Ni guinabdiitzno órni guisuidyno Xi libriya ni rasuidy historias xtuny la Biblia

Historia 1

Dios rasaló rasaʼ xidal cós

1. ¿Chú biduidy guirá cós tzaay lóono? ¿Goní xí biduidybu lóono?

2. ¿Chú láani nirdiguié bisaʼ Dios?

3. ¿Xigony más gondxiʼ Dios ángel ni bisaʼbu nirdiguié?

4. Golexa ximod góc Gudxlio nírcu (bibiʼ dibuj).

5. ¿Ximod gosaló Dios bunytzaay Gudxlio par buñ né nimal?

Stipnés diitz ni non guicapyno:

1. Bíil Jeremías 10:12.

   ¿Ximod raduidy diitz guirá ni bisaʼbu xí clas Dios nacbu? (Isa. 40:26; Rom. 11:33.)

2. Bíil Colosenses 1:15-17.

   ¿Ximod gocné Jesús órni goyaʼ guirá cós, né ximod racné lóono guirá ndeʼ guienno chú ngú Jesús?

3. Bíil Génesis 1:1-10.

   1. ¿Ximod ngú bidxin goyaʼ Gudxlio? (Gén. 1:1.)

   2. ¿Xí góc primer dzú, dzú ni Jehová gosaló bisaʼ guirá ni rabino? (Gén. 1:3-5.)

   3. ¿Xí góc ni rarop dzú, dzú ni Jehová gosaló bisaʼ guirá ni rabino? (Gén. 1:7, 8.)

Historia 2

Toib lagary sacroyen

1. ¿Ximod ngú bunytzaay Dios Gudxlio par lóono?

2. Dios bisaʼ xidal nimal, ¿labúu guinilo laa chop tzón la? (Bibiʼ dibuj.)

3. ¿Xí láani buny que Edén diti ñoʼ stoib lagary mer láani?

4. ¿Ximod goniiny Dios ñac guidopy Gudxlio?

Stipnés diitz ni non guicapyno:

1. Bíil Génesis 1:11-25.

   1. ¿Xí ni buny Dios ni rion govitz dzú ni láabu bisaʼbu guirá cós? (Gén. 1:12.)

   2. ¿Xí góc ló tap govitz, dzú ni Jehová bisaʼ guirá cós? (Gén. 1:16.)

   3. Ló gáay né ló xhoop govitz, ¿xí guirá nimal bisaʼ Dios? (Gén. 1:20, 21, 25.)

2. Bíil Génesis 2:8, 9.

   ¿Xí chop clas yac cuánnax goloʼ Jehová lainy lagary sacroyen cú, né xí biduidyni diitz?

Historia 3

Primer buñguieeu né primer buñgonaʼ

1. ¿Xí rabilo ni sieed ló dibuj historia 3 ni diti sieed ló dibuj historia 2?

2. ¿Chú bisaʼ primer buñguieeu, né ximod góc laabu?

3. ¿Xí dxiin biduidy Dios Adán?

4. ¿Xigony buny Dios que nanás toib bacaʼalnix Adán?

5. ¿Balac tiemp labúu nabany Adán né Eva, né xí dxiin goniiny Dios ñonyibu?

Stipnés diitz ni non guicapyno:

1. Bíil Salmo 83:18.

   ¿Ximod laa Dios, né xí lagary lásibu napbu ló Gudxlio reʼ? (Jer. 16:21; Dan. 4:17.)

2. Bíil Génesis 1:26-31.

   1. ¿Xí láani bilox bisaʼ Jehová último ló xhoop govitz, né ndeʼ ximod góc gadzé dxiin ni buny Jehová órni bisaʼbu nimal? (Gén. 1:26.)

   2. ¿Xí galrro biduidy Jehová par buñ né par nimal? (Gén. 1:30.)

3. Bíil Génesis 2:7-25.

   1. ¿Xí buny Adán par labúu nabeʼbu laa guirá nimal? (Gén. 2:19.)

   2. ¿Ximod racné Génesis 2:24 par guienno xí rony Dios pensary de galtzeʼel, de toib buñ ni rasian saʼ o ni rabíl xcaltzeel? (Mat. 19:4-6, 9.)

Historia 4

Ximod bisnityibu lidxyibu

1. Bibiʼ ló dibuj, ¿xí cayac Adán né Eva?

2. ¿Xigony buny castigar Jehová layibu?

3. ¿Xí góoch toib beʼel a Eva?

4. ¿Chú láabu buny que toib beʼel naní?

5. ¿Xigony bisnit Adán né Eva lidx lainy lagary sacroyen cú?

Stipnés diitz ni non guicapyno:

1. Bíil Génesis 2:16, 17 né 3:1-13, 24.

   1. ¿Xigony ni gonabdiitz beʼel cú Eva gadzé mod biduidy diitz mod nac Jehová? (Gén. 3:1-5; 1 Juan 5:3.)

   2. ¿Xigony raquiin guienno ni gosaclóo Eva par diti gonyno scúca? (Fili. 4:8; Sant. 1:14, 15; 1 Juan 2:16.)

   3. ¿Ximod biyopy Adán né Eva mod par diti ñony castigar Jehová layibu por ni bunyibu? (Gén. 3:12, 13.)

   4. Órni guirá querubines cú gosagaʼyibu gopyibu Edén, ¿ximod biduidyibu diitz que goyoʼyibu xilad xcalmandary Jehová? (Gén. 3:24.)

2. Bíil Revelación 12:9.

   ¿Nanlo balaati ma buny gann Buñdzab que stipnés buñ guicaló Gobierno xtuny Dios la? (1 Juan 5:19.)

Historia 5

Rasaló galnagan

1. ¿Ximod bibany Adán né Eva dzú ni bireʼyibu lainy Edén?

2. ¿Xí gosaló góc Adán né Eva, né xigony?

3. ¿Xigony ngú non ñoʼx né non ñaity xiin Adán né Eva?

4. Pal Adán né Eva nasobdiitzyibu Jehová, ¿ximod ngú non nabanyibu né xiinyibu?

5. ¿Ximod ngú bioʼobni Eva ni diti bisobbu Jehová?

6. ¿Ximod góc laa chop xiin lagol Adán né Eva?

7. ¿Chú ngú stipnés mbiox ni noʼ ló dibuj?

Stipnés diitz ni non guicapyno:

1. Bíil Génesis 3:16-23 né 4:1, 2.

   1. ¿Xí gosaclóo Adán órni góc maldecir layoo? (Gén. 3:17-19; Rom. 8:20, 22.)

   2. ¿Xigony láani bireʼ laa primer buñgonaʼ Eva, ni rarexa «ni nabany»? (Gén. 3:20.)

   3. ¿Ximod ngú bietj xcalnabany Jehová par né Adán né Eva órni bichéyibu? (Gén. 3:7, 21.)

2. Bíil Revelación 21:3, 4.

   ¿Xí «cós ni ma godudy» racladxno guinitló?

Historia 6

Toib góc buñtzay né toib góc buñ mal

1. ¿Xí dxiin rasaló rony Caín né Abel?

2. ¿Xí láani rascad Caín né Abel a Jehová?

3. ¿Xigony rioladx Jehová ni rascad Abel láabu, né xigony diti rioladxbu ni Caín rascad láabu?

4. ¿Xí clas buñ nac Caín, né ximod rony Jehová par coʼ láabu ló razón?

5. ¿Xí láani ngú ni rony Caín órni noʼbu toibsi né buchbu lainy layoo?

6. Golexa xí góc né Caín órni bigaitybu buchbu.

Stipnés diitz ni non guicapyno:

1. Bíil Génesis 4:2-26.

   1. ¿Ximod bislooy Jehová galnagan ni noʼ Caín ló? (Gén. 4:7.)

   2. ¿Ximod ngú bislooy Caín ni noʼ lainy xcalnabany? (Gén. 4:9.)

   3. ¿Ximod rabí Jehová órni noʼ ni ragaity toib buñ ni diti nap dool? (Gén. 4:10; Isa. 26:21.)

2. Bíil 1 Juan 3:11, 12.

   1. ¿Xigony bidzuitzxian Caín, né xí rasuidyno ni bunybu? (Gén. 4:4, 5; Pro. 14:30; 28:22.)

   2. ¿Ximod raslooy la Biblia que ná noʼ xfamilno ni racaló a Jehová, lóono diti sasianno láabu? (Sal. 27:10; Mat. 10:21, 22.)

3. Bíil Juan 11:25.

   ¿Xí ná Jehová guiduidy a guirá ni raity ló ro cayony xinésni? (Juan 5:24.)

Historia 7

Toib buñguieeu ni gop balory

1. ¿Ximod nga góc Enoc gadzé clas buñ?

2. Guirá buñ ni bibany ló xtzú Enoc, ¿xigony bunyibu pór cós mal?

3. ¿Xí cós mal buny buñ dzúcu? (Bibiʼ dibuj.)

4. ¿Xigony biquiin balory Enoc?

5. ¿Balac íz bibany buñ ló xtzú Enoc, né Enoc balac íz bibany?

6. ¿Xí góc después ni goity Enoc?

Stipnés diitz ni non guicapyno:

1. Bíil Génesis 5:21-24, 27.

   1. ¿Ximod bidzak Enoc a Jehová? (Gén. 5:24.)

   2. Mod sieed ló la Biblia, ¿chú ngú buñguieeu ni bibany más xidzú íz, né balac íz napbu dzú ni goitybu? (Gén. 5:27.)

2. Bíil Génesis 6:5.

   ¿Balaati midid bidal cós mal ló Gudxlio órni goity Enoc, né ximod nac xtzúno xomod góc dzúcu? (2 Tim. 3:13.)

3. Bíil Hebreos 11:5.

   ¿Xí clas buñ góc Enoc, «ni Dios bioladx» né ximod cuaʼbu xilaay Dios? (Gén. 5:22.)

4. Bíil Judas 14, 15.

   ¿Ximod labúu guisuʼ guirá ni racanal Jesús balory ni gop Enoc órni guiniʼyibu que ma guieed Xtzú rodann Jehová? (2 Tim. 4:2; Heb. 13:6.)

Historia 8

Nefilim ló Gudxlio

1. ¿Xí góc órni tipnés ángeles xtuny Dios góc toibsi né Buñdzab?

2. ¿Xigony tipnés ángeles bisian dxiin ni gop lainy guibá né bietjyibu ló Gudxlio?

3. ¿Xigony mal láani ñetj ángeles ló Gudxlio né ñacbu xomod buñ Gudxlio?

4. ¿Xigony guirá xiin ángeles reʼ diti gócbu xomod buñgudxlio?

5. Xomod rabilo ló dibuj, ¿xí láani buny xiin guirá ángeles reʼ dzú ma gocyibu nefilim?

6. Órni Enoc ma goity, ¿chú ngú buñguieeu tzaay ni bibany ló Gudxlio, né xigony gondxiʼ Dios láabu?

Stipnés diitz ni non guicapyno:

1. Bíil Génesis 6:1-8.

   ¿Xí ná Génesis 6:6 de ximod rasac Jehová órni rabíbu mod ronyno? (Sal. 78:40, 41; Pro. 27:11.)

2. Bíil Judas 6.

   ¿Xí rasuidyno ni buny guirá ángeles «ni diti gopyibu lagary ro Jehová biduidy layibu»? (1 Cor. 3:5-9; 2 Ped. 2:4, 9, 10.)

Historia 9

Noé rasaʼ toib arca

1. ¿Balac góc xfamily Noé, né ximod góc laa guionca xiin buñguieeu Noé?

2. ¿Xí cós ni diti ma bibiʼ buñ góoch Dios nasaʼ Noé, né xigony?

3. ¿Ximod cuapy guirá ni golés gahxca Noé órni láabu goníbu de toib arca?

4. ¿Xí góoch Dios Noé ñony né nimal?

5. Dzú ni Dios bisieg roʼ xpuert arca cú, ¿xí ngú ni buny Noé né xfamily?

Stipnés diitz ni non guicapyno:

1. Bíil Génesis 6:9-22.

   1. ¿Xí buny que Noé ñac toib buñ ni nigolú buny xchiin Dios ni rasuidy xinésni? (Gén. 6:9, 22.)

   2. ¿Xí rony Jehová pensary de cós mal, né xí rasuidyno de láani órni rayopyno cós par tzóno nakit? (Gén. 6:11, 12; Sal. 11:5.)

   3. ¿Ximod labúu guisuʼno Noé órni raiby xcudx Jehová lóono ni non gonyno? (Gén. 6:22; 1 Juan 5:3.)

2. Bíil Génesis 7:1-9.

   ¿Ximod racné lóono ni Jehová goní que Noé góc toib buñ ni buny xinésni ná gócbu buñ galkié? (Gén. 7:1; Pro. 10:16; Isa. 26:7.)

Historia 10

Toib guiérodann

1. ¿Xigony ma diti noʼ chú labúu goyoʼ lainy arca órni gosaló guiérodann cú?

2. ¿Balac dzú né balac gueʼel buny Jehová que ñac guié né hasta púti bidxin nís cú?

3. ¿Xí góc né arca órni gosaló bidzaguel ló guidopynac Gudxlio?

4. ¿Bilaa guirá nefilim órni bieed guiérodann la? ¿Xí góc né bixiosyibu?

5. ¿Xí góc né arca gáay beʼo después?

6. ¿Xigony biduidy Noé lagary que nareʼ toib biaʼij lainy arca?

7. ¿Ximod nga gon Noé que ma biaʼach ló nís?

8. Después ni Noé né xfamily goyoʼyibu más de toib íz lainy arca, ¿xí góoch Dios láabu?

Stipnés diitz ni non guicapyno:

1. Bíil Génesis 7:10-24.

   1. ¿Balaati midid binitló guirá ni nabany ló Gudxlio? (Gén. 7:23.)

   2. ¿Balac dzú gocla par biaʼach ló nís órni bilox guiérodann? (Gén. 7:24.)

2. Bíil Génesis 8:1-17.

   ¿Ximod raslooy Génesis 8:17 ni goniiny Jehová ñony ló Gudxlio dzú bisaʼbu láani que diti ma bitzá xpensarybu? (Gén. 1:22.)

3. Bíil 1 Pedro 3:19, 20.

   1. ¿Xí castig cuá guirá ángeles ni diti bisob a Jehová órni bibiguetyibu lainy guibá stoib? (Jud. 6.)

   2. ¿Ximod racnéni lóono guiluladxno que Jehová labúu ralaa xcudx xomod bunybu né Noé né xfamily? (2 Ped. 2:9.)

Historia 11

Primer bip ni gonaa lóo

1. Xomod rabilo ló dibuj, ¿xí láani ni primer buny Noé órni bireʼbu lainy arca?

2. ¿Xí góoch Dios a Noé né xfamily órni bilox góc guiérodann?

3. ¿Xí láani goní Dios gony?

4. Órni guibino toib bip, ¿xí láani guisetnaladxno?

Stipnés diitz ni non guicapyno:

1. Bíil Génesis 8:18-22.

   1. ¿Xí labúu gonyno par guiduidyno «toib buxiin ni rioladx Dios»? (Gén. 8:21; Heb. 13:15, 16.)

   2. ¿Xí bibiʼ Jehová ni noʼ lainy xcalnabany buñ ni rachiin gonybu, né xí cuidad gapnó? (Gén. 8:21; Mat. 15:18, 19.)

2. Bíil Génesis 9:9-17.

   1. ¿Xí acuerdo buny Jehová né guirá ni nabany ló Gudxlio? (Gén. 9:10, 11.)

   2. ¿Balac dzú gacla acuerdo ni buny Jehová ni biduidybu toib bip? (Gén. 9:16.)

Historia 12

Buñ rasaʼ toib torre nasoʼ

1. ¿Chú ngú góc Nemrod, né ximod bibiʼ Dios láabu?

2. Buñ ni noʼ ló dibuj, ¿xigony cabeʼyibu basoyáay?

3. ¿Xigony diti bioladx Jehová que nasaʼyibu toib torre nasoʼ?

4. ¿Ximod bicaa Dios ló guirá buñreʼ par diti nasaʼyibu toib torre nasoʼ?

5. ¿Ximod góc laa gudxrop ro golésyibu, né ximod rarexa diitzreʼ?

6. ¿Xí buny guirá buñ órni Dios bitzá xtiitzyibu?

Stipnés diitz ni non guicapyno:

1. Bíil Génesis 10:1, 8-10.

   ¿Xí clas buñ góc Nemrod, né xí ná Biblia que gapnó cuidad? (Pro. 3:31.)

2. Bíil Génesis 11:1-9.

   ¿Xigony bisaʼyibu toib torre, né xí biduidy diitz que diti sarebuʼ ni gonyibu? (Gén. 11:4; Pro. 16:18; Juan 5:44.)

Historia 13

Abrahán ximig Dios

1. ¿Xí clas buñ bibany lainy gudx Ur?

2. ¿Chú ngú buñguieeu ni rabilo ló dibuj? ¿Pu dzú golbu? ¿Pu lagary bibanybu?

3. ¿Xí buny mandary Dios gony Abrahán?

4. ¿Xigony góc laabu ximig Dios?

5. ¿Chú buny compañer Abrahán órni bireʼbu de Ur?

6. ¿Xí góoch Dios a Abrahán órni bidxinbu lainy gudx Canaán?

7. Órni Abrahán gop 99 íz, ¿xí goní Jehová guiduidy láabu?

Stipnés diitz ni non guicapyno:

1. Bíil Génesis 11:27-32.

   1. ¿Xfamily Abrahán góc Lot la? (Gén. 11:27.)

   2. Ná la Biblia raniʼ que Taré láabu ngú ni birené xfamily né sanébu ngú stiplad, ¿xigony ranino que ni gosanir ngú Abrahán, né xigony bunybu láani? (Gén. 11:31; Hech. 7:2-4.)

2. Bíil Génesis 12:1-7.

   Órni Abrahán bidxin Canaán, ¿ximod Jehová buny más xiroʼ acuerdo ni goníbu? (Gén. 12:7.)

3. Bíil Génesis 17:1-8, 15-17.

   1. ¿Ximod bitzá Jehová laa Abrán órni gopbu 99 íz, né xigony? (Gén. 17:5.)

   2. ¿Xí galnasác goní Dios guiduidybu Sara? (Gén. 17:15, 16.)

4. Bíil Génesis 18:9-19.

   1. Ló Génesis 18:19, ¿xí raniʼ texto reʼ ni non gony guirá ni ma noʼ xiin? (Deu. 6:6, 7; Efe. 6:4.)

   2. ¿Xí gosaclóo Sara ni raduidy diitz que diti labúu guicachlanno xitcal nisló Jehová? (Gén. 18:12, 15; Sal. 44:21.)

Historia 14

Dios ragoʼ prueby fe xtuny Abrahán

1. ¿Xí goní Dios guiduidybu Abrahán, né ximod bunybu láani?

2. Xomod rabilo ló dibuj, ¿ximod goloʼ Jehová prueby fe xtuny Abrahán?

3. Ná Abrahán diti biembu ni Dios buny mandary láabu, ¿xí bunybu?

4. ¿Xí góc órni Abrahán goleʼ toib gudxil par guigaitybu xiimbu?

5. ¿Balaati fe gop Abrahán lóo Dios?

6. ¿Xí biduidy Dios Abrahán par guiscadbu, né ximod buny Dios láani?

Stipnés diitz ni non guicapyno:

1. Bíil Génesis 21:1-7.

   ¿Xigony bichoc Abrahán tiplaʼ beʼel ro Isaac nac buñguieeu órni bisaʼbu xhoon govitz? (Gén. 17:10-12; 21:4.)

