láaca labúu guidudyni fuers looy (Mat. 10:19, 20; Luc. 4:18). Gonab Jehová guidudy balory looy par guininélo buñ ni sigory ratzuiby looy (Hech. 4:29).

4. Goniné guiránac buñ. Rioʼ ór rasac naganno guibigaxno tipnés buñ por mod rienyibu, por ni nacyibu buñ pobre o buñ ric, por mod nabanyibu o por crenys ni napyibu. Per bisetnaladx:

1. Jehová né Jesús labúu rabiʼyibu ni noʼ lainy xcalnabany buñ; lóono yaca.

2. Guiránac buñ labúu guicaʼ xcalrronladx Jehová.

5. Gop balory per láaca gop cuidad (Mat. 10:16). Gop respet buñ né diti tíildiitzlo. Pal rabiʼlo que buñ diti nainy guicadiag looy o rasaclo que labúu gonybu cós mal looy, bichoc ló ni caniʼlo per biyopy mod gonylo láani (Prov. 17:14).