MOD NON GUIBANYNO

**Biquiin guiich ni laa, Bibany goxtiguie par guisuidylo buñ xtiitz Dios**

¡Nigolú rabaladxno ni ma napno toib libro né toib follet copy par guisuidyno buñ! Ranabno gacné Jehová lóono par gacnéno más buñ gac xpiin Jesús (Mt 28:18-20; 1Co 3:6-9). ¿Ximod labúu guiquiinno follet né libro copy reʼ?

Publicación copy reʼ ma gadzé mod nacni, por ngú raquiin guitzaʼno mod rasuidyno buñ. Raquiin gonylo ndeʼ órni gac prepararlo par guisuidylo buñ:a

Bíil xquiichlo né bieen galrranabdiitz ni napni.
Bíil textos ni ná colgoʼol né gocné estudiante xtunylo guiembu xi radudyni diitz.
Goloʼ videos né buny galrranabdiitz ni sieed loni.
Buny por guisloʼoxto toib lesiony órni guisuidyto.

Órni guiniʼlo xtiitz Dios, primer bislooy follet par ganlo pal raniiny guisuidybu la Biblia (bibiʼ cuadriyen ni laa «Ximod labúu gonycuentlo follet ni laa, Bibany goxtiguie primer buelt ni gooylo diitz»). Pal rasuidyto guidopyca follet reʼ, né nárabu guisuidybu más, bidudy librocu láabu né gosaló bisuidy láabu ló lesiony 4. Pal ma casuidybu toibtica publicación né toib herman, gosaló bisuidy láabu né libro ni laa, Bibany goxtiguie. Ma looy ganlo xi lesiony salólo.

Galtzeʼel cuca raquiinyibu follet ni laa «Bibany goxtiguie» par guisuidyibu mbioxhlas cuca riolidx.

ÓRNI MA BIBIʼLO VIDEO NI LAA, RABALADXDO NI MA GUISUIDYLO LA BIBLIA, CUAPY GUIRÁ GALRRANABDIITZ REʼ:

¿Xí labúu guisuidy estudiante né libro copy reʼ?
¿Xigony non guislooylo video reʼ a estudiante xtunylo?
¿Xí láani labúu gaibylo estudiante xtunylo gony? (Bibiʼ cuadriyen ni laa, «Ni rareʼ loguiaʼ né ni raquiin gonylo ló tigaaga midid» ni sieed ló página 16).

a NOTA: Ná diti fuerspa guisuidylo né estudiante xtunylo ro ná, «Par ganlo más» órni guisuidylo xquiichlo bisuidy guirá información ni sitnéni. Ór cú sanlo xi láani más caquiimbu né xi labúu gacné láabu. Publicación ni noʼ ló Internet raxelni looy ronoʼ videos né stipnés publicaciones.

NI RAREʼ LOGUIAʼ NÉ NI RAQUIIN GONYLO LÓ TIGAAGA MIDID
	GUIRÁ LESIONY	NI RAREʼ LOGUIAʼ	NI RAQUIIN GONY BUÑ NI CASUIDYLO
1	1-12	Bisuidy ximod labúu gacné la Biblia looy né ximod labúu guimbulo ni bisaʼ láani.	Buny animar buñ ni casuidylo goʼol la Biblia, guisuidy xquiich né tzee reunión.
2	13-33	Bisuidy ni ma buny Jehová por lóono né xi clas adoración racacuentbu.	Gocné estudiante xtunylo guiniʼ ni casuidy né gac publicador.
3	34-47	Bisuidy xi ranab Dios de buñ ni cayony adorar láabu.	Gocné buñ ni casuidylo gac dedicar a Jehová né tzonis.
4	48-60	Bisuidy ximod labúu tzodieʼlo ló xcalnadxiʼ Dios.	Gocné buñ ni casuidylo gan xi ngú cós mal né xi ngú cós tzaay né niʼs lainy xcudx Jehová.