Galnigolú ni sieed ló la Biblia ni rioladxno guisuidyno buñ

Jesús goniʼ que buñ ni natzaay xcalnabany labúu nimbu ni nigolú (Juan 10:4, 27). Por ngú, nainy lóono guisuidyno galnigolú ni nayaa ni sieed ló la Biblia a guirá buñ ni raninéno. Órni salóno guininéno buñ, labúu guinino ndeʼ: «¿Nanlo que…?» o «¿Ma bicadiaglo toibtica buelt que…?» de ngú guisetlano toib galnigolú ni sieed ló la Biblia ni nayaa. Después labúu guiquiinno toib texto ni sieed ló la Biblia ni rabexa galnigolú cú. Órni raibyno toib galnigolú ni sieed ló la Biblia stoib buñ, nacni suusi nadxiʼpno toib ladx lainy xcalnabanybu. ¡Né Dios labúu gony que ladx cu niʼsni! (1 Cor. 3:6, 7).

• Ni gac ló dzú ni sietra

• Famil

• Dios

• Oración

• Jesús

• Gobierno xtuny Dios

• Galrrioʼob

• Galgoity

• Religión

NI GAC LÓ DZÚ NI SIETRA

1. 1. Cós mal ni cayac ló naareʼ né mod rony buñ nacni toib prueby que mápa mer guidzaʼ gudxliogoxreʼ (Mat. 24:3, 7, 8; Luc. 21:10, 11; 2 Tim. 3:1-5).

2. 2. Dipa sanitló Gudxlio (Sal. 104:5; Ecl. 1:4).

3. 3. Sactzay Gudxlio (Is. 35:1, 2; Apoc. 11:18).

4. 4. Ma diti sioʼ ni guixoʼ ló dzú ni sietra (Is. 33:24; 35:5, 6).

5. 5. Labúu guibanylo tipzó ló Gudxlio (Sal. 37:29; Mat. 5:5).

FAMIL

1. 6. Buñguieeu non gandxiʼ tzeʼel xomodca nadxiʼbu láacabu (Efes. 5:33; Col. 3:19).

2. 7. Buñgonaʼ non gap xiroʼ respet tzeʼel (Efes. 5:33; Col. 3:18).

3. 8. Tanli buñguieeu né buñgonaʼ diti non guiscúyibu tzeʼelyibu (Mal. 2:16; Mat. 19:4-6, 9; Heb. 13:4).

4. 9. Mbiox ni rasob né rap respet bixios né xinaʼ sieeni galán layibu (Prov. 1:8, 9; Efes. 6:1-3).

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

DIOS

1. 10. Noʼ laa Dios (Sal. 83:18; Jer. 10:10).

2. 11. Dios nap toib mensaj ni rasac par lóono (2 Tim. 3:16, 17; 2 Ped. 1:20, 21).

3. 12. Dios rony xinésni né diti rabúbu buñ (Deut. 10:17; Hech. 10:34, 35).

4. 13. Dios nainy gacnébu lóono (Sal. 46:1; 145:18, 19).

ORACIÓN

1. 14. Dios nainy guininéno láabu (Sal. 62:8; 65:2; 1 Ped. 5:7).

2. 15. La Biblia rasuidy lóono ximod gonyno oración (Mat. 6:7-13; Luc. 11:1-4).

3. 16. Guirási ór non gonyno oración (Mat. 7:7, 8; 1 Tes. 5:17).

JESÚS

1. 17. Jesús góc toib galán mextra né xconsejbu guirá ór racnéni buñ (Mat. 6:14, 15, 34; 7:12).

2. 18. Jesús bisetlaa guirá cós ni rabiʼno ló naareʼ (Mat. 24:3, 7, 8, 14; Luc. 21:10, 11).

3. 19. Jesús nac Xiin Dios (Mat. 16:16; Juan 3:16; 1 Juan 4:15).

4. 20. Jesús diti nac Dios (Juan 14:28; 1 Cor. 11:3).

Based on NASA/Visible Earth imagery

GOBIERNO XTUNY DIOS

1. 21. Gobierno xtuny Dios nacni toib Gobierno ni nigolú noʼ né noʼni lainy guibá (Dan. 2:44; 7:13, 14; Mat. 6:9, 10; Apoc. 11:15).

2. 22. Gobierno xtuny Dios sioʼni xalagary guirá gobiernos ni noʼ (Sal. 2:7-9; Dan. 2:44).

3. 23. Nosi Gobierno xtuny Dios labúu cueʼni guirá galnagan ni racaló buñ (Sal. 37:10, 11; 46:9; Is. 65:21-23).

GALRRIOʼOB

1. 24. Dios diti nap dool de guirá galrrioʼob ni radudyno ló (Deut. 32:4; Sant. 1:13).

2. 25. Gudxliogoxreʼ naxni ladxña Buñdzab (Luc. 4:5, 6; 1 Juan 5:19).

3. 26. Dios rabiʼbu galrrioʼob ni cadudylo ló né nainy láabu gacnébu looy (Sal. 34:17-19; Is. 41:10, 13).

4. 27. Mápa mer sanitló Dios guirá galrrioʼob ni cadudyno ló (Is. 65:17; Apoc. 21:3, 4).

GALGOITY

1. 28. Buñ ni ma goity diti nanyibu xitcal né diti cadudyibu ló galrrioʼob (Ecl. 9:5; Juan 11:11-14).

2. 29. Gueʼet diti labúu gacnéyibu lóono nili gonynayibu lóono (Sal. 146:4; Ecl. 9:6, 10).

3. 30. Buñ ni ronladxno labúu siásyibu lad gueʼet (Job 14:13-15; Juan 5:28, 29; Hech. 24:15).

4. 31. «Ma diti sioʼ galgoity» (Apoc. 21:3, 4; Is. 25:8).

RELIGIÓN

1. 32. Dios diti racacuent guirá religión (Jer. 7:11; Mat. 7:13, 14, 21-23).

2. 33. Dios rianladxbu buñ ni rascú (Is. 29:13; Miq. 3:11; Mar. 7:6-8).

3. 34. Galnadxiʼ raslooyni xi ngú religión ni nigolú (Miq. 4:3; Juan 13:34, 35).