Xí labúu gonyno par gonyno xchiin Dios más galán: salóno guisuidyno buñ roʼ puert né xcalrracné follet ni laa, ¡Diitz sacró ni sieed de Dios!
Xigony rasacni. Par labúu guisuidyno toib buñ, nigolú raquiin gacno mextra de Xtiitz Dios (Mat. 28:19, 20). Guiráno labúu guisuidyno buñ de xtiitz Dios pal raquiinno guirá libros né guiich ni napno. Follet ni laa, ¡Diitz sacró ni sieed de Dios! noʼni par gacnéni lóono guisuidyno stipnés buñ de la Biblia. Por ngú, guiquiinno láani par salóno guisuidyno ni ná la Biblia a toib buñ órni tudyno riolidxbu.
Buny ndeʼ ló beʼo:
Gonab lóo Dios par guiniiny looy guisuidylo toib buñ. Láaca, gonab lóo Dios gacné looy guidzelo toib buñ par guisuidylo né par gaclo toib galán mextra ni rasuidy Xtiitz Dios (Filip. 2:13).
Órni guienlo Dios né xfamilylo o órni guisuidylo toiblo, buny por guiaʼan presentación reʼ lainy xcalnabanylo. Pal gonylo láani modreʼ labúu salólo guisuidylo toib buñ roʼ puert órni saalo yoʼ por yoʼ.