2. Bíil Génesis 22:1-18.

   ¿Ximod bislooy Isaac que bisobbu bixiosbu, né ndeʼ ximod biduidy diitz ni gac ló dzú ni sietra ni más rasac? (Gén. 22:7-9; 1 Cor. 5:7; Fili. 2:8, 9.)

Historia 15

Tzeʼel Lot bidxiguet lóo

1. Abrahán né Lot, ¿xigony diti toibsi lagary séeyibu?

2. ¿Xigony golú Lot Sodoma par cués?

3. ¿Ximod góc buñ ni golés gudx Sodoma?

4. ¿Xí abís biduidy chop ángeles Lot?

5. ¿Xigony góc tzeʼel Lot toib pilary de suudy?

6. ¿Xí rasuidyno ni gosaclóo tzeʼel Lot?

Stipnés diitz ni non guicapyno:

1. Bíil Génesis 13:5-13.

   ¿Xí rasuidyno de Abrahán órni gony reglarno toib galradíldiitz né stoib buñ? (Gén. 13:8, 9; Rom. 12:10; Fili. 2:3, 4.)

2. Bíil Génesis 18:20-33.

   Órni rasuidyno mod Abrahán biiy diitz né Jehová, ¿xigony gapnó confianz que Jehová né Jesús gonyibu xinésni órni cuébu tiplad buñ mal de buñtzay? (Gén. 18:25, 26; Mat. 25:31-33.)

3. Bíil Génesis 19:1-29.

   1. Órni rolno historia reʼ, ¿xigony diti rioladx Dios gacno buñ moxh? (Gén. 19:5, 13; Lev. 20:13.)

   2. ¿Abrahán né Lot ximod diti toibsi mod bisobyibu xiley Dios, né xí rasuidyno de láani? (Gén. 19:15, 16, 19, 20; 22:3.)

4. Bíil Lucas 17:28-32.

   ¿Ximod nga bibiʼ tzeʼel Lot guirá cós ni rasac ni gopbu, né xí rasuidyni lóono par diti gonyno scúca? (Luc. 12:15; 17:31, 32; Mat. 6:19-21, 25.)

5. Bíil 2 Pedro 2:6-8.

   Pal rasuʼno Lot, ¿ximod non guibino guirá cós mal ni noʼ ló gudxliogoxreʼ? (Eze. 9:4; 1 Juan 2:15-17.)

Historia 16

Toib gonaʼ tzaay ni guicaʼ Isaac

1. ¿Chú layibu ngú buñguieeu né buñgonaʼ ni rabilo ló dibuj?

2. ¿Xí láani buny Abrahán par labúu bidzelbu tzeʼel xiingaʼnbu, né xigony bunybu láani?

3. ¿Ximod nga birebuʼ ni gonab xomós Abrahán lóo Dios?

4. Órni gonabdiitzyibu Rebeca pal nainy tzébu guicaʼ Isaac láabu, ¿ximod cuapybu?

5. ¿Xí láani buny que Isaac nabaladx stoib?

Stipnés diitz ni non guicapyno:

1. Bíil Génesis 24:1-67.

   1. Órni Rebeca gonbu xomós Abrahán roʼ pós, ¿ximod biduidybu diitz xí clas buñ nacbu? (Gén. 24:17-20; Pro. 31:17, 31.)

   2. Lóono ni racanal Jesús, ¿xí rasuidyno mod buny Abrahán por Isaac? (Gén. 24:37, 38; 1 Cor. 7:39; 2 Cor. 6:14.)

   3. ¿Xigony cuéno tiemp par gony xpensaryno mod buny Isaac? (Gén. 24:63; Sal. 77:12; Fili. 4:8.)

Historia 17

Cuach ni diti góc toibsi clas

1. ¿Chú layibu góc Esaú né Jacob, né ximod gocyibu gadzé clas buñ?

2. ¿Balac íz nap Esaú né Jacob órni goity bixiogolbu Abrahán?

3. ¿Xí buny Esaú ni gosac nabann bixiosbu né xinaʼbu?

4. ¿Xigony nigolú bidzuitz Esaú né buchbu Jacob?

5. Isaac, ¿xí gochbu xiingaʼnbu Jacob ñony?

Stipnés diitz ni non guicapyno:

1. Bíil Génesis 25:5-11, 20-34.

   1. ¿Xí goní Jehová ni gac guiropca xiingaʼn Rebeca? (Gén. 25:23.)

   2. ¿Xigony diti toibsi mod bibiʼ Jacob né Esaú laay ni non guicaʼ ni nac lagol? (Gén. 25:31-34.)

2. Bíil Génesis 26:34, 35; 27:1-46, né 28:1-5.

   1. ¿Ximod biduidy diitz Esaú que diti bioladxbu cós ni Dios biduidy láabu? (Gén. 26:34, 35; 27:46.)

   2. Par labúu guicaʼ Jacob xilaay Jehová, ¿xí góoch Isaac láabu ñonybu? (Gén. 28:1-4.)

3. Bíil Hebreos 12:16, 17.

   Ni buny Esaú, ¿xí rasuidyni lóono ni rasaclóo guirá ni diti rioladx gac ximig Jehová?

Historia 18

Jacob riée Harán

1. ¿Chú ngú mbioxhlas gonaʼ ni noʼ ló dibuj, né ximod gocné Jacob láabu?

2. ¿Xí gosaguel Jacob gony par labúu guicaʼbu Raquel?

3. ¿Xí buny Labán órni bidxin dzú guicaʼ Jacob a Raquel?

4. ¿Xí buny Jacob par labúu bitzñabu né Raquel?

Stipnés diitz ni non guicapyno:

1. Bíil Génesis 29:1-30.

   1. Ná Labán biscú láabu, ¿ximod biduidy Jacob diitz que buñtzay nacbu, né xí labúu guisuidyno de láani? (Gén. 25:27; 29:26-28; Mat. 5:37.)

   2. ¿Ximod raslooy mod buny Jacob que nigolú gondxibu Raquel, né xí rasuidyno de láani? (Gén. 29:18, 20, 30; Cant. de Cant. 8:6.)

   3. ¿Chú layibu ngú góc tap buñgonaʼ ni golesné Jacob né ni gosann xiimbu? (Gén. 29:23, 24, 28, 29.)

Historia 19

Xidal xiin Jacob

1. Lea góc primer tzeʼel Jacob ni gosann xiimbu, ¿ximod góc laa xhoop mbiox ni gopbu né Jacob?

2. ¿Ximod góc laa chop mbiox ni gop Jacob né Zilpá, xcriat Lea?

3. ¿Ximod góc laa xchop mbiox ni gop Jacob né Bilhá, xcriat Raquel?

4. ¿Ximod góc laa chop mbiox ni gosann Raquel, né xí gosaclobu órni gool ni rarop mbiox cú?

5. Xomod rabilo ló dibuj, ¿balac xiin Jacob goyoʼ, né xí gudx bireʼ de layibu?

Stipnés diitz ni non guicapyno:

1. Bíil Génesis 29:32-35; 30:1-26, né 35:16-19.

   Xomod rienni mod buny Jacob né xiin, ¿nanlo xí costumbre gop guirá hebreos órni goleʼyibu laa xiinyibu la?

2. Bíil Génesis 37:35.

   Ná la Biblia nosi laa Dina rasetlaa, ¿ximod raduidyno cuent que goyoʼ más de toib xiindzap Jacob? (Gén. 37:34, 35.)

Historia 20

Dina riab ló galnagan

1. ¿Xigony diti goniiny Abrahán né Isaac que xiinyibu nacaʼ buñ ni rabés lainy gudx Canaán?

2. ¿Bioladx Jacob que xiindzapbu nadzak né guirá mbioxhlas de gudx Canaán la?

3. ¿Chú ngú buñguieeu ni noʼ ló dibuj ni cabí a Dina, né xí cós mal bunybu?

4. ¿Xí buny Simeón né Leví, bisan Dina, órni gonyibu ni góc?

5. ¿Bioladx Jacob ni buny Simeón né Leví la?

6. ¿Ximod gosaló galnagan ronoʼ xfamily Jacob?

Stipnés diitz ni non guicapyno:

1. Bíil Génesis 34:1-31.

   1. ¿Toibsi buelt goyee Dina xiin Jacob goyguen mbioxhlas de gudx Canaán la? Golexa láani (Gén. 34:1).

   2. ¿Xigony labúu guinino que Dina láaca gopbu dool ni Siquem bixiin láabu? (Gál. 6:7.)

   3. ¿Ximod labúu guiduidy mbioxhlas diitz que nigolú rienyibu ni gosaclóo Dina? (Pro. 13:20; 1 Cor. 15:33; 1 Juan 5:19.)

Historia 21

Rianladxyibu José

1. Tipnés buch José, ¿xigony bidzuitzyibu José, né xí bunyibu?

2. ¿Xí goniiny buchyibu gonyibu José, per xí goní Rubén?

3. ¿Xí rac órni radxiin tipnés buñ ismaelitas?

4. ¿Xí rony buchyibu a José par que bixiosbu gony xpensary que José ma goity?

Stipnés diitz ni non guicapyno:

1. Bíil Génesis 37:1-35.

   1. ¿Ximod labúu guisuʼ guirá ni racanal Jesús mod ni buny José al guisetyibu cós mal ni rony stipnés xiermanbu? (Gén. 37:2; Lev. 5:1; 1 Cor. 1:11.)

   2. Tipnés buch José, ¿xí bichiin layibu par ñony cuentyibu buchbu? (Gén. 37:11, 18; Pro. 27:4; Sant. 3:14-16.)

   3. ¿Xigony raibyno que láani ngú ni buny Jacob órni gonbu ni gosaclóo José? (Gén. 37:35.)

Historia 22

José noʼ press

1. ¿Balac íz nap José órni noʼ ni sané láabu Egipto, né xí rasaclobu órni radxinbu lagarycu?

2. ¿Xigony rasalyibu José press?

3. ¿Xí dxiin racaʼ José órni noʼbu press?

4. ¿Xí láani rony José por ni ragoʼ ni reʼ, né ni rabeʼ xpáa Faraón órni noyibu press?

5. ¿Xí láani rac órni buñguieeu ni ragoʼ ni reʼ Faraón rareʼ press?

Stipnés diitz ni non guicapyno:

1. Bíil Génesis 39:1-23.

   Ná ló dzú ni bibany José diti goyoʼ toib guiich ni biduidy Dios ni ná que diti labúu tzoné buny tzeʼel stoib, ¿xí bichiin a José par naxonybu de tzeʼel Potifar? (Gén. 2:24; 20:3; 39:9.)

2. Bíil Génesis 40:1-23.

   1. Golexa tidxóyen ximod goní xcaʼal ni ragoʼ ni reʼ Faraón né ximod bisaní Jehová a José par labúu nabexabu bacaʼal cú (Gén. 40:9-13).

   2. ¿Xí goní xcaʼal ni goleʼ xpáa Faraón né ximod rarexa bacaʼal cú? (Gén. 40:16-19.)

   3. Ló xtzúno, ¿ximod casuʼ esclavo fiel né discreto mod ni buny José? (Gén. 40:8; Sal. 36:9; Juan 17:17; Hech. 17:2, 3.)

   4. Órni rolno Génesis 40:20, ¿ximod rasaníni a guirá ni racanal Jesucristo mod ni guibíyibu cumpleany? (Ecl. 7:1; Mar. 6:21-28.)

Historia 23

Xpacaʼal Faraón

1. ¿Xí rasaclóo Faraón toib gueʼel?

2. ¿Xigony rasetnaladx buñguieeu ni ragoʼ ni reʼ Faraón a José?

3. Xomod rabino ló dibuj, ¿xí chop bacaʼal gop Faraón?

4. ¿Ximod golexa José guirop bacaʼal ni gop Faraón?

5. ¿Ximod radxiin José rac toib buñxirop lainy gudx Egipto ni canal xiitz Faraón?

6. Tipnés buch José, ¿xigony rieyibu Egipto, né xigony diti bimbuyibu José?

7. ¿Xí bacaʼal rasetnaladx José, né xí racné láabu guiembu láani?

Stipnés diitz ni non guicapyno:

1. Bíil Génesis 41:1-57.

   1. ¿Ximod goliskiaʼ José laa Jehová, né ximod labúu guisuʼ guirá ni racanal Jesús ni bunybu? (Gén. 41:16, 25, 28; Mat. 5:16; 1 Ped. 2:12.)

   2. Xomod góc lainy gudx Egipto ro goyoʼ xiroʼ galrro ro láaca goyoʼ govinn galrro, ¿xigony labúu guinino que scú nacní ló xtzúno lainy xcudx Jehová, né de guirá ni raniʼ que racanal Jesús? (Gén. 41:29, 30; Amós 8:11, 12.)

2. Bíil Génesis 42:1-8 né 50:20.

   ¿Mal láani que toib ni rien Jehová guixixip par gonyxiroʼbu toib buñ né guiduidybu respet por nacbu buñnan, pal lainy toib gudx diti rienni mal la? (Gén. 42:6.)

Historia 24

José ragoʼ prueby buch

1. ¿Xigony raniʼ José que buchbu riée Egipto par guiláach?

2. ¿Xigony raduidy Jacob lagary que xiimbu, Benjamín, ni más nahuin tze Egipto?

3. ¿Ximod radxiin copa ni nac de plata xtuny José lainy sac Benjamín?

4. ¿Xí ná Judá gony par guislaʼyibu Benjamín?

5. Guirá buch José, ¿ximod ma bisianyibu mod ni gocyibu?

Stipnés diitz ni non guicapyno:

1. Bíil Génesis 42:9-38.

   Guirá diitz ni goní José ló Génesis 42:18, ¿xigony nigolú racnéni guirá ni nap xiroʼ dxiin lainy congregación? (Neh. 5:15; 2 Cor. 7:1, 2.)

2. Bíil Génesis 43:1-34.

   1. Ná Rubén góc lagol ló guirá xiin Jacob, ¿ximod raduidy diitz que Judá ngú ni goní por guirá buch? (Gén. 43:3, 8, 9; 44:14, 18; 1 Cró. 5:2.)

   2. ¿Ximod goloʼ José prueby a guirá buch, né xigony? (Gén. 43:33, 34.)

3. Bíil Génesis 44:1-34.

   1. ¿Xí buny José par que guirá buchbu diti labúu nimbu láabu? (Gén. 44:5, 15; Lev. 19:26.)

   2. Guirá buch José, ¿ximod biduidyibu diitz que ma diti radzuitzyibu José suusi antes? (Gén. 44:13, 33, 34.)

Historia 25

Family ni radxiin Egipto

1. ¿Xí láani rac órni José raset a guirá buch que láabu ngú José?

2. ¿Xí láani rabexa José nadadiguieʼ a guirá buch?

3. ¿Xí láani raniʼ Faraón órni gonbu que bidxin buch José?

4. ¿Balac buñ ma nac xfamily Jacob órni bidxinyibu Egipto?

5. ¿Ximod bireʼ laa xfamily Jacob, né xigony?

Stipnés diitz ni non guicapyno:

1. Bíil Génesis 45:1-28.

   ¿Ximod raslooy historia xtuny José que Jehová labúu coxinés toib cós ni raloyni gonynaa a guirá ni racanal láabu? (Gén. 45:5-8; Isa. 8:10; Fili. 1:12-14.)

2. Bíil Génesis 46:1-27.

   ¿Ximod gocné Jehová a Jacob órni gosaabu ló néz par nadxiimbu Egipto? (Gén. 46:1-4, nota.)

Historia 26

Job rony ni ná Dios

1. ¿Chú láabu góc Job?

2. ¿Xí goniiny Buñdzab ñony, né birebuʼ ni goníbu la?

3. ¿Xí biduidy Jehová lagary buny Buñdzab, né xigony bunybu láani?

4. ¿Xigony tzeʼel Job góoch láabu, «goní mal de Dios né goity»? (Bibiʼ dibuj.)

5. Xomod rabilo ló rarop dibuj, ¿ximod biduidy Jehová xilaay a Job, né xigony?

6. Pal lóono ronyno guirá ni ná Jehová xomod Job, ¿xí laay sacaʼno?

Stipnés diitz ni non guicapyno:

1. Bíil Job 1:1-22.

   ¿Ximod labúu guisuʼ guirá ni racanal Jesús mod ni buny Job? (Job 1:1; Fili. 2:15; 2 Ped. 3:14.)

2. Bíil Job 2:1-13.

   ¿Xigony diti toibsi mod cualó Job né tzeʼel galnagan ni goloʼ Buñdzab layibu? (Job 2:9, 10; Pro. 19:3; Miq. 7:7; Mal. 3:14.)

3. Bíil Job 42:10-17.

   1. ¿Xigony laay ni cuaʼ Job né ni cuaʼ Jesús ngúca gocni por ni bisobyibu guirá ór ni ná Jehová? (Job 42:12; Fili. 2:9-11.)

   2. Guirá laay ni cuá Job ni buny xinésni, ¿ximod racnéni lóono? (Job 42:10, 12; Heb. 6:10; Sant. 1:2-4, 12; 5:11.)

Historia 27

Toib Faraón mal rony mandary Egipto

1. ¿Chú ngú buñguieeu ni cagasguit toib buñ ni cayony dxiin, né chú ngú ni cagasguitbu?

2. ¿Xí gosaclóo guirá israelitas órni goity José?

3. ¿Xigony bidzuiby egipcios a israelitas?

4. ¿Xí góoch Faraón a guirá buñgonaʼ ni gon a guirá israelitas ni gosann badaʼ?

Stipnés diitz ni non guicapyno:

1. Bíil Éxodo 1:6-22.

   1. ¿Ximod gosaló Jehová buny guirá ni goníbu guiduidybu a Abrahán? (Éxo. 1:7; Gén. 12:2; Hech. 7:17.)

   2. Guirá buñgonaʼ ni gon buñgosann, ¿ximod biduidyibu diitz que toib badaʼ rasac nisló Dios? (Éxo. 1:17; Gén. 9:6.)

   3. Guirá buñgonaʼ ni gon buñgosann ni buny ni ná Jehová, ¿ximod cuaʼyibu xilaay Jehová? (Éxo. 1:20, 21; Pro. 19:17.)

   4. Buñdzab goniiny que Dios diti labúu ñony ni goníbu que Jesús guieed de Abrahán, né ¿xí bunybu? (Éxo. 1:22; Mat. 2:16.)

Historia 28

Badaʼ ni laa Moisés ralaa

1. ¿Chú ngú badaʼ ni noʼ ló dibuj, né chú ña canás badaʼyen reʼ?

2. ¿Xí buny xinaʼ Moisés par diti ñoʼ chú nagaity a Moisés?

3. ¿Chú ngú nidxigonaʼyen ni noʼ ló dibuj, né xí bunybu?

4. Órni xiindzap Faraón bidzelbu badaʼyen reʼ, ¿xí góoch Míriam láabu?

5. ¿Xí góoch princes a xinaʼ Moisés?

Stipnés diitz ni non guicapyno:

1. Bíil Éxodo 2:1-10.

   ¿Ximod buny xinaʼ Moisés par labúu nasnísbu né nasuidybu Moisés órni nac mbioxien, né xí rasuidyni a guirá ni noʼ xiin? (Éxo. 2:9, 10; Deu. 6:6-9; Pro. 22:6; Efe. 6:4; 2 Tim. 3:15.)

Historia 29

Xigony bixony Moisés

1. ¿Pu lagary gonís Moisés, né xí gonbu de bixiosbu né xinaʼbu?

2. ¿Xí buny Moisés órni gopbu 40 íz?

3. ¿Xí góoch Moisés a toib israelita ni cayonynaa a stoib israelita, né xí cuapy buñguieeu reʼ láabu?

