Buny repas tipnés cós ni bireʼ loguiaʼ

Órni ralox rasuidylo, ¿rasac naganlo guisetnaladxlo ni suusipa bilox bisuidylo la? Guiráno rasaclono ngú rioʼ ór. ¿Xí labúu gacné lóono? Gonyno repas cós ni bireʼ loguiaʼ.

Órni guisuidylo, nagabga ór bisagadzu, né buny pensary ló cós ni casuidylo. Ndeʼ ni góoch apóstol Pablo a guirá hermanos né hermanas ni bisuidy xquiichbu. Goniʼbu: «Ndeʼ ni cabeʼ loguiaʼno» (Heb. 8:1). Modcu gocnébu guirá herman reʼ ñen xi láani goniiny guidudybu diitz né ximod guirá ni goniʼbu bidzakni saʼni.

Guirá ór ni guisuidylo goleʼ tidxó tiemp, pentzi 10 minut, né buny pensary ló cós ni bireʼ loguiaʼ. Pal diti rasetnaladxlo guiráni, bíil stoib subtítulos, chop tzón diitz ro rasaló tigaaga párrafos. Órni guisuidylo toib cós copy, biyopy mod cuéxalo láani ló xtiitzcalo. Ni gonylo repas cós ni bireʼ loguiaʼ diti nosi sacnéni looy par guisetnaladxlo láani, láaca sacnéni looy par guibiʼlo ximod guisoblo láani ló xcalnabánycalo.