Tipnés mod ni labúu guininéno buñ

¿Pu rarexa galrranabdiitz ni más rony buñ?

Buny cuent toib tratad buñ cú par labúu guibiʼbu ximod laani, né góoch láabu: «Xitalsa. Cayony toib dxiin ni cayac ló guidopynac Gudxlio né cakiʼs guiichen reʼ ni sitné diitz ni raquiin ganlo. Cuaʼ, ndeʼ xtunylo».

Pal guisianlo tratad reʼ yoʼ ro yadi buñ, bisian láani ro diti guieen lóo stipnés buñ láani né diti guisiachgoluʼlo láani.

Pal buñ cú rioladx tratad reʼ o pal raniiny gooybu diitz, labúu guinablo láabu ximod ronybu pensary de galrranabdiitz ni sieed loni. Bixal láani né bislooy mod ná Salmo 119:144, 160. Góoch láabu que tratad cú rasetlani de toib lagary ló Internet ni labúu gacné láabu guidzelbu ló la Biblia ni nainy láabu ganbu. Pensi labúu guislooylo video ni laa, ¿Xigony guisuidyno la Biblia? Órni ma yaaca guireʼlo, bilooy tzón galrranabdiitz ni sieed ro ralox tratad né gonabdiitz láabu xí láani rioladxbu más. Góoch láabu que labúu guibiguetlo par guisuidylo láabu ximod guidzelbu galrracapy ni raduidy la Biblia órni guiquimbu jw.org. Órni guibiguetlo, cuapy galrranabdiitz né biyopy láani ro ná ENSEÑANZAS BÍBLICAS > PREGUNTAS SOBRE LA BIBLIA.

La Atalaya 1 de agost

Guic xomal, órni labúuni, goniʼ scareʼ par guislooylo La Atalaya: «Láaca nainy naʼ gonycuent revistas xtuny beʼo reʼ looy. Revista reʼ racapy galrranabdiitz ni ná: ¿Se interesa Dios por usted?».

¡Despertad! Agost

Guic xomal, órni labúuni goniʼ scareʼ par guislooylo revista ¡Despertad!: «Láaca nainy naʼ gonycuent revista xtuny beʼo reʼ looy. Revista reʼ racapy galrranabdiitz ni ná: Cómo hacer las paces».