4. ¿Xigony bisian Moisés Egipto?

5. ¿Pu lagary goyee Moisés, né chú bimbubu lagary ro bidxinbu?

6. ¿Xí buny Moisés ló cuarent íz ni goyoʼbu lagarycu?

Stipnés diitz ni non guicapyno:

1. Bíil Éxodo 2:11-25.

   Ló íz ni goyoʼ Moisés gudx Egipto cuaʼbu xiroʼ galnann ná scú, ¿ximod biduidybu diitz que noʼbu né Jehová né xcudx? (Éxo. 2:11, 12; Heb. 11:24.)

2. Bíil Hechos 7:22-29.

   ¿Xí rasuidyno ni goniiny Moisés nalaa por stip láabu a guirá israelitas ni noʼ xan xomandary Faraón? (Hech. 7:23-25; 1 Ped. 5:6, 10.)

Historia 30

Yac gúch ni cacáa guii

1. ¿Ximod laa dainy ni rabilo ló dibuj?

2. ¿Xí cós ni radziguiaʼ buñ bibiʼ Moisés órni cayapbu xiil laidy dainy?

3. ¿Xí diitz bicadiag Moisés ni bireʼ ló yac gúch ni cacáa guii, né chú láabu goní diitzreʼ?

4. Órni Dios gochbu Moisés que cuébu Xcudxbu de Egipto, ¿xí cuapy Moisés?

5. ¿Xí góoch Dios a Moisés nacapy órni nanabdiitzyibu que chú bixel láabu?

6. ¿Ximod labúu naduidy Moisés diitz que Jehová bixel láabu?

Stipnés diitz ni non guicapyno:

1. Bíil Éxodo 3:1-22.

   Órni raloyni diti labúu gonyno toib dxiin ni Jehová raduidy lóono, ¿ximod labúu gapnó confianz que Jehová gacné lóono xomod bunybu né Moisés? (Éxo. 3:11, 13; 2 Cor. 3:5, 6.)

2. Bíil Éxodo 4:1-20.

   1. Ló cuarent íz ni Moisés goyoʼ ló gudx Madián, ¿ximod bitzábu mod ni gócbu, né xí rasuidy guirá ni nainy gap privilegio lainy xcudx Jehová? (Éxo. 2:11, 12; 4:10, 13; Miq. 6:8; 1 Tim. 3:1, 6, 10.)

   2. Órni Jehová raquiin xcudx par coʼbu lóono ló néz, ¿xí confianz raduidyni lóono mod bunybu né Moisés? (Éxo. 4:12-14; Sal. 103:14; Heb. 12:4-11.)

Historia 31

Moisés né Aarón rieyibu nisló Faraón

1. ¿Ximod gocné a israelitas galrradziguiaʼ ni buny Moisés né Aarón?

2. ¿Xí láani góoch Moisés né Aarón a Faraón, né xí cuapy Faraón layibu?

3. Xomod rabino ló dibuj, ¿xí láani góc órni Aarón bisal xiac layoo?

4. ¿Ximod godiʼx Jehová a Faraón xalagary, né xí buny Faraón?

5. ¿Xí láani góc órni bilox godudy chii plaga?

Stipnés diitz ni non guicapyno:

1. Bíil Éxodo 4:27-31 né 5:1-23.

   ¿Xí láani biduidy diitz Faraón né diitzreʼ: «Diti rimbuya Jehová»? (Éxo. 5:2; 1 Sam. 2:12; Rom. 1:21.)

2. Bíil Éxodo 6:1-13, 26-30.

   1. ¿Ximod ngú Jehová diti biduidy lagary que Abrahán, Isaac né Jacob ñan ximod laabu? (Éxo. 3:13, 14; 6:3; Gén. 12:8.)

   2. ¿Xí rasacno ni ma nánno que Jehová biquiin a Moisés, ná láabu diti goyoʼbu puext par gonybu dxiin ni Jehová biduidy láabu? (Éxo. 6:12, 30; Luc. 21:13-15.)

3. Bíil Éxodo 7:1-13.

   1. Órni Moisés né Aarón cuaʼyibu balory né goyeyibu nisló Faraón par guiniʼyibu xi ná Jehová, ¿ló xtzúno xí labúu rasuidy guirá ni rony ni ná Dios mod ni bunyibu? (Éxo. 7:2, 3, 6; Hech. 4:29-31.)

   2. ¿Ximod bilooy Jehová que noʼbu más guiaʼ que guirá dioxh egipcios? (Éxo. 7:12; 1 Cró. 29:12.)

Historia 32

Chii plagas

1. Bibiʼ guirá dibuj, goní primer laa tzón plagas ni bixel Jehová Egipto.

2. ¿Xigony tzón plagas diti toibsi mod gocni que stipnés gatz plagas cú?

3. ¿Xí láani ngú plagas tap, gáay né xhoop?

4. ¿Xí láani góc plagas gatz, xhoon né gaʼ?

5. ¿Xí láani goní Jehová ñony israelitas órni yása nasaló plaga chii?

6. ¿Xí láani góc última plaga ni bisaʼ chii, né xí góc después?

Stipnés diitz ni non guicapyno:

1. Bíil Éxodo 7:19–8:23.

   1. Ná guirá buñ chiser ni goyoʼ xan xomandary Faraón labúu bunyibu ni primer né ni rarop plagas ni bixel Jehová, ¿xí biduidyibu cuent, né xí goníyibu órni bilox godudy ni rion plagas? (Éxo. 8:18, 19; Mat. 12:24-28.)

   2. ¿Ximod biduidy diitz ni rasaʼ tap plagas que Jehová labúu ralaa xcudx, né ximod racnéni layibu guicalóyibu ni guieed ni laa «gran tribulación»? (Éxo. 8:22, 23; Rev. 7:13, 14; 2 Cró. 16:9.)

2. Bíil Éxodo 8:24; 9:3, 6, 10, 11, 14, 16, 23-25, né 10:13-15, 21-23.

   1. Ni buny Faraón né guirá buñ chiser ni goyoʼ ló xtzúbu, ¿xí chop clas grupo buny representaryibu ni noʼ ló xtzúno, né xí láani diti labúu rony chop grupo ni noʼ ló xtzúno? (Éxo. 8:10, 18, 19; 9:14.)

   2. ¿Ximod racné lóono Éxodo 9:16 par guienno xigony Jehová raduidy lagary que Buñdzab guibany hasta ló xtzúno? (Rom. 9:21, 22.)

3. Bíil Éxodo 12:21-32.

   ¿Ximod bilaa Pascua xidal buñ ló xtzú israelitas, né xí láani biduidy diitz Pascua reʼ? (Éxo. 12:21-23; Juan 1:29; Rom. 5:18, 19, 21; 1 Cor. 5:7.)

Historia 33

Cadudyibu nisdaʼ Xináa

1. ¿Balac buñguieeu israelitas bireʼ toibsi né buñgonaʼ né mbiox órni bisianyibu Egipto, né chú stipnés buny compañer layibu?

2. ¿Ximod bisac Faraón órni biduidybu lagary sée israelitas de Egipto, né xí bunybu?

3. ¿Xí buny Jehová par bicaa ló egipcios par diti nacalóyibu Israel, xcudx Jehová?

4. ¿Xí láani góc órni Moisés biscaʼ ña né xiac ló nisdaʼ Xináa, né xí buny guirá israelitas?

5. Órni egipcios bisobnalyibu a guirá israelitas lainy nisdaʼ, ¿xí láani góc?

6. ¿Ximod bibaladx né biduidy guixquix israelitas a Jehová por ni bilaayibu?

Stipnés diitz ni non guicapyno:

1. Bíil Éxodo 12:33-36.

   ¿Ximod ngú xcuent Jehová goyoʼ que guirá israelitas nacaʼyibu xidal cós por guirá dxiin ni bunyibu órni goyoʼyibu xan xomandary Faraón? (Éxo. 3:21, 22; 12:35, 36.)

2. Bíil Éxodo 14:1-31.

   ¿Ximod rachiin diitz ni bicaʼ Moisés ló Éxodo 14:13, 14 a guirá ni rony ni ná Dios por ni rabíyibu que Xtzú rodann Jehová ma noʼ gaxtiguié? (2 Cró. 20:17; Sal. 91:8.)

3. Bíil Éxodo 15:1-8, 20, 21.

   1. ¿Xigony guirá ni rony ni ná Jehová non goʼolyibu cántico? (Éxo. 15:1, 2; Sal. 105:2, 3; Rev. 15:3, 4.)

   2. ¿Xí buny Míriam né stipnés buñgonaʼ roʼ nisdaʼ Xináa ni labúu guisuʼ guirá buñgonaʼ ni racanal Jesús órni buny xiroʼyibu laa Jehová? (Éxo. 15:20, 21; Sal. 68:11.)

Historia 34

Toib galrro copy

1. ¿Xí láani catop buñ layoo mod rabilo ló dibuj, né ximod laa ni catopyibu?

2. ¿Xí láani raiby Moisés a gudx Israel órni guitopyibu maná?

3. ¿Xí láani ná Jehová gony gudx Israel ló xhoop govitz, né xigony?

4. Órni maná riotzaayni hasta ló gatz govitz, ¿xí ni radziguiaʼ buñ rony Jehová?

5. ¿Balac íz rayaʼan Jehová gudx Israel né maná?

Stipnés diitz ni non guicapyno:

1. Bíil Éxodo 16:1-36 né Números 11:7-9.

   1. ¿Ximod raduidy diitz Éxodo 16:8 que gapnó respet a guirá ni nap privilegio lainy congregación? (Heb. 13:17.)

   2. ¿Ximod biduidy israelitas cuent guirá dzú órni goyoʼyibu ló yoovich que nosi Jehová ngú ni gocné layibu? (Éxo. 16:14-16, 35; Deu. 8:2, 3.)

   3. ¿Ximod buny representar Jesús maná, né ximod racnéni lóono «páa ni sieed guibá»? (Juan 6:31-35, 40.)

2. Bíil Josué 5:10-12.

   ¿Balac íz israelitas godóyibu maná, láaca ximod goloʼni prueby layibu, né xí rasuidy historia reʼ lóono? (Éxo. 16:35; Núm. 11:4-6; 1 Cor. 10:10, 11.)

Historia 35

Jehová raduidy xiley

1. Chop tzón beʼo de goló bireʼ israelitas Egipto, ¿pu lagary biguaʼyibu?

2. ¿Xí nainy Jehová gony gudxcú, né xí racapyibu?

3. ¿Xigony raduidy Jehová a Moisés chop guieetabla?

4. Jehová biduidy Chii Diitz israelitas, per láaca, ¿xí stipnés leyes cuaʼyibu?

5. ¿Xí chop ley goní Jesucristo ni más rasac?

Stipnés diitz ni non guicapyno:

1. Bíil Éxodo 19:1-25; 20:1-21; 24:12-18, né 31:18.

   ¿Ximod racné lóono diitz ni sieed ló Éxodo 19:8 par guienno xí non gonyno órni goninéno Jehová que ma nainy lóono gonyno xchiimbu? (Mat. 16:24; 1 Ped. 4:1-3.)

2. Bíil Deuteronomio 6:4-6; Levítico 19:18, né Mateo 22:36-40.

   ¿Ximod raduidy diitz ni racanal Jesús que nadxiyibu Dios né saʼyibu? (Mar. 6:34; Hech. 4:20; Rom. 15:2.)

Historia 36

Torien ni góc de or

1. ¿Xí cayony buñ ni noʼ ló dibuj, né xigony?

2. ¿Xigony cadzuitz Jehová, né xí buny Moisés órni bibiʼbu ni cayony buñreʼ?

3. ¿Xí rony mandary Moisés gony tipnés buñguieeu?

4. ¿Xí rasuidy historia reʼ lóono?

Stipnés diitz ni non guicapyno:

1. Bíil Éxodo 32:1-35.

   1. ¿Ximod raslooy historia reʼ lóono mod ni rony Jehová pensary pal ragotzno religión ni rasuidy xinésni né religión falz? (Éxo. 32:4-6, 10; 1 Cor. 10:7, 11.)

   2. ¿Xí láani raquiin gap cuidad ni racanal Jesús órni guiyopyibu mod par tzó nakityibu, xomod canción né galrrayá? (Éxo. 32:18, 19; Efe. 5:15, 16; 1 Juan 2:15-17.)

   3. ¿Ximod biduidy xfamily Leví toib mod galán órni goyoʼyibu xilad Jehová? (Éxo. 32:25-28; Sal. 18:25.)

Historia 37

Toib yoʼ ro rac adorar

1. ¿Ximod laa yoʼ ni noʼ ló dibuj, né pu raquiinni?

2. ¿Xigony góoch Jehová a Moisés nasaʼ yoʼ reʼ par labúu nabílni naguel?

3. ¿Xí láani ngú cajien ni noʼ lainy cuart mitien ni caa cué yoʼ xiroʼ, né xí noʼ lainyni?

4. ¿Chú láabu rabú Jehová par guisanir nisló Israel, né xí dxiin ronybu?

5. ¿Xí tzón cós noʼ lainy cuart xiroʼ lainy yoʼ ro rac adorar Jehová?

6. ¿Xí chop cós goyoʼ láachluʼ ro góc adorar Jehová, né ximod biquiinyibu láani?

Stipnés diitz ni non guicapyno:

1. Bíil Éxodo 25:8-40; 26:1-37; 27:1-8, né 28:1.

   ¿Xí buny representar chop querubines ni goyoʼ laidy «caj ni rasetnaladx acuerdo ni buny Jehová né Israel»? (Éxo. 25:20, 22; Núm. 7:89; 2 Rey. 19:15.)

2. Bíil Éxodo 30:1-10, 17-21; 34:1, 2, né Hebreos 9:1-5.

   1. ¿Xigony goní Jehová que guirá ni rasanir nisló israelitas par gony goʼox gacyibu buñ nayaa, né ximod racné lóono ni Dios góoch layibu? (Éxo. 30:18-21; 40:30, 31; Heb. 10:22.)

   2. ¿Ximod raslooy Pablo que yoʼ ro rac adorar né caj ni rasetnaladx acuerdo ni buny Jehová né Israel ma diti raquiinni ló dzú ni bixelbu guiich lóo hebreos? (Heb. 9:1, 9; 10:1.)

Historia 38

Doce buñ ni riée raláach

1. ¿Ximod rabilo rasim balach ni noʼ ló dibuj? ¿Pu lagary sieetni?

2. ¿Xigony raxel Moisés doce buñ par guiláach gudx Canaán?

3. ¿Xí raniʼ chii buñ ni goyee biláach gudx Canaán órni rabiguetyibu ronoʼ Moisés?

4. ¿Ximod raduidy diitz chop buñguieeu ni biláach gudx Canaán que napyibu confianz lóo Jehová, né ximod laayibu?

5. ¿Xigony radzuitz Jehová, né xí raibybu Moisés?

Stipnés diitz ni non guicapyno:

1. Bíil Números 13:1-33.

   1. ¿Chú golúyibu par ñée naláach gudx Canaán, né xí oportunida gopyibu? (Núm. 13:2, 3, 18-20.)

   2. Josué né Caleb, ¿xigony diti toibsi mod góc xpensaryibu né stipnés ni goyee né layibu par guiláach, né xí rasuidy ndeʼ lóono? (Núm. 13:28-30; Mat. 17:20; 2 Cor. 5:7.)

2. Bíil Números 14:1-38.

   1. ¿Xí sasaclono pal sanino mal de guirá ni rony representar a Jehová ló Gudxlio? (Núm. 14:2, 3, 27; Mat. 25:40, 45; 1 Cor. 10:10.)

   2. ¿Ximod raslooy Números 14:24 que Jehová noʼbu galrasaʼ por cada toib ni rony xchiimbu? (1 Rey. 19:18; Pro. 15:3.)

Historia 39

Xiac Aarón riaal guieʼ

1. ¿Chú layibu diti ná guisob ni ná Moisés né Aarón, né xí raibyibu Moisés?

2. ¿Xí láani ranab Moisés gony Coré né 250 buñ ni góc toibsi né láabu?

3. ¿Xí láani raiby Moisés a gudx Israel, né xí láani rac órni rabés ranibu?

4. ¿Xí rac Coré né 250 buñ ni góc toibsi né láabu?

5. ¿Xí rony Eleazar xiin Aarón né guirá cós ni biquiin buñ ni ma goity par gony goʼox, né xigony ronybu láani?

6. ¿Xigony rony Jehová que xiac Aarón riaal guieʼ? (Bibiʼ dibuj.)

Stipnés diitz ni non guicapyno:

1. Bíil Números 16:1-49.

   1. ¿Xí láani buny Coré né guirá buñ ni góc toibsi né láabu, né xigony cós mal ni bunyibu ni diti bisobyibu gocni mal nisló Jehová? (Núm. 16:9, 10, 18; Lev. 10:1, 2; Pro. 11:2.)

   2. ¿Xí mal pensary gop Coré né 250 «ancianos ni rasanir lainy gudx Israel»? (Núm. 16:1-3; Pro. 15:33; Isa. 49:7.)

2. Bíil Números 17:1-11 né 26:10.

   1. ¿Xí bislooy que xiac Aarón goleʼni guieʼ, né xigony goní Jehová ñotzaayni lainy caj ni rasetnaladx acuerdo ni bunybu né Israel? (Núm. 17:5, 8, 10.)

   2. ¿Xí ni rasac labúu guisuidyno ni buny Jehová né xiac Aarón? (Núm. 17:10; Hech. 20:28; Fili. 2:14; Heb. 13:17.)

Historia 40

Moisés raguin xiac ló guiee

1. ¿Ximod ran Jehová israelitas laʼga noyibu ló yoovich?

2. ¿Xigony ratzotz roʼ israelitas órni raguaʼyibu lagary ni góc laa Qadés?

3. ¿Ximod ngú raduidy Jehová nís par gueʼ buñ né nimal?

4. ¿Chú láabu buñguieeu ni noʼ ló dibuj ni caloyña lachdaʼ, né xigony cayonybu láani?

5. ¿Xigony radzuitzné Jehová Moisés né Aarón, né xí castig raduidy Jehová layibu?

6. ¿Xí rac laidy dainy ni góc laa Hor, né chú láabu rian xalagary Aarón lainy gudx Israel?

Stipnés diitz ni non guicapyno:

1. Bíil Números 20:1-13, 22-29 né Deuteronomio 29:5.

   1. ¿Xí láani rasuidyno mod ni Jehová gon israelitas ló yoovich? (Deu. 29:5; Mat. 6:31; Heb. 13:5; Sant. 1:17.)

   2. ¿Ximod bibiʼ Jehová que Moisés né Aarón diti bunyxiroʼ laabu nisló gudx Israel? (Núm. 20:12; 1 Cor. 10:12; Rev. 4:11.)

   3. ¿Xí rasuidyno mod ni buny Moisés órni Jehová goloʼ xinés xcalrriembu? (Núm. 12:3; 20:12, 27, 28; Deu. 32:4; Heb. 12:7-11.)

Historia 41

Beʼel de cobre

1. ¿Xí láani ngú ni narel laidy yac ni noʼ ló dibuj, né xigony góoch Jehová a Moisés gony láani?

2. ¿Ximod biduidy diitz israelitas que diti rioladxbu ni rony Jehová por layibu?

3. ¿Xí láani ranab israelitas a Moisés órni Jehová bixel beʼel ni rot né ragaity par gac castigaryibu?

4. ¿Xigony raiby Jehová a Moisés que gonybu toib beʼel de cobre?

5. ¿Xí rasuidy historia reʼ lóono?

