Diti gonylo ndeʼ órni guisuidylo buñ

Diti guiniʼgolulo. Diti gonylo pensary que looy non cuéxalo guiráni. Jesús buny galrranabdiitz, mod cú gocnébu buñ ñen xí non gonyibu (Mt 17:24-27). Órni rasuidyno buñ né ranabdiitzno layibu xí cayenyibu ngú rony que rioladxyibu láani más, né mod cú raduidyno cuent xí noʼ lainy xcalnabanyibu né pal cayenyibu láani o yaca (be-S pág. 253 párrs. 3, 4). Órni guinabdiitzlo toib cós, gop paseinys né golés dada guicapybu looy. Pal diti racapybu, diti ni maca gaibylo láabu ximod rarexani; xalagary ngú, biyopy stipnés galrranabdiitz par gacnélo láabu guicapybu ni ma gonabdiitzlo (be-S pág. 238 párrs. 1, 2). Diti guiniʼlo naguelgoluʼ modreʼ buñ ni casuidylo sieen láani (be-S pág. 230 párr. 4).

Diti guichelo xpensarybu. Diti guiniʼlo guiráca ni nanlo (Jn 16:12). Nosi golexa ni más rareʼ loguiaʼ ló párrafo cú (be-S pág. 226 párr. 4, pág. 227 párr. 1). Pal nigolú raxoʼoxnoylo toib tema, ngú sony que buñ ma diti guieen ni merpa raquiin guienyibu (be-S pág. 235 párr. 3). Pal buñ ni casuidylo ma bieen ni rabeʼ loguiaʼ toib párrafo, godudyca ló stoib párrafo.

Diti guisuidylo xidal párrafos. Rasuidyno buñ portín raniiny lóono que xtiitz Dios guidxinni lainy xcalnabanyibu, diti nosi par guisloʼoxyibu naguel toib libro o guiich (Lu 24:32). La Biblia nadipni, por ngú biquiin láani. Bíil tipnés textos ni rareʼ loguiaʼ ló guiich ni casuidylo (2Co 10:4; Heb 4:12; be-S pág. 144 párrs. 1-3). Biquiin tipnés ilustraciones ni diti nagan guieen buñ (be-S pág. 245 párrs. 2-4). Diti guirá buñ rien naguel, né gadzéga crenys napyibu, cuá cuidad guirá ndeʼ órni guisuidylo layibu. Gonabdiitz buñ ni casuidylo: «¿Xí ronylo pensary de ni bisuidyno dzureʼ? ¿Xí rasuidyni looy de Jehová? Pal rasoblo litz reʼ, ¿ximod sacnéni looy?» (be-S pág. 238 párrs. 3-5; pág. 259 párr. 1).