Nehemías goniiny ñacnébu stipnés, diti que stipnés ñacné láabu

Nehemías diti biquiimbu autoridad ni gopbu par ñony mandarybu stipnés (Ne 5:14, 15, 17, 18; w02-S 1/11 pág. 27 párr. 3).

Nehemías diti nosi bibiʼbu ximod góc dxiincu, láaca gocnébu ñac dxiincu (Ne 5:16; w16.09-S pág. 6 párr. 16).

Nehemías gochbu Jehová que diti ñaladx láabu por guirá ni gocnébu xcudx Jehová (Ne 5:19; w00-S 1/2 pág. 32).

Ná Nehemías gócbu gobernador, diti golésbu que stipnés buñ nasanadx láabu. ¡Ndeʼ nac toib galán ejemplo par guirá ni nap asignación o responsabilidad lainy congregación!

GONABDIITZ NDEʼ LOOY: «¿Xí láani más rasac par naʼ? ¿Gacnéya stipnés o stipnés gacné naʼ la?».