Stipnés diitz ni non guicapyno:

1. Bíil Números 21:4-9.

   1. Israelitas bitzotz roʼyibu por guirá ni cuaʼyibu de Jehová, ¿xí sasaclono pal gonyno scúca? (Núm. 21:5, 6; Rom. 2:4.)

   2. Órni ma godudy xidal íz, ¿ximod biquiin israelitas beʼel de cobre, né xí buny Ezequías ni buny mandary dzúcu? (Núm. 21:9; 2 Rey. 18:1-4.)

2. Bíil Juan 3:14, 15.

   ¿Ximod bislooy beʼel de cobre ni birel laidy yac, que scúca ñaity Jesús? (Gál. 3:13; 1 Ped. 2:24.)

Historia 42

Toib bor ni raniʼ

1. ¿Chú ngú Balac, né xigony raxelcaʼbu Balaam?

2. ¿Xigony rat xpor Balaam ló néz?

3. ¿Xí racadiag Balaam órni raniʼ bor?

4. ¿Xí raiby toib ángel a Balaam?

5. ¿Xí rac órni Balaam rony por guiniʼ mal de Israel?

Stipnés diitz ni non guicapyno:

1. Bíil Números 21:21-35.

   ¿Xigony buny gann Israel a Sehón, ni buny mandary guirá amorreos, né Og ni buny mandary Basán? (Núm. 21:21, 23, 33, 34.)

2. Bíil Números 22:1-40.

   ¿Xí razón gop Balaam par goniiny naniʼbu mal de xcudx Jehová, né xí rasuidyno de historia reʼ? (Núm. 22:16, 17; Pro. 6:16, 18; 2 Ped. 2:15; Jud. 11.)

3. Bíil Números 23:1-30.

   Balaam buny sani cayony ni ná Jehová, ¿ximod biduidybu diitz por ni bunybu que diti gocni scú? (Núm. 23:3, 11-14; 1 Sam. 15:22.)

4. Bíil Números 24:1-25.

   ¿Ximod rony historia reʼ más nadip confianz ni napnó, que Jehová sony guirá ni ma goníbu? (Núm. 24:10; Isa. 54:17.)

Historia 43

Josué buñguieeu ni rasanir

1. ¿Chú layibu chop buñguieeu ni noʼ né Moisés ló dibuj?

2. ¿Xí raiby Jehová a Josué?

3. ¿Xigony riaʼpy Moisés guic dainy ni laa Nebo, né xí raiby Jehová láabu?

4. ¿Balac íz nap Moisés órni goity?

5. ¿Xigony goyoʼ nabann gudx Israel, per xí láani buny que nabaladxyibu?

Stipnés diitz ni non guicapyno:

1. Bíil Números 27:12-23.

   ¿Xí dxiin ni rasac raduidy Jehová a Josué, né ló naareʼ ximod Jehová noʼbu galrasaʼ por Xcudx? (Núm. 27:15-19; Hech. 20:28; Heb. 13:7.)

2. Bíil Deuteronomio 3:23-29.

   ¿Xigony diti biduidy Jehová lagary que Moisés né Aarón ñoʼyibu lainy Gudxlio ni Jehová Goní guiduidy a Israel, né xí rasuidyno de láani? (Deu. 3:25-27; Núm. 20:12, 13.)

3. Bíil Deuteronomio 31:1-8, 14-23.

   Órni ma yaaca gaity Moisés goninébu gudx Israel, ¿ximod bienni ló xtiitzbu que nigolú bicadiagbu órni Jehová goloʼ láabu ló néz? (Deu. 31:6-8, 23.)

4. Bíil Deuteronomio 32:45-52.

   ¿Ximod ratzá la Biblia mod nacno? (Deu. 32:47; Lev. 18:5; Heb. 4:12.)

5. Bíil Deuteronomio 34:1-12.

   Ná Moisés diti bibiʼbu Jehová, ¿ximod raduidy diitz Deuteronomio 34:10 que bidzakgolúbu Jehová? (Éxo. 33:11, 20; Núm. 12:8.)

Historia 44

Rahab racachlan ni raláach

1. ¿Pu lagary rabés Rahab?

2. ¿Chú láabu chop buñguieeu ni noʼ ló dibuj, né xigony noʼbu gudx Jericó?

3. ¿Xí ná buñguieeu ni rony mandary Jericó que gony Rahab, né xí racapy Rahab?

4. ¿Ximod racné Rahab a chop biinreʼ, né xí ranab Rahab lóoyibu?

5. ¿Xí diitz raiby guiropca buñguieeu ni goyee biláach gudx Jericó a Rahab?

Stipnés diitz ni non guicapyno:

1. Bíil Josué 2:1-24.

   ¿Ximod birecaa diitz ni goní Jehová ni sieed ló Éxodo 23:28 órni israelitas cualóyibu gudx Jericó? (Jos. 2:9-11.)

2. Bíil Hebreos 11:31.

   Mod buny Rahab, ¿ximod raduidyni diitz que nigolú rasac gapnó fe? (Rom. 1:17; Heb. 10:39; Sant. 2:25.)

Historia 45

Cadudyibu guʼuc Jordán

1. ¿Xí galrradziguiaʼ rony Jehová par labúu tudy israelitas guʼuc Jordán?

2. ¿Ximod guiduidy israelitas diitz que napyibu fe par tudyibu guʼuc Jordán?

3. ¿Xigony raiby Jehová a Josué que guitopbu doce guieerop lainy guʼuc Jordán?

4. ¿Xí láani raiby guiropca buñguieeu ni goyee biláach gudx Jericó a Rahab?

Stipnés diitz ni non guicapyno:

1. Bíil Josué 3:1-17.

   1. Xomod sieed ló historia reʼ, ¿xí non gonyno par labúu gacné Jehová né guiduidybu xilaaybu lóono? (Jos. 3:13, 15; Pro. 3:5; Sant. 2:22, 26.)

   2. ¿Ximod góc guʼuc Jordán órni israelitas godudyibu par guidxinyibu Gudxlio ni Jehová Goní guiduidy layibu, né ximod bunyxiroʼ ndeʼ laa Jehová? (Jos. 3:15; 4:18; Sal. 66:5-7.)

2. Bíil Josué 4:1-18.

   ¿Xigony bitopyibu doce guiee lainy guʼuc Jordán ni bicuatzaayibu Guilgal? (Jos. 4:4-7.)

Historia 46

Muros ni nap gudx Jericó

1. ¿Xí rony mandary Jehová gony soldad né guirá ni rasanir nisló Israel ló xhoop govitz?

2. Órni radxiin gatz govitz, ¿xí non gony buñguieeu ni noʼ né Josué?

3. Xomod rabilo ló dibuj, ¿xí cayac né muros ni nap Jericó?

4. ¿Xigony nal toib doʼ xináa roʼ toib bentan?

5. ¿Xí ná Josué gony soldad a guirá buñ né a gudx Jericó, plata, or, cobre né hierro ni napni?

6. ¿Xí rony mandary Josué gony chop buñguieeu ni goyee biláach Jericó?

Stipnés diitz ni non guicapyno:

1. Bíil Josué 6:1-25.

   1. ¿Xigony ranino que ni buny israelitas órni biduidyibu xaij roloo gudx Jericó, né ni cayony testigos xtuny Jehová ni rasaayibu yoʼ por yoʼ ló dzureʼ ni ma guidubylagá láacani ngú? (Jos. 6:15,16; Isa. 60:22; Mat. 24:14; 1 Cor. 9:16.)

   2. ¿Ximod góc cumplir Josué 6:26, órni godudy 500 íz, né xí rasuidy ndeʼ lóono de guirá ni ma goní Jehová gony? (1 Rey. 16:34; Isa. 55:11.)

Historia 47

Toib gobáan gudx Israel

1. ¿Chú ngú buñguieeu ni noʼ ló dibuj ni racach xidal cós ni rasac ni cuaʼbu lainy gudx Jericó, né chú stipnés ni cayacné láabu?

2. ¿Xigony nigolú mal ni buny Acán né xfamily?

3. ¿Xí racapy Jehová, órni Josué ranabdiitz láabu xigony buny gann gudx Hai layibu?

4. ¿Xí láani ronyibu a Acán né xfamily órni radxiinéyibu biinreʼ nisló Josué?

5. ¿Xí ni rasac rasuidyni lóono ni gosaclóo Acán?

Stipnés diitz ni non guicapyno:

1. Bíil Josué 7:1-26.

   1. Órni Josué goniné Jehová, ¿ximod biduidybu diitz que bidzakbu Jehová? (Jos. 7:7-9; Sal. 119:145; 1 Juan 5:14.)

   2. ¿Xí láani raslooy mod ni buny Acán, né xigony gapnó cuidad par diti gonyno scúca? (Jos. 7:11, 14, 15; Pro. 15:3; 1 Tim. 5:24; Heb. 4:13.)

2. Bíil Josué 8:1-29.

   ¿Ló xtzúno xí compromis napnó né la congregación? (Jos. 7:13; Lev. 5:1; Pro. 28:13.)

Historia 48

Gabaonitas naní xcalrrien

1. ¿Ximod gadzé mod góc xpensary gabaonitas de stipnés buñ cananeos ni golés gahx de layibu?

2. Xomod rabilo ló dibuj, ¿xí rony gabaonitas, né xigony?

3. Josué né ancianos ni rasanir lainy gudx Israel, ¿xí acuerdo ronyibu né gabaonitas, per xí láani raduidyibu cuent órni godudy tzón govitz?

4. ¿Xí rac órni tipnés buñguieeu ni rony mandary stipnés gudx racadiagyibu que gabaonitas góc toibsi né Israel?

Stipnés diitz ni non guicapyno:

1. Bíil Josué 9:1-27.

   1. Jehová goní que «nagaityibu guirá buñ de gudxcú», ¿ximod raduidy diitz xí clas Dios nacbu, órni bituidybu scásiʼ xcalkié gabaonitas? (Jos. 9:22, 24; Mat. 9:13; Hech. 10:34, 35; 2 Ped. 3:9.)

   2. Órni Josué buny cumplir acuerdo ni bunybu né gabaonitas, ¿xí rasuidy ndeʼ a guirá ni racanal Jesús ló xtzúno? (Jos. 9:18, 19; Mat. 5:37; Efe. 4:25.)

2. Bíil Josué 10:1-5.

   Xomod gabaonitas gocyibu toibsi né israelitas, ló naareʼ, ¿ximod xidalguixo buñ ni cués ló Gudxlio né guirá ni tze guibá racyibu toibsi né xí rasacloyibu por guirá ndeʼ? (Jos. 10:4; Zac. 8:23; Mat. 25:35-40; Rev. 12:17.)

Historia 49

Govitz riaʼanni toibsi lagary

1. ¿Xí láani caniʼ Josué ló dibuj, né xigony?

2. ¿Ximod racné Jehová a Josué né soldad ni noʼ né láabu?

3. ¿Balac buñguieeu mal ni buny mandary stipnés gudx binitló Josué, né balac íz bunybu ndeʼ?

4. ¿Xigony ratzoo Josué layoo ni nap gudx Canaán?

5. ¿Balac íz nap Josué órni raity, né xí láani rac né buñ órni raitybu?

Stipnés diitz ni non guicapyno:

1. Bíil Josué 10:6-15.

   ¿Xí confianz racaʼno que Jehová bunybu que Govitz né Beʼo diti gosaani par gocnébu Israel? (Jos. 10:8, 10, 12, 13; Sal. 18:3; Pro. 18:10.)

2. Bíil Josué 12:7-24.

   Ná Josué cualó guirá buñreʼ, ¿chú láabu ngú ni binitló 31 buñguieeu ni buny mandary gudx Canaán, né xigony raquiin ganno guirá ndeʼ ló xtzúno? (Jos. 12:7; 24:11-13; Deu. 31:8; Luc. 21:9, 25-28.)

3. Bíil Josué 14:1-5.

   ¿Ximod bidzoo layoo lad family xtuny Israel, né xí raslooy ndeʼ lóono mod ni guidzoo layoo ló Gudxlio móz ló dzú ni sietra? (Jos. 14:2; Isa. 65:21; Eze. 47:21-23; 1 Cor. 14:33.)

4. Bíil Jueces 2:8-13.

   Xomod Josué bicaabu israelitas par diti nasianyibu de nienyibu Jehová, ló xtzúno, ¿chú layibu racaa xcudx Jehová par diti guisianyibu guienyibu a Jehová? (Jue. 2:8, 10, 11; Mat. 24:45-47; 2 Tes. 2:3-6; Tito 1:7-9; Rev. 1:1; 2:1, 2.)

Historia 50

Chop buñgonaʼ ni gop balory

1. ¿Chú layibu nac jueces, né ximod laa tipnésyibu?

2. ¿Xí privilegio nap Débora que stipnés buñgonaʼ diti nap, né xí dxiin ronybu?

3. Órni Israel bicadiag que Jabín buñguieeu ni rony mandary Canaán né Sísara ni rony mandary soldad ná guicaló Israel, ¿xí raiby Jehová a Débora par gaibybu a juez Barac, né chú láabu raniʼ Débora que buñ guisanadx?

4. ¿Ximod raslooy Jael que nacbu toib gonaʼ ni nap balory?

5. ¿Xí rac después órni raity Jabín ni rony mandary Canaán?

Stipnés diitz ni non guicapyno:

1. Bíil Jueces 2:14-22.

   ¿Xigony bidzuitzné Jehová israelitas, né xí rasuidyno de ndeʼ? (Jue. 2:20; Pro. 3:1, 2; Eze. 18:21-23.)

2. Bíil Jueces 4:1-24.

   ¿Xí labúu guisuidy guirá buñgonaʼ ni racanal Jesús de fe né balory ni gop Débora né Jael? (Jue. 4:4, 8, 9, 14, 21, 22; Pro. 31:30; 1 Cor. 16:13.)

3. Bíil Jueces 5:1-31.

   Barac né Débora bíilyibu cántico a Jehová órni bunyibu gann, ¿ximod labúu guisuʼno layibu órni guinabno lóo Jehová por Xtzú rodannbu ni ma noʼ gaxtiguié? (Jue. 5:3, 31; 1 Cró. 16:8-10; Rev. 7:9, 10; 16:16; 19:19-21.)

Historia 51

Rut né Noemí

1. ¿Xigony goyee Noemí gudx ni laa Moab?

2. ¿Chú layibu ngú Rut né Orpá?

3. ¿Ximod racapy Rut né Orpá órni Noemí raiby layibu que guibiguetyibu xcudxyibu?

4. ¿Chú ngú Boaz, né ximod racnébu a Rut né Noemí?

5. ¿Ximod goleʼ Boaz né Rut laa xiin, né xigony non guisetnaladxno láabu?

Stipnés diitz ni non guicapyno:

1. Bíil Rut 1:1-17.

   1. ¿Xí diitz móz goní Rut ni biduidy diitz que diti sasiambu Noemí? (Rut 1:16, 17.)

   2. ¿Rut goyoʼ puext par gocné a Noemí, ló xtzúno ximod rony «stipnés xiil» scúca né guirá ni guié guibá? (Juan 10:16; Zac. 8:23.)

2. Bíil Rut 2:1-23.

   ¿Ximod godiʼx Rut toib mod ni labúu guisuʼ guirá mbioxhlas? (Rut 2:17, 18; Pro. 23:22; 31:15.)

3. Bíil Rut 3:5-13.

   1. ¿Ximod bibiʼ Boaz ni Rut goyoʼ puext par ñac tzeelbu xalagary nacaʼ toib más mbioxhlas láabu?

   2. ¿Xí rasuidyno mod buny Rut par guienno ximod nac galnadxi? (Rut 3:10; 1 Cor. 13:4, 5.)

4. Bíil Rut 4:7-17.

   ¿Ximod labúu guisuʼ buñguieeu ni noʼ lainy congregación mod ni buny Boaz? (Rut 4:9, 10; 1 Tim. 3:1, 12, 13; 5:8.)

Historia 52

Gedeón né 300 buñguieeu

1. ¿Xí galnagan noʼ guirá israelitas ló, né xigony?

2. ¿Xigony raiby Jehová a Gedeón que napbu xidalguixo soldad?

3. ¿Balac buñguieeu riané Gedeón órni raxelbu guirá ni radzuiby lidx?

4. Xomod rabilo ló dibuj, ¿ximod bilit Jehová ló soldad Gedeón par nosi 300 buñguieeu ñaʼan né láabu?

5. ¿Ximod ratzoo Gedeón a 300 buñguieeu ni noʼ né láabu, né ximod rony Israel gann?

Stipnés diitz ni non guicapyno:

1. Bíil Jueces 6:36-40.

   1. ¿Ximod gontzaay Gedeón xí ni ná Jehová?

   2. ¿Ximod labúu ganno xí ni ná Jehová ló xtzúno? (Pro. 2:3-6; Mat. 7:7-11; 2 Tim. 3:16, 17.)

2. Bíil Jueces 7:1-25.

   1. ¿Xí rasuidyno de 300 buñguieeu ni goyoʼ naní órni goʼ nís, ni diti buny xomod buny stipnés láani? (Jue. 7:3, 6; Rom. 13:11, 12; Efe. 5:15-17.)

   2. Xomodca 300 buñguieeu bisuidyibu mod buny Gedeón, ¿láaca ximod noʼ ni rasuidyno de Jesús ni láaca laa Gedeón Lagol? (Jue. 7:17; Mat. 11:29, 30; 28:19, 20; 1 Ped. 2:21.)

   3. ¿Ximod racné Jueces 7:21 lóono par tzóno puext gacnéno rotísi guixel xcudx Jehová lóono? (1 Cor. 4:2; 12:14-18; Sant. 4:10.)

3. Bíil Jueces 8:1-3.

   Órni gony reglarno galradíil ni napnó né toib xhermanno, ¿xí rasuidyno de Gedeón mod buny reglarbu galradíldiitz ni goyoʼ né efraimitas? (Pro. 15:1; Mat. 5:23, 24; Luc. 9:48.)

Historia 53

Jefté raduidy xtiitz

1. ¿Chú ngú Jefté, né pu dzú bibanybu?

2. ¿Xí raniʼ Jefté guiduidy a Jehová?

3. ¿Xigony rasaló rioʼ nabann Jefté órni radxiin lidx después ni ronybu gann guirá ammonitas?

4. ¿Xí raniʼ xiindzap Jefté órni ranbu ni góoch bixiosbu a Jehová?

5. ¿Xigony randxiʼ buñ israelitas a xiindzap Jefté?

Stipnés diitz ni non guicapyno:

1. Bíil Jueces 10:6-18.

   Israelitas diti guirá ór bunyibu ni ná Jehová, lóono, ¿xí sasaclono pal gonyno scúca? (Jue. 10:6, 15, 16; Rom. 15:4; Rev. 2:10.)

2. Bíil Jueces 11:1-11, 29-40.

   1. Jefté goní que guiduidybu xiindzapbu a Jehová xomod toib «galrrascad», ¿ximod nánno que ndeʼ diti raduidy diitz que nagaitybu xiimbu par Jehová? (Jue. 11:31; Lev. 16:24; Deu. 18:10, 12.)

   2. ¿Ximod biduidy Jefté xiindzap xomod toib galrrascad a Jehová?

   3. Ná nagann gocni par Jefté gonybu ni goníbu, ¿xí rasuidyno de láabu? (Jue. 11:35, 39; Ecl. 5:4, 5; Mat. 16:24.)

   4. Guirá mbioxhlas ni racanal Jesús, ¿ximod labúu guisuʼyibu mod buny xiindzap Jefté al gacyibu precursor? (Jue. 11:36; Mat. 6:33; Fili. 3:8.)

Historia 54

Toib buñguieeu ni más nadip

1. ¿Ximod laa buñguieeu ni más nadip ni bibany, né chú buny que ñac nadipbu?

