Guibaladxno gony cantarno canción par Jehová

Laʼga Pablo né Silas goyoʼyibu lachquiip bunyxiroʼyibu Jehová né canción (Hch 16:25). Nandxichno que ngú gocné layibu par buny guantaryibu. ¿Né lóono ga? Canciones ni rony cantarno lainy Lagary ro radopno né stipnés canciones ni noʼ ló página ni napno ló Internet láaca labúu gony animarni né gacnéni lóono par diti guisianno Jehová órni cacalóno galnagan. Láaca, órni rolno láani ronyxiroʼno laa Jehová (Sl 28:7). Xomod ma góc galrraiby lóono, raquiin guisuidyno de memory nika chop tzón canciones. ¿Ma goyoʼ ór bunylo láani la? Órni guienlo Dios toibsi né xfamilylo labúu guisuidylo canciones par ganlo láani de memory.

ÓRNI MA BIBIʼLO VIDEO NI LAA, MBIOXIEN RONYXIROʼYIBU JEHOVÁ ÓRNI ROʼOLYIBU CANCIÓN, CUAPY GALRRANABDIITZ REʼ:

• 

  ¿Ximod racné lóono órni rony cantarno canciones ni raniʼ de Gobierno xtuny Dios?

• 

  ¿Ximod rioʼ puext Departamentos de Audio né Video par gony grabaryibu canciones?

• 

  ¿Ximod racné herman xiin par tzoʼyibu puext gony grabaryibu canción?

• 

  ¿Xí canciones ni raniʼ de Gobierno xtuny Dios más rioladxlo, né xigony?