Guiquiinno jw.org ló xchiin Dios: «Preguntas sobre la Biblia»

Ló jw.org ro ná, «Enseñanzas bíblicas», napni toib lagarien ni laa «Preguntas sobre la Biblia». Pal rimbuno guirá temas ni napni labúu gacnéni lóono ló xchiin Dios, pal ñoʼ toib buñ ni rony toib galrranabdiitz, né sieedni ló lagary ni napno ló Internet guislooyno láabu página reʼ ro sieed galrracapy cú. Láaca labúu guiquiinno galrranabdiitz reʼ par guininéno buñ. Láaca labúu guiyopyno toib galrranabdiitz ni ná buñ gan, guinabdiitzno ximod ronybu xpensarybu de láani né ór cú labúu cuéxano ni ná la Biblia né guiquiinno ni sieed ló jw.org. Né gaibyno láabu que bidzelno láani ló jw.org, né guilooyno láabu página reʼ. Láaca labúu gaibyno láabu goʼolbu láani ló página ni napno. Tzeʼel toib viajante, goyeeni láabu galán né goniʼbu: «Xidal buñ ranabdiitz, ¿nap Dios dool de guirá galrrioʼob ni radudyno ló la? ¿Ñoladxlo ganlo galrracapy cú la? Diti saclagoluni». Ór cú racaʼbu guii video ló teléfono xtunybu ni ma bilitbu ló jw.org, órni ma biloxni raslooybu capítulo 11 de libro ni laa, ¿Xí ní merpa rasuidy la Biblia?