2. Xomod rabilo ló dibuj, ¿xí láani buny Sansón a toib betz ons?

3. ¿Xí láani cayaiby Sansón a Dalila ló dibuj, né xigony rony ndeʼ que filisteos guinásyibu Sansón?

4. ¿Ximod rony Sansón par guigaity 3,000 filisteos ni nac xí enemigbu dzú láabu goitybu?

Stipnés diitz ni non guicapyno:

1. Bíil Jueces 13:1-14.

   ¿Xigony Manóah né tzeʼel nacyibu toib mod galán ni labúu guisuʼ guirá ni ma noʼ xiin par guisnísyibu guirá ximbioxyibu galán? (Jue. 13:8; Sal. 127:3; Efe. 6:4.)

2. Bíil Jueces 14:5-9 né 15:9-16.

   1. Fuers ni raquiin Jehová par gonybu ni nábu, gocné a Sansón par nagaity toib betz ons, par nachigdoʼbu doʼ copy né órni biquiimbu bichogroʼ toib bor par nagaity 1,000 buñguieeu, ¿xí raslooy guirá ndeʼ de fuers ni raquiin Jehová par gonybu ni nábu?

   2. Ló xtzúno, ¿ximod racné lóono fuers ni raquiin Jehová par gonybu ni nábu? (Jue. 14:6; 15:14; Zac. 4:6; Hech. 4:31.)

3. Bíil Jueces 16:18-31.

   ¿Ximod bunyni mal a Sansón que nadzakbu buñ ni diti rony ni ná Dios, né xí rasuidyno de láani? (Jue. 16:18, 19; 1 Cor. 15:33.)

Historia 55

Toib mbiox rony xchiin Dios

1. ¿Ximod laa mbioxien ni noʼ ló dibuj, né chú layibu stipnés ni noʼ né láabu?

2. ¿Xí ranab Ana toibtica dzú órni riebu yoʼ ro rac adorar Jehová, né ximod racapy Jehová láabu?

3. Órni rinéyibu Samuel lainy yoʼ ro rac adorar Jehová, ¿de balac íz Samuel, né xí láani raguib xinaʼbu par láabu guirá íz?

4. ¿Ximod laa chop xiin Elí, né xí clas buñ nacyibu?

5. ¿Ximod rony Jehová par labúu guininébu Samuel, né xí raiby Jehová láabu?

6. Órni Samuel ranís, ¿xí dxiin racaʼbu, né xí rac órni ma nacbu buñgol?

Stipnés diitz ni non guicapyno:

1. Bíil 1 Samuel 1:1-28.

   1. ¿Xí galán mod bisian Elqaná par guirá ni rasanir laniolidx, órni gosanirbu ló adoración ni rasuidy xinésni? (1 Sam. 1:3, 21; Mat. 6:33; Fili. 1:10.)

   2. ¿Xí rasuidyno mod cualó Ana toib galnagan? (1 Sam. 1:10, 11; Sal. 55:22; Rom. 12:12.)

2. Bíil 1 Samuel 2:11-36.

   ¿Ximod ngú bisanadx Elí guiropca xiin más que a Jehová, né xigony gapnó cuidad diti gonyno scúca? (1 Sam. 2:22-24, 27, 29; Deu. 21:18-21; Mat. 10:36, 37.)

3. Bíil 1 Samuel 4:16-18.

   ¿Xí tap abís nadzuʼpy de ló guerr radxiin ronoʼ Elí, né xí rasaclobu?

4. Bíil 1 Samuel 8:4-9.

   ¿Ximod goniná Israel a Jehová, né ximod labúu diti guisianno de gacnéno Gobierno xtuny Jehová ló xtzúno? (1 Sam. 8:5, 7; Juan 17:16; Sant. 4:4.)

Historia 56

Saúl ni primer buny mandary Israel

1. ¿Xí cayony Samuel ló dibuj, né xigony?

2. ¿Xigony rioladx Jehová mod nac Saúl, né xí clas buny nacbu?

3. ¿Ximod laa xiingaʼn Saúl, né xí ronybu?

4. ¿Xigony góc naguel Saúl buny galrrascad a Jehová lagary nabésbu Samuel ñony láani?

5. ¿Xí rasuidyno de historia xtuny Saúl?

Stipnés diitz ni non guicapyno:

1. Bíil 1 Samuel 9:15-21 né 10:17-27.

   Ni Saúl diti góc buñ farmay, ¿ximod gocnéni láabu par diti ñac naguelbu ñonybu mal a tipnés buñguieeu ni goní mal láabu? (1 Sam. 9:21; 10:21, 22, 27; Pro. 17:27.)

2. Bíil 1 Samuel 13:5-14.

   ¿Xí galkié buny Saúl lagary ni góc laa Guilgal? (1 Sam. 10:8; 13:8, 9, 13.)

3. Bíil 1 Samuel 15:1-35.

   1. ¿Xí galkié rodann buny Saúl órni cualóbu Agag, ni rony mandary Amaleq? (1 Sam. 15:2, 3, 8, 9, 22.)

   2. ¿Ximod biyopy Saúl mod par xcalkiébu diti ñac xiroʼ né nagotzbu dool a stipnés? (1 Sam. 15:24.)

   3. ¿Xigony gapnó cuidad órni tzó ni guiduidy litz lóono? (1 Sam. 15:19-21; Sal. 141:5; Pro. 9:8, 9; 11:2.)

Historia 57

Dios golú David

1. ¿Ximod laa mbioxhlas ni rabilo ló dibuj, né xigony nánno que napbu balory?

2. ¿Ximod laa gudx ro rabés David, né ximod laa bixiosbu né bixiogolbu?

3. ¿Xigony raiby Jehová a Samuel tze lidx Jesé ni rian Belén?

4. ¿Xí láani rac órni Jesé riné gatz de xiingaʼn nisló Samuel?

5. ¿Xí láani raiby Jehová a Samuel órni radxiin David nislóbu?

Stipnés diitz ni non guicapyno:

1. Bíil 1 Samuel 17:34, 35.

   ¿Ximod raslooy guirá ni godudy David ló que gopbu balory né confianz lóo Jehová? (1 Sam. 17:37.)

2. Bíil 1 Samuel 16:1-14.

   1. ¿Ximod racné Jehová lóono né diitz ni bicaʼbu ló 1 Samuel 16:7, par diti guidzakno toibsi clas buñ né gonyno mal pensary de buñ sin guimbuno mod nacyibu? (Hech. 10:34, 35; 1 Tim. 2:4.)

   2. ¿Ximod raslooy mod buny Saúl que órni Jehová ma diti raduidy fuers ni raquiimbu par gonybu ni nábu, labúu tzó toib espíritu mal xalagaryni ni guichiin lóono gonyno pór cós mal? (1 Sam. 16:14; Mat. 12:43-45; Gál. 5:16.)

Historia 58

David né Goliat

1. ¿Ximod goní Goliat que israelitas diti labúu gony gann?

2. ¿Balac midid nasoʼ Goliat, né xí guiscad Saúl a buñguieeu ni guigaity a Goliat?

3. ¿Xí racapy David órni Saúl raiby láabu que diti labúu tzébu guicalóbu Goliat portín mbioxsabu?

4. ¿Ximod raslooy David confianz lóo Jehová mod cuapybu a Goliat?

5. Xomod rabilo ló dibuj, ¿xí láani raquiin David par ragaitybu Goliat, né xí rac después né filisteos?

Stipnés diitz ni non guicapyno:

1. Bíil 1 Samuel 17:1-54.

   1. ¿Xí láani buñ que David ñap balory, né ximod labúu guisuʼno balory ni gopbu? (1 Sam. 17:37, 45; Efe. 6:10, 11.)

   2. Guirá ni racanal Jesús, ¿xigony diti non guiáskiaʼbu nisló stipnés ló galraguit o ló stipnés galnakit, xomod buñ Goliat? (1 Sam. 17:8; Gál. 5:26; 1 Tim. 4:8.)

   3. ¿Ximod raduidy diitz xtiitz David que gopbu confianz que Dios gacné láabu? (1 Sam. 17:45-47; 2 Cró. 20:15.)

   4. Historia reʼ diti nosi raniʼni mod chop gudx cualó saʼ, ¿ximod raslooyni que guerr reʼ gocni entre dioxh falz né Jehová, Dios ni rasuidy xinésni? (1 Sam. 17:43, 46, 47.)

   5. ¿Ximod rasuʼ tidxo buñ ni guié guibá mod buny David ni gop confianz lóo Jehová? (1 Sam. 17:37; Jer. 1:17-19; Rev. 12:17.)

Historia 59

Xigony raxony David

1. ¿Xigony bidzuitzné Saúl a David, per ximod diti toibsi mod nac xpensary Jonatán de bixiosbu Saúl?

2. ¿Xí rac toibtica dzú órni David cayoʼol arpa par guicadiag Saúl?

3. ¿Xí ná Saúl gony David par labúu guicábu Mical, né xigony ranibu ndeʼ?

4. Xomod rabino ló dibuj, ¿xí rac ni rion buelt órni David roʼol arpa par guicadiag Saúl?

5. ¿Ximod rony Mical par guilaabu David, né xí non gony David ló gatz íz?

Stipnés diitz ni non guicapyno:

1. Bíil 1 Samuel 18:1-30.

   1. ¿Xí biduidy diitz galnadxi ni gop Jonatán a David que scú gac galnadxi de «stipnés xiil», né «tidxo buñ ni gony mandary lainy guibá»? (1 Sam. 18:1; Juan 10:16; Luc. 12:32; Zac. 8:23.)

   2. Jonatán ngú non ñony mandary xalagary Saúl, ¿ximod raduidy diitz 1 Samuel 18:4 que láabu goyoʼbu puext bisobbu a buñguieeu ni Jehová golú par gony mandary?

   3. ¿Ximod raslooy mod buny Saúl que pal rasobladxno ni nap stipnés ndeʼ labúu sony que tzaguiabno ló toib galkié rodann, né xí sasaclono pal gonyno scúca? (1 Sam. 18:7-9, 25; Sant. 3:14-16.)

2. Bíil 1 Samuel 19:1-17.

   ¿Ximod góc arriesgar Jonatán órni cualóbu Saúl? (1 Sam. 19:1, 4-6; Pro. 16:14.)

Historia 60

Abigail né David

1. ¿Ximod laa buñgonaʼ ni noʼ ló dibuj ni cadxin ronoʼ David, né xí clas buñ nacbu?

2. ¿Chú ngú Nabal?

3. ¿Xigony raxel David tipnés buñguieeu ni noʼ né láabu guinabyibu gacné Nabal layibu?

4. ¿Xí raiby Nabal a tipnés buñguieeu ni bixel David, né xí rony David órni ranbu ndeʼ?

5. ¿Ximod raslooy Abigail que nacbu toib buñgonaʼ ni naní xcalrrien?

Stipnés diitz ni non guicapyno:

1. Bíil 1 Samuel 22:1-4.

   ¿Ximod labúu gonyno xomod buny xfamily David órni gacnéno xhermanno lainy congregación? (Pro. 17:17; 1 Tes. 5:14.)

2. Bíil 1 Samuel 25:1-43.

   1. ¿Xigony la Biblia rasetlaa Nabal xomod toib buñ ni diti raquiin? (1 Sam. 25:2-5, 10, 14, 21, 25.)

   2. Guirá buñgonaʼ ni racanal Jesús ni ma noʼ tzeʼel, ¿ximod labúu guisuʼyibu mod buny Abigail? (1 Sam. 25:32, 33; Pro. 31:26; Efe. 5:24.)

   3. ¿Xí chop cós mal diti biduidy lagary Abigail ñony David? (1 Sam. 25:31, 33; Rom. 12:19; Efe. 4:26.)

   4. ¿Ximod racné a buñguieeu guibíyibu buñgonaʼ mod ná Jehová, xomod bibiʼ David Abigail? (Hech. 21:8, 9; Rom. 2:11; 1 Ped. 3:7.)

Historia 61

David rony mandary

1. ¿Xí láani buny David né Abisai laʼga Saúl natiasy lad guirá soldad?

2. ¿Xí ranabdiitz David a Saúl?

3. ¿Pu lagary riée David órni ralox raninébu Saúl?

4. ¿Xigony nigolú rioʼ nabann David né racaʼbu toib cántico móz?

5. ¿Balac íz nap David órni buñ raloyña láabu par gony mandarybu gudx Hebrón, né ximod laa tipnés xiimbu?

6. ¿Pu lagary rony mandary David después?

Stipnés diitz ni non guicapyno:

1. Bíil 1 Samuel 26:1-25.

   1. ¿Ximod bislooy David ló diitz ni sieed 1 Samuel 26:11 que láabu bisobbu guirá ni ná Dios? (Sal. 37:7; Rom. 13:2.)

   2. Pal ronyno por gacno buñtzay né toib buñ né láabu diti rioladxbu mod ronyno, ¿ximod labúu gacné lóono diitz ni goní David ló 1 Samuel 26:23 par gapnó toib pensary galán? (1 Rey. 8:32; Sal. 18:20.)

2. Bíil 2 Samuel 1:26.

   ¿Ximod ni racanal Jesús labúu tzó «xiroʼ galnadxi ladyibu» mod ni gop David né Jonatán? (1 Ped. 4:8; Col. 3:14; 1 Juan 4:12.)

3. Bíil 2 Samuel 5:1-10.

   1. ¿Balac íz buny mandary David, né ximod bidzoo gobierno xtunybu? (2 Sam. 5:4, 5.)

   2. David gócbu toib buen soldad, bunybu gann xidal xi enemigbu né bidxin midid buny mandarybu, ¿ximod bunybu guirá ndeʼ, né xí rasetnaladx ndeʼ lóono? (2 Sam. 5:10; 1 Sam. 16:13; 1 Cor. 1:31; Fili. 4:13.)

Historia 62

Rioʼ galnagan lidx David

1. ¿Xí láani rac né gudx Canaán órni Jehová racné a israelitas?

2. ¿Xí rac toib godzu órni David noʼbu guic yoʼ ro rony mandarybu?

3. ¿Xigony radzuitzné Jehová David?

4. ¿Chú ngú buñguieeu ni noʼ ló dibuj ni bixel Jehová par guininé David por guirá galkié ni bunybu, né xí raniʼ buñguieeu reʼ ni gac né David?

5. ¿Xí galnagan nap David?

6. ¿Chú láabu rony mandary gudx Israel xalagary David órni láabu raitybu?

Stipnés diitz ni non guicapyno:

1. Bíil 2 Samuel 11:1-27.

   1. ¿Ximod ralaani lóono que gonyno xchiin Jehová guirá ór?

   2. ¿Xí láani bichiin a David ñab ló galkié, né ni gosaclobu xí rasuidyni lóono ni cayony ni ná Dios par gapnó cuidad diti guisaclono mod gosaclóo David? (2 Sam. 11:2; Mat. 5:27-29; 1 Cor. 10:12; Sant. 1:14, 15.)

2. Bíil 2 Samuel 12:1-18.

   1. ¿Xí labúu guisuidy ancianos né buñ ni ma noʼ xiin órni guiduidybu litz, xomod buny Natan órni biduidybu litz a David? (2 Sam. 12:1-4; Pro. 12:18; Mat. 13:34.)

   2. ¿Xigony binladx Jehová a David? (2 Sam. 12:13; Sal. 32:5; 2 Cor. 7:9, 10.)

Historia 63

Salomón buñnan ni rony mandary

1. ¿Xí ranabdiitz Jehová a Salomón, né ximod racapybu?

2. Por ni Jehová bioladx ni gonab Salomón, ¿xí cós raniʼ Jehová guiduidy a Salomón?

3. ¿Xí galnagan ritné chop buñgonaʼ ronoʼ Salomón?

4. Mod rabilo ló dibuj, ¿ximod rabexa Salomón galnagan cú?

5. ¿Ximod nac xcalmandary Salomón, né xigony?

Stipnés diitz ni non guicapyno:

1. Bíil 1 Reyes 3:3-28.

   1. ¿Xí rasuidy a guirá buñguieeu ni nap privilegio lainy xcudx Jehová diitz ni goní Salomón ló 1 Reyes 3:7? (Sal. 119:105; Pro. 3:5, 6.)

   2. Mod gonab Salomón lóo Jehová, ¿ximod labúu guisuʼno láabu órni tzó ni guinabno lóo Jehová? (1 Rey. 3:9, 11; Pro. 30:8, 9; 1 Juan 5:14.)

   3. ¿Xí confianz raduidy lóono mod Salomón golexa galnagan de chop buñgonaʼ, que ló dzú ni sietra Salomón Lagol, Jesucristo, láaca sony mandarybu galán? (1 Rey. 3:28; Isa. 9:6, 7; 11:2-4.)

2. Bíil 1 Reyes 4:29-34.

   1. ¿Ximod cuapy Jehová órni Salomón gonab láabu toib galnabany ni rasob? (1 Rey. 4:29.)

   2. Buñ ni bibany ló xtzú Salomón bunyibu tem por bicadiagyibu xcalnan Salomón, ¿ximod rasuidy ndeʼ lóono mod guibino la Biblia órni guisuidyno láani? (1 Rey. 4:29, 34; Juan 17:3; 2 Tim. 3:16.)

Historia 64

Salomón rasaʼ yoʼ xiroʼ

1. ¿Balac íz rinéni Salomón rasaʼ yoʼ xiroʼ ro rac adorar Jehová, né xigony xiroʼ bidxiich góc gaxt par goyaʼni?

2. ¿Balac cuart ni más rasac nap yoʼ xiroʼ, né xí ragoʼbu lainy cuart ni noʼ más lanioʼ?

3. ¿Xí ranab Salomón a Jehová órni ralox riaʼ yoʼ xiroʼ reʼ?

4. ¿Ximod raslooy Jehová que rabaladxbu ni Salomón raniné láabu?

5. Guirá tzeʼel Salomón, ¿xí láani ronyibu gann gony Salomón, né xí rasaclobu?

6. ¿Xigony radzuitzné Jehová a Salomón, né xí raibybu a Salomón?

Stipnés diitz ni non guicapyno:

1. Bíil 1 Crónicas 28:9, 10.

   Órni rolno diitz ni David goní ló 1 Crónicas 28:9, 10, ¿xí láani non gonyno guirá dzú laʼga nabanyno? (Sal. 19:14; Fili. 4:8, 9.)

2. Bíil 2 Crónicas 6:12-21, 32-42.

   1. ¿Ximod bislooy Salomón que ni toib yoʼ ni rasaʼ buñgudxlio labúu cués Dios ni noʼ más Guiaʼ lainyni? (2 Cró. 6:18; Hech. 17:24, 25.)

   2. ¿Xí rasuidyni lóono de Jehová diitz ni goní Salomón ló 2 Crónicas 6:32, 33? (Hech. 10:34, 35; Gál. 2:6.)

3. Bíil 2 Crónicas 7:1-5.

   Suusi guirá xiin israelitas bunyxiroʼyibu laa Jehová órni bibiʼyibu galrradziguiaʼ ni bunybu, ¿ximod labúu guichiinni lóono órni rabino guirá galnasác ni raduidy Jehová xcudx? (2 Cró. 7:3; Sal. 22:22; 34:1; 96:2.)

4. Bíil 1 Reyes 11:9-13.

   ¿Ximod raslooy mod góc Salomón dzú bibanybu que nigolú rasac diti tzaguiabno ló mal laʼga nabanyno? (1 Rey. 11:4, 9; Mat. 10:22; Rev. 2:10.)

Historia 65

Gobierno radzoni

1. ¿Ximod laa chop buñguieeu ni rabilo ló dibuj, né chú layibu?

