¿Xigony goity Jesús?

Jesús goity par labúu guibanyno (Juan 3:16).

Tzón govitz de goló goity Jesús tipnés buñgonaʼ goyee ro bigachbu né diti bidzelyibu xitcal. Jehová buny que Jesús nabany stoib.

Diti xidzú Jesús bibíbu xpiimbu.

Scú láani, Jehová golisbu Jesús xomod toib ángel ni diti labúu rabino ni nap xiroʼ galnadip ni diti saity. Xpiimbu bibiʼ órni sieebu guibá.

Dios golís a Jesús, ór cú Jehová biduidy galmandary láabu lainy guibá (Daniel 7:13, 14).

Jesús goity por lóono né scú biax xcalkiéno (Mateo 20:28). Por ni bunybu, Dios rony que labúu guibanyno tipzó.

Jehová golú Jesús par gony mandary ló Gudxlio desde lainy guibá. Láabu sony mandaryibu né 144,000 buñ ni rasob ni ná Dios guirá ór, né órni riásyibu rabanyibu lainy guibá, né ndeʼ Gobierno xtuny Dios ni rony xinésni (Revelación 14:1-3).

Gobierno xtuny Dios sony Gudxlio reʼ toib lagary móz. Ma diti sioʼ guerr, cós mal, galsii né galrralán. Guirá buñ saguaʼ goxtiguie (Salmo 145:16).