Gocné buñ ni casuidylo diti guidzak buñ mal

Pal buñ ni casuidyno la Biblia nainy gacyibu ximig Jehová non guidzakyibu buñ ni naní xcalrrien (Sl 15:1, 4). Buñ ni natzaay xcalrrien sacné layibu par gonyibu xinésni (Pr 13:20; lff lesiony 48).

Órni gacnélo buñ ni casuidylo la Biblia par diti guidzakyibu buñ mal, biyopy mod góoch láani layibu portín sigory sasac naganyibu guisianyibu ximigyibu. Por ngú, guirá ór, órni guisuidylo layibu goyoʼ galrrasaʼ por layibu. Labúu guixelo mensaj o guininélo layibu por teléfono o tzáguenlo layibu riolidxyibu. Laʼga buñ ni casuidylo caniʼs fe xtuny biruʼ layibu guidzakyibu stipnés herman. Modcu sadudyibu cuent que diti casnityibu xitcal (Mr 10:29, 30). Looy láaca labúu sabaladxlo portín sabiʼlo ximod caniʼs xcudx Jehová.

ÓRNI MA BIBIʼLO VIDEO NI LAA, GACNÉNO BUÑ NI CASUIDYNO DITI GUIDZAK BUÑ MAL, CUAPY GUIRÁ GALRRANABDIITZ REʼ:

• ¿Xí radudy diitz diti guidzakno buñ mal? (1Co 15:33).

• ¿Ximod buny pensary Coral mod rioʼ nakit Testigos?

• ¿Ximod gocné Rita a Coral par ma diti nadzakbu ximigbu ni gopbu?