2. ¿Xí láani rony Ahíya né lairy ni nócbu, né xí raduidy diitz ni bunybu né láani?

3. ¿Xí ná Salomón gony a Jeroboán?

4. ¿Xigony raloyña buñ a Jeroboán par gony mandary chii family xiroʼ?

5. ¿Xigony rasaʼ Jeroboán chop torien de or, xí rac né gudx después?

6. ¿Xí láani rac né gobierno de chop family xiroʼ né yoʼ xiroʼ ni noʼ lainy gudx Jerusalén?

Stipnés diitz ni non guicapyno:

1. Bíil 1 Reyes 11:26-43.

   ¿Xí clas buñ góc Jeroboán, né xí goní Jehová guiduidy láabu pal rasobbu xiley Jehová? (1 Rey. 11:28, 38.)

2. Bíil 1 Reyes 12:1-33.

   1. ¿Xí labúu guisuidy guirá ni ma noʼ xiin né ancianos mod buny Rehoboam, ni diti biquiimbu galán xcalmandarybu? (1 Rey. 12:13; Ecl. 7:7; 1 Ped. 5:2, 3.)

   2. ¿Chú layibu labúu gacné mbioxhlas ni labúu coʼ layibu ló néz par labúu gonyibu cós buen laʼga nabanyibu? (1 Rey. 12:6, 7; Pro. 1:8, 9; 2 Tim. 3:16, 17; Heb. 13:7.)

   3. ¿Xigony bisaʼ Jeroboán chop lagary par guienyibu torien, né ximod bislooy mod bunybu que nigolú diti gopbu fe lóo Jehová? (1 Rey. 11:37; 12:26-28.)

   4. Gobierno xtuny chii family xiroʼ diti bunyibu ni ná religión ni rasuidy xinésni, ¿chú guic gool par bunyibu ngú? (1 Rey. 12:32, 33.)

Historia 66

Jezabel gonaʼ mal ni rony mandary

1. ¿Chú ngú Jezabel?

2. ¿Xigony goyoʼ nabann Acab toib dzú?

3. ¿Xí rony Jezabel par labúu guicaʼ tzeelbu, Acab, xalioo Nabot ro Nabot nap balach?

4. ¿Chú raxel Jehová par gony castigar a Jezabel?

5. Xomod rabilo ló dibuj, ¿xí rac órni Jehú radxiin lagary ro rony mandary Jezabel?

Stipnés diitz ni non guicapyno:

1. Bíil 1 Reyes 16:29-33 né 18:3, 4.

   ¿Balaati midid goyoʼ cós mal lainy gudx Israel dzú ni Acab buny mandary? (1 Rey. 14:9.)

2. Bíil 1 Reyes 21:1-16.

   1. ¿Ximod bislooy Nabot que goyoʼbu xilad Jehová né gopbu balory? (1 Rey. 21:1-3; Lev. 25:23-28.)

   2. ¿Xí rasuidy lóono mod buny Acab órni diti rarebuʼ ni raniiny lóono? (1 Rey. 21:4; Rom. 5:3-5.)

3. Bíil 2 Reyes 9:30-37.

   ¿Xí rasuidyno de Jehú que nigolú goniiny láabu gonybu xchiin Jehová? (2 Rey. 9:4-10; 2 Cor. 9:1, 2; 2 Tim. 4:2.)

Historia 67

Jehosafat nap confianz lóo Jehová

1. ¿Chú ngú Jehosafat, né xí ló xtzú nabanybu?

2. ¿Xigony radzuiby israelitas, né xí rony xidalyibu?

3. ¿Ximod racapy Jehová órni raniné Jehosafat láabu?

4. ¿Xí láani rony Jehová que gac órni yása tzóyibu ló guerr?

5. ¿Xí láani rasuidyno de Jehosafat?

Stipnés diitz ni non guicapyno:

1. Bíil 2 Crónicas 20:1-30.

   1. ¿Ximod bislooy Jehosafat ni non gony guirá ni rasob ni ná Dios órni cadudyibu ló galnagan? (2 Cró. 20:12; Sal. 25:15; 62:1.)

   2. Jehová guirá ór noʼ ni biquiin par goniné xcudx, ¿xí láani raquiimbu ló xtzúno? (2 Cró. 20:14, 15; Mat. 24:45-47; Juan 15:15.)

   3. Órni Jehová saló guitné «Xtzú rodann Dios ni Más nap Galnadip que guirá ni nabany», ¿ximod nga guirá ni tudyno ló sácni xomod ni góc né Jehosafat? (2 Cró. 20:15, 17; 32:8; Rev. 16:14, 16.)

   4. Xomodca buny levitas, ¿ximod láaca scúca rony precursores né misioneros órni rieyibu yoʼ por yoʼ ló guidopynac Gudxlio? (2 Cró. 20:19, 21; Rom. 10:13-15; 2 Tim. 4:2.)

Historia 68

Chop mbioxien rabany stoib

1. . ¿Chú layibu guionca buñ ni noʼ ló dibuj, né toibtica dzú xí rac né mbioxien reʼ?

2. ¿Xí ranab Elías gony Jehová por mbioxien reʼ, né xí rac ór cú?

3. ¿Ximod láa buñguieeu ni racné a Elías?

4. ¿Xigony riée Eliseo lidx toib buñgonaʼ ni rabés lainy gudx Sunem?

5. ¿Xí rony Eliseo, né xí rac né mbioxien ni ma goity?

6. ¿Xí galnadip nap Jehová, xomod bislooybu láani órni Elías né Eliseo buñ galrradziguiaʼ?

Stipnés diitz ni non guicapyno:

1. Bíil 1 Reyes 17:8-24.

   1. ¿Ximod góc prueby a Elías pal rasobbu né pal napbu fe? (1 Rey. 17:9; 19:1-4, 10.)

   2. ¿Xigony fe ni gop gonaʼstoib ni golés lainy gudx Sarepta nigolú xiroʼ gocni? (1 Rey. 17:12-16; Luc. 4:25, 26.)

   3. ¿Ximod raslooyni lóono que nigolú sac cumplir diitz ni sieed ló Mateo 10:41, 42 mod gosaclóo gonaʼstoib de gudx Sarepta? (1 Rey. 17:10-12, 17, 23, 24.)

2. Bíil 2 Reyes 4:8-37.

   1. ¿Xí rasuidy buñgonaʼ de gudx Sunem lóono mod gandxiʼno a buñ ni diti rimbuno? (2 Rey. 4:8; Luc. 6:38; Rom. 12:13; 1 Juan 3:17.)

   2. ¿Xí cós buen labúu gonyno a ni rony xchiin Jehová ló naareʼ? (Hech. 20:35; 28:1, 2; Gál. 6:9, 10; Heb. 6:10.)

Historia 69

Mbioxgonaʼyen racné buñxirop

1. ¿Xí láani cayaiby mbioxgonaʼyen ni rabilo ló dibuj a buñgonaʼ?

2. ¿Chú láabu ngú buñgonaʼ ni rabilo ló dibuj, né xigony noʼ mbioxgonaʼyen reʼ lidxbu?

3. ¿Xí láani raxel Eliseo a xomós gaiby a Naamán, né xigony radzuitz Naamán?

4. ¿Xí láani rac órni Naamán racadiag xomós?

5. ¿Xigony diti racaʼ Eliseo ni rascad Naamán láabu, per xí láani rony Guehazí?

6. ¿Xí láani rasaclóo Guehazí, né xí rasuidyno ni gosaclobu?

Stipnés diitz ni non guicapyno:

1. Bíil 2 Reyes 5:1-27.

   1. ¿Ximod labúu gacné mod buny mbioxgonaʼyen de gudx Israel a guirá mbioxhlas de ló xtzúno? (2 Rey. 5:3; Sal. 8:2; 148:12, 13.)

   2. ¿Xigony láani ngú guisetnaladxno mod buny Naamán órni tzó ni coʼ litz lóono né la Biblia? (2 Rey. 5:15; Heb. 12:5, 6; Sant. 4:6.)

   3. Eliseo né Guehazí diti toibsi mod góc xcalrrienyibu, ¿xí rasuidyno de guiropyibu? (2 Rey. 5:9, 10, 14-16, 20; Mat. 10:8; Hech. 5:1-5; 2 Cor. 2:17.)

Historia 70

Jonás né beel xirop

1. ¿Chú ngú Jonás, né xí raxel Jehová gonybu?

2. Jonás dinaidy tze ro Jehová caxel láabu por ngú, ¿xí láani ronybu?

3. ¿Xí ranab Jonás gony guirá ni rony dxiin lainy bark par cués buroʼdant?

4. Xomod rabilo ló dibuj, ¿xí rac órni Jonás raguich lainy nisdaʼ?

5. ¿Balac dzú racla Jonás lainy beel xirop, né xí ronybu lainy beel reʼ?

6. ¿Pu lagary riée Jonás órni rareʼbu lainy beel xirop reʼ, né xí rasuidy ndeʼ lóono?

Stipnés diitz ni non guicapyno:

1. Bíil Jonás 1:1-17.

   Mod raloyni, ¿ximod bisac Jonás órni Jehová góoch láabu tzébu ronoʼ ninivitas par guinibu ni ná Jehová? (Jon. 1:2, 3; Pro. 3:7; Ecl. 8:12.)

2. Bíil Jonás 2:1, 2, 10.

   ¿Ximod raslooy mod ni gosaclóo Jonás que labúu gapnó confianz lóo Jehová guicapybu ni ranabno lóbu? (Sal. 22:24; 34:6; 1 Juan 5:14.)

3. Bíil Jonás 3:1-10.

   1. ¿Ximod racné lóono ni Jehová diti bisian biquiin a Jonás, ná diti bisobbu ni Jehová góoch láabu ñonybu nirdiguié? (Sal. 103:14; 1 Ped. 5:10.)

   2. ¿Xí rasuidy lóono mod ni gosaclóo Jonás né ninivitas, que diti guinino de buñ sin guimbuno mod nacyibu órni rioʼno yoʼ por yoʼ? (Jon. 3:6-9; Ecl. 11:6;

Historia 71

Dios raniʼ guiduidy Gudxlio móz

1. ¿Chú láabu góc Isaías, pu dzú bibanybu, né xí bilooy Jehová láabu?

2. ¿Ximod rarexa diitz paraíso, né xí rieed ló xpensaryno órni racadiagno diitzreʼ?

3. ¿Xí góoch Jehová a Isaías nacaʼ de Gudxlio móz?

4. ¿Xigony bisnit Adán né Eva lagary sacroyen ro golésyibu?

5. ¿Xí láani raniʼ Jehová guiduidy a guirá ni nadxi láabu?

Stipnés diitz ni non guicapyno:

1. Bíil Isaías 11:6-9.

   1. ¿Ximod rabexa la Biblia que buñ saguaʼ goxt toibsi né nimal lainy Gudxlio móz ló dzú ni sietra? (Sal. 148:10, 13; Isa. 65:25; Eze. 34:25.)

   2. ¿Ximod carebuʼ lainy xcudx Jehová diitz ni bicaʼ Isaías? (Rom. 12:2; Efe. 4:23, 24.)

   3. ¿Ló xtzúno né dzú ni sietra ro saguaʼno goxt, chú láabu ngú non gonyxiroʼno por ni buñ casian mod nac né mod rony pensary? (Isa. 48:17, 18; Gál. 5:22, 23; Fili. 4:7.)

2. Bíil Revelación 21:3, 4.

   1. ¿Ximod raslooy la Biblia ór raniʼni que Dios noʼbu né buñgudxlio per diti noʼ chú labúu rabí láabu? (Lev. 26:11, 12; 2 Cró. 6:18; Isa. 66:1; Rev. 21:2, 3, 22-24.)

   2. ¿Xí clas nís ni rareʼ bisaló buñ né yoob guinitló? (Luc. 8:49-52; Rom. 8:21, 22; Rev. 21:4.)

Historia 72

Dios racné Ezequías

1. ¿Chú láabu buñguieeu ni noʼ ló dibuj, né xigony noʼbu ló xiroʼ galnagan?

2. ¿Xí guiich ma godiʼx Ezequías nisló Dios, né xí ranabbu lóo Jehová?

3. ¿Xí clas buñ ni rony mandary nac Ezequías, né xí diitz raxel Jehová a Isaías par gaiby a Ezequías?

4. Mod rienni ló dibuj, ¿xí láani rony ángel xtuny Jehová a asirios?

5. Ná gobierno de chop family noyibu goxt por guxeesi dzú, ¿xí rac órni raity Ezequías?

Stipnés diitz ni non guicapyno:

1. Bíil 2 Reyes 18:1-36.

   1. Rabsaqué, ni riné xtiitz asirio, ¿ximod rayopybu mod par diti gac nadip fe ni nap israelitas? (2 Rey. 18:19, 21; Éxo. 5:2; Sal. 64:3.)

   2. ¿Ximod rasuʼ testigos xtuny Jehová mod buny Ezequías, órni noʼ buñ ni racaló layibu? (2 Rey. 18:36; Sal. 39:1; Pro. 26:4; 2 Tim. 2:24.)

2. Bíil 2 Reyes 19:1-37.

   1. Órni noʼ galrasaʼ, ¿ximod rasuʼ xcudx Jehová ni noʼ ló naareʼ mod buny Ezequías? (2 Rey. 19:1, 2; Pro. 3:5, 6; Heb. 10:24, 25; Sant. 5:14, 15.)

   2. ¿Xí tzón mod góc gann Senaquerib, buñguieeu ni buny mandary, né mod ni gosaclobu, chú láabu sasaclóo scúca xomod sieed ló la Biblia? (2 Rey. 19:32, 35, 37; Rev. 20:2, 3.)

3. Bíil 2 Reyes 21:1-6, 16.

   ¿Xigony labúu guinino que Manasés nigolú mal góc más que stipnés ni buny mandary Jerusalén? (2 Cró. 33:4-6, 9.)

Historia 73

Último ni rony mandary tzaay Israel

1. ¿Balac íz nap Josías órni gosaló buny mandary, né xí rasaló ronybu órni rasaʼ gatz íz ni ma cayony mandarybu?

2. ¿Xí láani cayony Josías mod rabilo ló primer dibuj?

3. ¿Xí láani radzel ni rasanir nisló israelitas par gony adoraryibu Jehová lainy yoʼ xiroʼ órni cayony tzaayibu láani?

4. Xigony rachés Josías xhap?

5. ¿Xí diitz ni sieed de Jehová raiby Huldá, buñgonaʼ ni Jehová raquiin par guiniʼ xí gac dzú ni sietra, a Josías?

Stipnés diitz ni non guicapyno:

1. Bíil 2 Crónicas 34:1-28.

   1. ¿Xí galán mod bisian Josías par guisuʼ guirá buñ ni godudy ló galnagan dzú gocyibu mbiox? (2 Cró. 33:21-25; 34:1, 2; Sal. 27:10.)

   2. ¿Xí cós ni rasac buny Josías par labúu nareguiaʼ religión ni rasuidy xinésni ló íz xhoon, doce né dieciocho ló dzú buny mandarybu? (2 Cró. 34:3, 8.)

   3. ¿Xí rasuidyno mod buny Josías né Hilquías par ganno gactzaay Lagary ro radopno? (2 Cró. 34:9-13; Pro. 11:14; 1 Cor. 10:31.)

Historia 74

Toib buñguieeu ni diti radzuiby

1. ¿Chú láabu mbioxhlas ni noʼ ló dibuj?

2. ¿Ximod rabí Jeremías ni ma gacbu toib buñ ni guiniʼ xí gac dzú ni sietra, per xí raiby Jehová láabu?

3. ¿Xí diitz diti rasian raiby Jeremías a buñ gudx Israel?

4. Ni rasanir nisló israelitas par gony goʼox, ¿ximod rony por guicaayibu Jeremías, né ximod raslooy Jeremías que diti radzuiby?

5. ¿Xí rac a israelitas por ni diti rasianyibu de ronyibu cós mal?

Stipnés diitz ni non guicapyno:

1. Bíil Jeremías 1:1-8.

   1. Xomod raslooy mod buny Jeremías, ¿xí rasuidytzaay a buñ par gony xchiin Jehová galán? (2 Cor. 3:5, 6.)

   2. ¿Ximod racné a guirá mbioxhlas ni racanal Jesús mod buny Jeremías? (Ecl. 12:1; 1 Tim. 4:12.)

2. Bíil Jeremías 10:1-5.

   ¿Ximod bislooy Jeremías par guientzaayni que diti labúu gapnó confianz lóo dioxh falz? (Jer. 10:5; Isa. 46:7; Hab. 2:19.)

3. Bíil Jeremías 26:1-16.

   1. Tidxo buñ ni noʼ ló Gudxlio ni guiésa guibá, ¿ximod diti galraguit racáyibu diitz ni góoch Jehová a Jeremías ni gac, que diti cuébu diitz órni rasuidyibu de Jehová? (Jer. 26:2; Deu. 4:2; Hech. 20:27.)

   2. ¿Xí galán mod bisian Jeremías par guirá testigos xtuny Jehová ni noʼ ló naareʼ, órni guiniʼyibu ni ná Jehová gac a guirá buñgudxlio? (Jer. 26:8, 12, 14, 15; 2 Tim. 4:1-5.)

4. Bíil 2 Reyes 24:1-17.

   ¿Xí gosaclóo gudx Judá por ni bisianyibu Jehová? (2 Rey. 24:2-4, 14.)

Historia 75

Tap mbioxhlasien gudx Babilonia

1. ¿Chú layibu nac tap mbioxhlasien ni noʼ ló dibuj, né xigony noyibu Babilonia?

2. ¿Xí láani noʼ guic Nabucodonosor par gony tap mbioxhlasien, né xí dxiin rony mandarybu gony tipnés xomósbu?

3. ¿Xí ranab Daniel né guionca ximig par guáyibu né ni gueʼyibu?

4. Órni goyaʼ chii govitz ni godó Daniel né guionca ximig por cuánnyaʼ, ¿toibsi midid gocyibu né stipnés mbioxhlasien la?

5. ¿Xigony rinéyibu Daniel né guionca ximig ro noʼ Nabucodonosor, né ximod ronyibu gann a tipnés buñnan ni nap Nabucodonosor?

Stipnés diitz ni non guicapyno:

1. Bíil Daniel 1:1-21.

   1. ¿Xí tem non gonyno par diti guiabno ló cós mal né gony guantaryno órni noʼ ni rachiin lóono par guichéno? (Dan. 1:8; Gén. 39:7, 10; Gál. 6:9.)

   2. ¿Ximod labúu ñoʼ ni nachiin a mbioxhlas par ñonyibu ni stipnés rabí xomod toib «galrro naníx»? (Dan. 1:8; Pro. 20:1; 2 Cor. 6:17–7:1.)

   3. ¿Xí láani racné lóono par guienno historias ni sieed ló la Biblia de tap mbioxhlas hebreos mod bibiʼyibu galnann ni cuaʼyibu gudx Babilonia? (Dan. 1:20; Isa. 54:13; 1 Cor. 3:18-20.)

Historia 76

Jerusalén ranitló

1. ¿Xí cayac gudx Jerusalén né a israelitas ni noʼ ló dibuj?

2. ¿Chú ngú Ezequiel, né xí cós nadzuʼpy ralooy Jehová láabu?

3. Israelitas diti gop respet a Jehová por ngú, ¿xí raniʼ Jehová gony?

4. ¿Xí rony Nabucodonosor órni israelitas rac nayaʼyibu nislóbu?

5. ¿Xigony biduidy Jehová lagary que israelitas nadzuʼpy binitlóyibu?

6. ¿Xigony ni toib buñ rian lainy gudx Israel, né balac íz riaʼanni scásiʼ?

Stipnés diitz ni non guicapyno:

1. Bíil 2 Reyes 25:1-26.

   1. ¿Chú ngú Sedequías, xí gosaclobu, né ximod buny cumplir ndeʼ diitz ni sieed ló la Biblia? (2 Rey. 25:5-7; Eze. 12:13-15.)

   2. Gudx Israel bisian buny adoraryibu Jehová, ¿chú láabu goní Jehová que gop dool por cós mal ni bunyibu? (2 Rey. 25:9, 11, 12, 18, 19; 2 Cró. 36:14, 17.)

2. Bíil Ezequiel 8:1-18.

   ¿Ximod rasuʼ guirá ni raniʼ que racanal Jesús, a israelitas ni bisian a Jehová ni bieen Govitz? (Eze. 8:16; Isa. 5:20, 21; Juan 3:19-21; 2 Tim. 4:3.)

Historia 77

Diti bixixipyibu

1. ¿Xí buny mandary Nabucodonosor gony buñ?

2. ¿Xigony diti caxixip guionca ximig Daniel nisló dioxh ni goyaʼ de or?

3. Órni Nabucodonosor raduidy stoib oportunida a tzón hebreos par guixixip, ¿ximod raduidyibu diitz que napyibu confianz lóo Jehová?

4. ¿Xí raxel Nabucodonosor gony tipnés buñguieeu nadip a Sadrac, Mesac né Abednego?

5. ¿Xí rabí Nabucodonosor órni raguixlóo lainy horno?

6. ¿Xigony ronyxiroʼ Nabucodonosor laa Dios ni rony adorar Sadrac, Mesac né Abednego, né ximod labúu guisuʼno mod buny tzón mbioxhlas hebreos reʼ?

Stipnés diitz ni non guicapyno:

1. Bíil Daniel 3:1-30.

   1. Mod buny tzón mbioxhlas hebreos, ¿ximod labúu guisuʼ guirá ni rony ni ná Dios órni cadudyibu ló prueby par guisiambu Jehová? (Dan. 3:17, 18; Mat. 10:28; Rom. 14:7, 8.)

   2. ¿Xí bieen Nabucodonosor órni Jehová godiʼx láabu xalagarybu? (Dan. 3:28, 29; 4:34, 35.)

Historia 78

Diitz ni caa cué yoʼ

1. ¿Xí rac órni buñguieeu ni rony mandary Babilonia rony toib lanii xiroʼ né raquiin copas né tazones de yoʼ xiroʼ ro rac adorar Jehová ni goyoʼ lainy Jerusalén?

2. ¿Xí raiby Belsasar a guirá buñnan ni napbu, per xí láani diti labúu ronyibu?

3. Xinaʼ Belsasar, ¿xí ranabbu gony Belsasar?

4. Merpa mod góoch Daniel a Belsasar, ¿xigony buny Dios que toib ña nacaʼ diitz cué yoʼ?

5. ¿Ximod rabexa Daniel diitz ni caa cué yoʼ?

6. ¿Xí láani rac laʼga Daniel caniʼ?

Stipnés diitz ni non guicapyno:

1. Bíil Daniel 5:1-31.

   1. ¿Xigony galrradzuiby tzaay, diti láacani ngú galrradzuiby ni gosac Belsasar órni bibiʼbu diitz ni cuá cué yoʼ? (Dan. 5:6, 7; Sal. 19:9; Rom. 8:35-39.)

   2. ¿Ximod bislooy Daniel que gopbu xiroʼ balory órni goníbu nisló Belsasar né buñxirop ni goyoʼ né láabu? (Dan. 5:17, 18, 22, 26-28; Hech. 4:29.)

   3. ¿Ximod raslooy capítulo 5 de Daniel que nosi Jehová labúu gony mandary guidopynac Gudxlio? (Dan. 4:17, 25; 5:21.)

Historia 79

Daniel lad betz ons

1. ¿Chú láabu ngú Darío, né xí pensary napbu de Daniel?

2. Xtol tipnés buñ mal, ¿xí rony Darío?

3. ¿Xí rony Daniel órni radxiin guidiagbu que ma noʼ stoib ley copy?

4. ¿Xigony nigolú rioʼ nabann Darío né diti labúu ranás bacaʼal láabu, né xí ronybu órni raraa stoib gueʼel cú?

5. ¿Xí racapy Daniel a Darío?

6. ¿Xí rasaclóo guirá buñguieeu mal ni gocladx nagaity a Daniel, né xí guiich raxel Darío lóo guirá buny ni rony mandarybu?

Stipnés diitz ni non guicapyno:

1. Bíil Daniel 6:1-28.

   1. Ló naareʼ noʼ buñ ni ná guicaa xchiin testigos xtuny Jehová, ¿xí rasetnaladx ndeʼ lóono ni bunyibu né Daniel? (Dan. 6:7; Sal. 94:20; Isa. 10:1; Rom. 8:31.)

   2. Lóono ni rony xchiin Jehová, ¿ximod labúu guisuʼno mod buny Daniel lóo «buñchiin»? (Dan. 6:5, 10; Rom. 13:1; Hech. 5:29.)

   3. ¿Ximod labúu gonyno xchiin Jehová «guirá ór laʼga nabanyno» xomod buny Daniel? (Dan. 6:16, 20; Fili. 3:16; Rev. 7:15.)

Historia 80

Israel careʼ Babilonia

1. Xomod rabilo ló dibuj, ¿xí cayony israelitas?

2. ¿Ximod buny cumplir Ciro, diitz ni Jehová góoch a Isaías nacaʼ?

3. ¿Xí góoch Ciro a israelitas ni diti labúu bibiguet Jerusalén?

4. ¿Xí cós raduidy Ciro tzané israelitas a Jerusalén?

5. ¿Balac racla israelitas par guidxin Jerusalén?

6. ¿Balac íz godudy de goló bian Jerusalén sin buñ?

Stipnés diitz ni non guicapyno:

1. Bíil Isaías 44:28 né 45:1-4.

   1. ¿Ximod goní Jehová que nigolú sac cumplir diitz ni sieed ló la Biblia, ni raniʼ de Ciro? (Isa. 55:10, 11; Rom. 4:17.)

   2. ¿Xí raslooy lóono diitz ni bicaʼ Isaías ni sieed ló la Biblia ni raniʼ de Ciro, que Jehová labúu guiniʼ ni gac dzú ni sietra? (Isa. 42:9; 45:21; 46:10, 11; 2 Ped. 1:20.)

2. Bíil Esdras 1:1-11.

   Ni lóono guisuʼno guirá buñ ni diti labúu bibiguet Jerusalén, ¿ximod labúu gacnéno a guirá ni noʼ ló xchiin Jehová guirá dzú? (Esd. 1:4, 6; Rom. 12:13; Col. 4:12.)

Historia 81

Confianz que Jehová racné

1. ¿Balac buñ rareʼ Babilonia né riée Jerusalén ni rian nigolú sit, per xí rabíyibu órni radxiinyibu?

2. ¿Xí láani rasaló rasaʼ israelitas órni radxiinyibu, per xí rony xí enemigyibu?

3. ¿Chú layibu ngú Ageo né Zacarías, né xí raibyibu a buñ israelitas?

4. ¿Xigony raxel Tatenai toib guiich Babilonia, né xí racapy buñguieeu ni rony mandary Babilonia láabu?

5. ¿Xí láani rony Esdras órni radxiin guidiagbu que yoʼ xiroʼ ro rac adorar Jehová raquiin gactzaayni?

6. Xomod rabilo ló dibuj, ¿xí ranab Esdras lóo Jehová? ¿Ximod racapy Jehová ni ranabbu? ¿Né xí rasuidy ndeʼ lóono?

Stipnés diitz ni non guicapyno:

1. Bíil Esdras 3:1-13.

   Pal nóono toib lagary ro yadi ni toib congregación xtuny xcudx Jehová, ¿xí diti guisianno de gonyno? (Esd. 3:3, 6; Hech. 17:16, 17; Heb. 13:15.)

2. Bíil Esdras 4:1-7.

   ¿Xí rasuidy xcudx Jehová mod buny Zorobabel ni diti gócbu toibsi né stipnés religión ni diti rasuidy xinésni? (Éxo. 34:12; 1 Cor. 15:33; 2 Cor. 6:14-17.)

3. Bíil Esdras 5:1-5, 17 né 6:1-22.

   1. ¿Xigony xí enemig israelitas diti labúu bicaa dxiin ni gosaloyibu bisaʼyibu yoʼ xiroʼ ro rac adorar Jehová? (Esd. 5:5; Isa. 54:17.)

   2. ¿Ximod racné mod buny ancianos judíos a ancianos ni noʼ ló xtzúno par guiyopyibu Jehová gacné órni buñ racaló layibu? (Esd. 6:14; Sal. 32:8; Rom. 8:31; Sant. 1:5.)

4. Bíil Esdras 8:21-23, 28-36.

   Antes ni coʼno guicno gonyno toib cós ni rasac, ¿ximod labúu guisuʼno mod buny Esdras? (Esd. 8:23; Sal. 127:1; Pro. 10:22; Sant. 4:13-15.)

Historia 82

Mardoqueo né Ester

1. ¿Chú layibu ngú Mardoqueo né Ester?

2. ¿Xigony rayopy Asuero stoib buñgonaʼ par gac tzeelbu, né a chú rabúbu?

3. ¿Chú láabu ngú Hamán né xigony nigolú radzuitzbu?

4. ¿Xí ley rareʼ, né xí rony Ester órni Mardoqueo raduidy toib abís láabu?

5. ¿Xí rasaclóo Hamán, né xí rasaclóo Mardoqueo?

6. ¿Ximod ralaa israelitas de xi enemig?

Stipnés diitz ni non guicapyno:

1. Bíil Ester 2:12-18.

   ¿Ximod bislooy mod buny Ester que nigolú rasac gonyno por gacno «buñdzuu né natzaayxat»? (Est. 2:15; 1 Ped. 3:1-5.)

2. Bíil Ester 4:1-17.

   Suusi xomod Ester gopbu oportunida par gocnébu religión ni rasuidy xinésni, ló naareʼ ¿xí oportunida napnó par guiduidyno diitz que nadxino né nóono né Jehová? (Est. 4:13, 14; Mat. 5:14-16; 24:14.)

3. Bíil Ester 7:1-6.

   Xomodca gosaclóo Ester, ¿ximod láaca ló naareʼ xcudx Jehová radudy ló prueby? (Est. 7:4; Mat. 10:16-22; 1 Ped. 2:12.)

Historia 83

Muros ni nap Jerusalén

1. ¿Ximod bisac israelitas por ni diti goyoʼ muros roloo Jerusalén?

2. ¿Chú ngú Nehemías?

3. ¿Xí dxiin nap Nehemías, né xigony rasacni?

4. ¿Xí abís radxiin guidiag Nehemías ni ragoʼ nabann láabu, né xí ronybu?

5. ¿Ximod raslooy Artajerjes que buñtzay nacbu né Nehemías?

6. ¿Ximod ratzoo Nehemías dxiin ni gony israelitas par diti labúu guicaa xi enemigyibu ló xchiinyibu?

Stipnés diitz ni non guicapyno:

1. Bíil Nehemías 1:4-6 né 2:1-20.

   ¿Ximod biyopy Nehemías a Jehová par gacné láabu? (Neh. 2:4, 5; Rom. 12:12; 1 Ped. 4:7.)

2. Bíil Nehemías 3:3-5.

   ¿Xí labúu guisuidy ancianos né ministeriales de teqoítas, ni diti góc xomod stipnés «buñxirop» ni goyoʼ ló xtzúyibu? (Neh. 3:5, 27; 2 Tes. 3:7-10; 1 Ped. 5:5.)

3. Bíil Nehemías 4:1-23.

   1. ¿Xí láani bichiin a israelitas par diti nasian de nasaʼyibu muros ná goyoʼ buñ mal ni cualó layibu? (Neh. 4:6, 8, 9; Sal. 50:15; Isa. 65:13, 14.)

   2. ¿Ximod racné lóono mod buny israelitas?

4. Bíil Nehemías 6:15.

   ¿Xí raslooy lóono galnadip ni nap fe órni rolno que muros xtuny Jerusalén bilox goyaʼni dzú yása guiaʼ chop beʼo? (Sal. 56:3, 4; Mat. 17:20; 19:26.)

Historia 84

Toib ángel riguen María

1. ¿Chú ngú buñgonaʼ ni rabilo ló dibuj?

2. ¿Xí raiby Gabriel a María?

3. ¿Ximod rabexa Gabriel a María que sapbu toib badaʼ ná diti ma rabesnébu toib buñguieeu?

4. ¿Xí rac órni María riée riguen xfamilybu ni laa Elisabet?

5. ¿Xí láani rony José xpensary órni ranbu que María gap toib badaʼ, per xigony ratzábu mod nac xpensarybu?

Stipnés diitz ni non guicapyno:

1. Bíil Lucas 1:26-56.

   1. ¿Xigony Jesús diti cuaʼbu galkié órni Jehová buny que María gocxiin? (Luc. 1:35; Ageo 2:11-13; Juan 6:69; Heb. 7:26; 10:5.)

   2. ¿Ximod bisanadxyibu Jesús dzú yása gálbu? (Luc. 1:41-43.)

   3. ¿Xí galán mod bisian María par guirá herman ni racaʼ xiroʼ privilegios? (Luc. 1:38, 46-49; 17:10; Pro. 11:2.)

2. Bíil Mateo 1:18-25.

   Ná Jesús diti góc laabu Emmanuel, ¿ximod biduidy diitz mod bibanybu que bunybu xomod rarexa diitz Emmanuel? (Mat. 1:22, 23; Juan 14:8-10; Heb. 1:1-3.)

Historia 85

Jesús rál lainy xcorraa nimal

1. ¿Chú ngú badaʼ ni rabilo ló dibuj, né pu raguiʼx María láabu?

2. ¿Xigony gool Jesús lainy xcorraa nimal?

3. ¿Chú ngú stipnés buñguieeu ni rabilo ló dibuj ni cadxin ronoʼ Jesús, né xí góoch toib ángel layibu?

4. ¿Xigony nac Jesús toib buñxirop?

5. ¿Xigony labúu guinino que Jesús nac Xiin Dios?

Stipnés diitz ni non guicapyno:

1. Bíil Lucas 2:1-20.

   1. ¿Xí láani buny César Augusto par labúu ñac cumplir diitz ni sieed ló la Biblia ni goní lagary ro gál Jesús? (Luc. 2:1-4; Miq. 5:2.)

   2. ¿Ximod labúu tzó buñ lad ni Dios randxiʼ? (Luc. 2:14; Mat. 16:24; Juan 17:3; Hech. 3:19; Heb. 11:6.)

   3. Tipnés buñdxo ni cayap xiil de gudx Judea bibaladxyibu por ni gool Jesús par guilaa buñ, ¿xigony noʼ toib razón ni más rasac par guibaladx guirá ni rony ni ná Dios ló naareʼ? (Luc. 2:10, 11; Efe. 3:8, 9; Rev. 11:15; 14:6.)

Historia 86

Racanalyibu toib vitzón

1. ¿Chú ngú tipnés buñguieeu ni noʼ ló dibuj, né xigony toib buñguieeu caloyña vitzón ni racaptzadit?

2. ¿Xigony radzuitzgulu Herodes, né xí ronybu?

3. ¿Pu riné vitzón ni racaptzadit a tipnés buñguieeu, per xigony rabiguetyibu por stoib néz?

4. ¿Xí láani rony mandary Herodes, né xigony?

5. ¿Xí raiby Jehová a José?

6. ¿Chú láabu buny que nacaptzaʼ vitzón copy ni rabilo ló dibuj, né xigony?

Stipnés diitz ni non guicapyno:

1. Bíil Mateo 2:1-23.

   ¿Balac íz nap Jesús, né pu lagary noʼbu órni bidxin buñ ni raluladx que rabexa mod caa vitzón? (Mat. 2:1, 11, 16.)

Historia 87

Jesús mbioxhlasien lainy yoʼ xiroʼ

1. ¿Balac íz nap Jesús ló dibuj, né pu lagary noʼbu?

2. ¿Xí rony José guirá íz né xfamily?

3. ¿Xigony rabiguet José né María gudx Jerusalén órni ma gosaayibu guidopynac dzú ló néz?

4. ¿Pu lagary radzel José né María a Jesús, né xigony buñ ni dxee cú radziguiagolu?

5. ¿Xí láani raiby Jesús a xinaʼ?

6. ¿Ximod labúu guicanalno mod buny Jesús órni guisuidyno de Dios?

Stipnés diitz ni non guicapyno:

1. Bíil Lucas 2:41-52.

   1. Ná Xiley Jehová buny mandary que nosi buñguieeu tze lanii ni laa Pacua ni rac guirá íz, ¿xí galán mod bisian José né María par guirá ni ma noʼ xiin? (Luc. 2:41; Deu. 16:16; 31:12; Pro. 22:6.)

   2. ¿Xí galán mod bisian Jesús par guirá mbioxhlas ni noʼ ló xtzúno ximod nga guisobyibu bixiosyibu? (Luc. 2:51; Deu. 5:16; Pro. 23:22; Col. 3:20.)

2. Bíil Mateo 13:53-56.

   ¿Ximod laa tap buch Jesús ni rasetlaa la Biblia, né xí dxiin cuaʼ chopyibu lainy congregación? (Mat. 13:55; Hech. 12:17; 15:6, 13; 21:18; Gál. 1:19; Sant. 1:1; Jud. 1.)

Historia 88

Juan ragonis Jesús

1. ¿Chú layibu chop buñguieeu ni rabilo ló dibuj?

2. ¿Ximod rionis toib buñ?

3. ¿Chú clas buñ rieed ronoʼ Juan par tzonis?

4. ¿Xí razón ni rasac gop Jesús par gonabbu Juan conis láabu?

5. ¿Ximod raslooy Dios que rabaladxbu goyonis Jesús?

6. ¿Xí láani rac órni Jesús riée toib lagary ro diti rabés ni toib buñ por 40 dzú?

7. ¿Chú layibu góc primer xpiin Jesús, né xí primer galrradziguiaʼ bunybu?

Stipnés diitz ni non guicapyno:

1. Bíil Mateo 3:13-17.

   ¿Xí galán mod bisian Jesús ni gony toib ni racanal láabu órni ma goyonis? (Sal. 40:7, 8; Mat. 28:19, 20; Luc. 3:21, 22.)

2. Bíil Mateo 4:1-11.

   Jesús nigolú bimbutzaaybu xtiitz Dios, ¿xigony rony animar ndeʼ lóono par golno la Biblia guirá ór? (Mat. 4:5-7; 2 Ped. 3:17, 18; 1 Juan 4:1.)

3. Bíil Juan 1:29-51.

   ¿Chú ronoʼ raxel Juan xpiin ni noʼ toibsi né láabu, né ximod non guisuʼno láabu? (Juan 1:29, 35, 36; 3:30; Mat. 23:10.)

4. Bíil Juan 2:1-12.

   ¿Ximod bislooy primer galrradziguiaʼ ni buny Jesús que Jehová diti racaa cós tzaay par buñ ni rony Xchiimbu? (Juan 2:9, 10; Sal. 84:11; Sant. 1:17.)

Historia 89

Jesús rasiá yoʼ xiroʼ

1. ¿Xigony radoʼ nimal lainy yoʼ xiroʼ ni sob Jerusalén?

2. ¿Xigony radzuitz Jesús?

3. Xomod rabino ló dibuj, ¿xí rony Jesús, né xi rony mandarybu gony buñ ni ratoʼ palom?

4. ¿Xí rasetnaladx xpiin Jesús órni rabíyibu ni cayonybu?

5. ¿Xí lagary radudy Jesús órni rabiguetyibu Galilea?

Stipnés diitz ni non guicapyno:

1. Bíil Juan 2:13-25.

   Ni Jesús bidzuitz né guirá ni bitzá bidxiich lainy yoʼ xiroʼ, ¿ximod non guibino pal galán láani gonyno negosy Lagary ro radop testigos xtuny Jehová? (Juan 2:15, 16; 1 Cor. 10:24, 31-33.)

Historia 90

Né toib buñgonaʼ roʼ pós

1. ¿Xigony gosagadzu Jesús roʼ toib pós gudx Samaria, né xí raibybu a buñgonaʼ ni bidxin cú?

2. ¿Xigony radziguiaʼ buñgonaʼ reʼ, xí raiby Jesús láabu, né xigony?

3. ¿Xí clas nís buny pensary buñgonaʼ reʼ órni Jesús goní de nís, per Jesús de xí clas nís raniʼ?

4. ¿Xigony radziguiaʼ buñgonaʼ reʼ ni Jesús nann de láabu, né ximod nann Jesús guirá ndeʼ?

5. ¿Xí labúu guisuidyno de historia reʼ?

Tipnés diitz ni non guicapyno:

1. Bíil Juan 4:5-43.

   1. od buny Jesús, ¿ximod non guibino buñ de stipnés gudx, buñ ric o buñ pobre? (Juan 4:9; 1 Cor. 9:22; 1 Tim. 2:3, 4; Tito 2:11.)

   2. Xí xcalnasac Dios racaʼ ni radxiin racanal Jesús? (Juan 4:14; Isa. 58:11; 2 Cor. 4:16.)

   3. Samaritana nigolú bioladx bisuidy a stipnés buñ xtiitz Dios, ¿ximod labúu guisuʼno láabu? (Juan 4:7, 28; Mat. 6:33; Luc. 10:40-42.)

Historia 91

Jesús rasuidy buñ laidy toib dainy

1. Xomod rabino ló dibuj, ¿pu lagary noʼ Jesús casuidy buñ, né chú layibu sob gahxca láabu?

2. ¿Ximod laa doce ni golúbu par gac xpiimbu?

3. ¿Xí ngú Gobierno ni Jesús rasuidy a stipnés?

4. ¿Xí rasuidy Jesús buñ guinab órni guininéyibu Dios?

5. ¿Xí raniʼ Jesús mod gac buñ né stipnés?

Stipnés diitz ni non guicapyno:

1. Bíil Mateo 5:1-12.

   ¿Xí labúu gonyno par guiduidyno diitz que nánno ni rony mandary Jehová lóono? (Mat. 5:3; Rom. 10:13-15; 1 Tim. 4:13, 15, 16.)

2. Bíil Mateo 5:21-26.

   ¿Ximod raduidy diitz Mateo 5:23, 24 que nigolú rasac guiguaʼno sacró né xhermanno né ór cú labúu guiguaʼno sacró né Jehová? (Mat. 6:14, 15; Sal. 133:1; Col. 3:13; 1 Juan 4:20.)

3. Bíil Mateo 6:1-8.

   ¿Xí ni buny fariseos ni diti non gonyno? (Luc. 18:11, 12; 1 Cor. 4:6, 7; 2 Cor. 9:7.)

4. Bíil Mateo 6:25-34.

   ¿Xí láani bisuidy Jesús par gapnó confianz lóo Jehová que saduidybu lóono ni caquiinno par tudyno dzú? (Éxo. 16:4; Sal. 37:25; Fili. 4:6.)

5. Bíil Mateo 7:1-11.

   ¿Xí rasuidyni lóono mod goní Jesús ló Mateo 7:5? (Pro. 26:12; Rom. 2:1; 14:10; Sant. 4:11, 12.)

Historia 92

Jesús ralís gueʼet

1. ¿Chú ngú bixios mbioxgonaʼyen ni noʼ ló dibuj, né xigony buñguieeu reʼ nigolú goyoʼbu ló galrasaʼ né tzeelbu?

2. ¿Xí rony Jairo órni radzelbu Jesús?

3. ¿Xí láani rac laʼga Jesús sée lidx Jairo, né xí abís racá Jairo ló néz?

4. ¿Xigony buñ ni noʼ lidx Jairo raxiichyibu Jesús?

5. Órni Jesús, guionca xpiin, xinaʼ né bixios mbioxgonaʼyen reʼ rioʼyibu ro náaxh nidxiyen reʼ, ¿xí láani rony Jesús?

6. ¿Chú layibu láaca ma golís Jesús lad gueʼet, né xí raduidy diitz ndeʼ?

Stipnés diitz ni non guicapyno:

1. Bíil Lucas 8:40-56.

   ¿Xigony labúu guinino que Jesús binladxbu né biembu ni gosac gonaʼ ni bixoné galrraxú, né xí labúu guisuidy guirá ancianos mod buny Jesús? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14.)

2. Bíil Lucas 7:11-17.

   Mod gosac Jesús né mod bunybu órni bibiʼbu gonaʼ viod de gudx Naín, ¿xigony nigolú sacnéni a guirá ni ma goity xfamily? (Luc. 7:13; 2 Cor. 1:3, 4; Heb. 4:15.)

3. Bíil Juan 11:17-44.

   ¿Ximod bislooy Jesús que ditini mal cudxaʼno órni raity toib buñ ni randxiʼno? (Juan 11:33-36, 38; 2 Sam. 18:33; 19:1-4.)

Historia 93

Jesús rayaʼan xidalguixo buñ

1. ¿Xí cós nadzuʼpy góc né Juan ni Ragonis, né ximod rasac Jesús?

2. ¿Ximod raduidy Jesús ni guá xidalguixo buñ ni cuanal láabu, né balac galrro rian?

3. ¿Xigony radzuiby xpiin Jesús gueʼel cú, né xí rasaclóo Pedro?

4. ¿Ximod raduidy Jesús ni guá xidalguixo buñ ni rarop buelt?

5. ¿Xigony nigolú sacroyen sac Gudxlio órni Jesús gony mandary ló Gobierno xtuny Dios?

Stipnés diitz ni non guicapyno:

1. Bíil Mateo 14:1-32.

   1. Órni rolno Mateo 14:23-32, ¿xí clas buñ raslooyni lóono góc Pedro?

   2. ¿Ximod raduidy textos reʼ diitz que Pedro gócbu toib buñguieeu ni buñ pensary nír guinibu o gonybu toib cós? (Mat. 14:27-30; Juan 18:10; 21:7; Hech. 2:14, 37-40; 1 Ped. 5:6, 10.)

2. Bíil Mateo 15:29-38.

   ¿Ximod bislooy Jesús que gopbu respet por galrro ni biduidy Bixiosbu láabu? (Mat. 15:37; Juan 6:12; Col. 3:15.)

3. Bíil Juan 6:1-21.

   Lóono ni racanal Jesús, ¿ximod labúu guisuʼno mod bibiʼ Jesús buñchiin? (Juan 6:15; Mat. 22:21; Rom. 12:2; 13:1-4.)

Historia 94

Randxiʼbu mbioxien

1. ¿Xigony radíldiitz xpiin Jesús órni rabiguetyibu de toib lagary nigolú sit?

2. ¿Xigony ragobioo Jesús toib mbioxien né rasagaʼbu nidxiyen reʼ lad xpiimbu?

3. ¿Ximod ngú non gac xpiin Jesús xomod mbioxien?

4. Godudy chop tzón beʼo, ¿ximod raslooy Jesús que nadxibu mbioxien?

Stipnés diitz ni non guicapyno:

1. Bíil Mateo 18:1-4.

   ¿Xigony biquiin Jesús diitz ni bientzaay buñ órni bisuidybu? (Mat. 13:34, 36; Mar. 4:33, 34.)

2. Bíil Mateo 19:13-15.

   ¿Ximod nac mbioxien ni non guisuʼno pal nainy guicaʼno xilaay Gobierno xtuny Dios? (Sal. 25:9; 138:6; 1 Cor. 14:20.)

3. Bíil Marcos 9:33-37.

   ¿Xí bisuidy Jesús xpiin órni goníbu que diti guisobladx buñ gac buñxirop? (Mar. 9:35; Mat. 20:25, 26; Gál. 6:3; Fili. 2:5-8.)

4. Bíil Marcos 10:13-16.

   ¿Balaati midid biduidy Jesús lagary que buñ nabiknoo láabu, né xí labúu guisuidy ancianos mod bunybu? (Mar. 6:30-34; Fili. 2:1-4; 1 Tim. 4:12.)

Historia 95

Ximod rasuidy Jesús

1. ¿Xí ranabdiitz toib buñguieeu a Jesús, né xigony?

2. Rioʼ ór, ¿xí láani raquiin Jesús par guisuidy a buñ, né xí ma bisuidyno mod buny judíos né samaritanos?

3. Ló historia ni goní Jesús, ¿xí láani rasaclóo toib buñ judío ni casaa ló néz ni sée Jericó?

4. ¿Xí láani rac órni toib judío ni rasanir nisló israelitas par gony goʼox né toib levita radudy ló néz cú?

5. Ló dibuj, ¿chú cayacné judío ni bireʼ herid?

6. Órni Jesús ralox raniʼ historia reʼ, ¿xí ranabdiitzbu, né ximod racapy buñguieeu ca láabu?

Stipnés diitz ni non guicapyno:

1. Bíil Lucas 10:25-37.

   1. Lagary ni Jesús nacapytzaay, ¿ximod gocnébu toib buñguieeu ni nann Ley ni cuaʼ Moisés par guientzaaybu láani? (Luc. 10:26; Mat. 16:13-16.)

   2. ¿Ximod bislooy Jesús par guientzaay guirá ni cacadiag láabu par diti cuéyibu tiplad stipnés buñ? (Luc. 10:36, 37; 18:9-14; Tito 1:9.)

Historia 96

Jesús rasial buñguitz

1. ¿Xí rony Jesús laʼga casaa lainy xidal gudx?

2. Tzón íz de goló goyonisbu, ¿xí raiby Jesús xpiin?

3. ¿Chú ngú tipnés buñ ni rabilo ló dibuj, né xí rony Jesús por toib buñgonaʼ?

4. ¿Xigony ratoy tipnés buñ ni rasanir ló toib religión mod racapy Jesús layibu?

5. Órni Jesús né xpiin noʼ gahxca gudx Jericó, ¿xí rony Jesús pór chop buñ pobre ni diti labúu rabí?

6. ¿Xigony rony Jesús cós ni radziguiaʼ buñ?

Stipnés diitz ni non guicapyno:

1. Bíil Mateo 15:30, 31.

   ¿Ximod bislooy Jesús xcalnadip Jehová, né ximod racnéni lóono guienno ni Jehová ma goní gony par Gudxlio móz? (Sal. 37:29; Isa. 33:24.)

2. Bíil Lucas 13:10-17.

   ¿Ximod raslooy ni Jesús buny galrradziguiaʼ ni más rasac ló dzú sábda de que scúca gonybu dzú gony mandarybu ló Gobierno de tipmil íz ló Gudxlio? (Luc. 13:10-13; Sal. 46:9; Mat. 12:8; Col. 2:16, 17; Rev. 21:1-4.)

3. Bíil Mateo 20:29-34.

   ¿Ximod raslooy historia reʼ que Jesús goyoʼ puext gacnébu buñ ná goyoʼ xchiimbu, né xí rasuidyno de láani? (Deu. 15:7; Sant. 2:15, 16; 1 Juan 3:17.)

Historia 97

Jesús rieed xomod ni rony Mandary

1. Órni Jesús radxiin toib ranch mitien gahxca Jerusalén, ¿xí rony mandarybu gony xpiimbu?

2. Xomod rienni ló dibuj, ¿xí láani rac órni Jesús radxiin gahxca Jerusalén?

3. ¿Xí láani rony mbioxien órni rabíyibu Jesús casial buñ ni diti rabí né buñ xot?

4. ¿Xí láani raiby Jesús a buñ ni rasanir nisló israelitas par gony goʼox ni cadzuitz?

5. ¿Ximod labúu gacno xomod mbioxien ni bunyxiroʼ laa Jesús?

6. ¿Xí láani ná xpiin Jesús gann?

Stipnés diitz ni non guicapyno:

1. Bíil Mateo 21:1-17.

   1. ¿Ximod goyoʼ Jesús xomod ni rony mandary lainy gudx Jerusalén, né ximod goyoʼ tipnés buñguieeu ni rasanir ló xidalguixo soldad gudx Roma? (Mat. 21:4, 5; Zac. 9:9; Fili. 2:5-8; Col. 2:15.)

   2. ¿Xí labúu guisuidy guirá mbioxhlas mod buny mbioxien israelitas órni bisetlayibu ni ná Salmo 118 órni Jesús goyoʼ lainy yoʼ xiroʼ ro rac adorar Jehová? (Mat. 21:9, 15; Sal. 118:25, 26; 2 Tim. 3:15; 2 Ped. 3:18.)

2. Bíil Juan 12:12-16.

   ¿Xí raduidy diitz ni israelitas biquiin xquix palmeras órni bunyxiroʼyibu Jesús? (Juan 12:13; Fili. 2:10; Rev. 7:9, 10.)

Historia 98

Ló dainy Olivos

1. De guirá buñguieeu ni rabilo ló dibuj, ¿chú ngú Jesús, né chú layibu noʼ né láabu?

2. ¿Xí ná ñony guirá buñguieeu ni rasanir ló toib religión a Jesús lainy yoʼ xiroʼ ro rac adorar Jehová, né xí góoch Jesús layibu?

3. Xpiin Jesús, ¿xí ranabdiitz láabu?

4. ¿Xigony raiby Jesús xpiin tipnés cós ni gac ló Gudxlio órni saló gony mandarybu lainy guibá?

5. ¿Xí láani ná Jesús gac antes ni guinitlóbu guirá cós mal ni noʼ ló Gudxlio?

Stipnés diitz ni non guicapyno:

1. Bíil Mateo 23:1-39.

   1. Biblia raniʼ que labúu guiquiinno diitz ni raslooy respet a buñxirop, per ¿xí raduidy diitz ni goní Jesús ló Mateo 23:8-11 órni buñ raquiin diitz ni rasanadx a stipnés lainy congregación? (Hech. 26:25; Rom. 13:7; 1 Ped. 2:13, 14.)

   2. ¿Xí láani buny fariseos par guicaabu buñ par diti guicanal Jesús, né ximod scúca rony tipnés buñ ni rasanir lainy toib religión ló xtzúno? (Mat. 23:13; Luc. 11:52; Juan 9:22; 12:42; 1 Tes. 2:16.)

2. Bíil Mateo 24:1-14.

   1. ¿Ximod rabexa tzaay Mateo 24:13, que nigolú rasac gony guantaryno?

   2. ¿Ximod rarexa diitz «fin» ni sieed ló Mateo 24:13? (Mat. 16:27; Rom. 14:10-12; 2 Cor. 5:10.)

3. Bíil Marcos 13:3-10.

   ¿Xí diitz ni sieed ló Marcos 13:10 ná que guinino ni maca diitz sacró a stipnés buñ, né xí rachiin lóono diitz ni goní Jesús? (Rom. 13:11, 12; 1 Cor. 7:29-31; 2 Tim. 4:2.)

Historia 99

Lainy cuart ni sob guic yoʼ

1. Mod rabilo ló dibuj, ¿xigony noʼ Jesús né doce xpiin lainy toib cuart xiroʼ ni sob guic yoʼ?

2. ¿Chú láabu ngú ni careʼ roʼ puert, né xí noʼ guicbu gonybu?

3. ¿Xí galrroxtzu ni rasac rasaló Jesús, órni ma bilox godóyibu Pascua?

4. ¿Xí láani bisednaladx israelitas guirá íz ni bunyibu lanii Pascua, né xí láani guisetnaladx guirá ni racanal Jesús?

5. Órni ralox rooyibu Galrroxtzu ni rasetnaladx Jesús, ¿xí raibybu xpiimbu, né xí ronyibu?

Stipnés diitz ni non guicapyno:

1. Bíil Mateo 26:14-30.

   1. ¿Ximod raslooy Mateo 26:15 ni Judas nompa buny cuent Jesús par gaity?

   2. Ni Jesús bixú xiruny, ¿xí chop mod raquiinni? (Mat. 26:27, 28; Jer. 31:31-33; Efe. 1:7; Heb. 9:19, 20.)

2. Bíil Lucas 22:1-39.

   ¿Ximod goyoʼ Buñdzab laidy Judas? (Luc. 22:3; Juan 13:2; Hech. 1:24, 25.)

3. Bíil Juan 13:1-20.

   1. Mod ná Juan 13:2, ¿nap Judas dool por ni bunybu la, né lóono ni rony xchiin Dios xí rasuidyno? (Gén. 4:7; 2 Cor. 2:11; Gál. 6:1; Sant. 1:13, 14.)

   2. ¿Xí bisuidy Jesús ni racné tzaay buñ? (Juan 13:15; Mat. 23:11; 1 Ped. 2:21.)

4. Bíil Juan 17:1-26.

   Órni Jesús gonab xpiin gacyibu «toibsi», ¿xí biduidybu diitz né ndeʼ? (Juan 17:11, 21-23; Rom. 13:8; 14:19; Col. 3:14.)

Historia 100

Jesús lainy lagary sacroyen

1. ¿Pu lagary riée Jesús órni rareʼyibu lainy cuart ni sob guic yoʼ, né xí raiby Jesús ni gonyibu?

2. Órni Jesús rabiguet ronoʼ xpiin, ¿xí cayac, né balac buelt rac ndeʼ?

3. Mod rabilo ló dibuj, ¿chú layibu radxiin lainy lagary sacroyen, né xí rony Judas Iscariote?

4. ¿Xigony raduidy Judas toib bixit a Jesús, né xí rony Pedro?

5. ¿Xí raiby Jesús a Pedro, per xigony diti ranabbu Dios guixel ángel gacné láabu?

Stipnés diitz ni non guicapyno:

1. Bíil Mateo 26:36-56.

   1. ¿Xigony nac toib mod galán par guirá ancianos mod goloʼ litz Jesús xpiin? (Mat. 20:25-28; 26:40, 41; Gál. 5:17; Efe. 4:29, 31, 32.)

   2. ¿Ximod bibiʼ Jesús órni noʼ ni raquiin buñ par gonynaa saʼ? (Mat. 26:52; Luc. 6:27, 28; Juan 18:36.)

2. Bíil Lucas 22:39-53.

   ¿Raduidy diitz que fe xtuny Jesús diti góc nadip por ni toib ángel gocné láabu lagary Getsemaní la? Golexa láani (Luc. 22:41-43; Isa. 49:8; Mat. 4:10, 11; Heb. 5:7).

3. Bíil Juan 18:1-12.

   ¿Ximod bilaa Jesús xpiin de xi enemig, né xí rasuidyno mod bunybu láani? (Juan 10:11, 12; 18:1, 6-9; Heb. 13:6; Sant. 2:25.)

Historia 101

Ragaityibu Jesús

1. ¿Chú guic goolni par nagaityibu Jesús?

2. Órni tipnés ni rasanir ló toib religión ranásyibu Jesús, ¿xí rony xpiin Jesús ór cú?

3. ¿Xí láani rac lidx Caifás?

4. ¿Xigony ralsit Pedro né ribdxaʼdootbu?

5. Órni rabiguetnéyibu Jesús ronoʼ Pilato, ¿xí racarudx tipnés buñguieeu ni rasanir nisló israelitas par gony goʼox?

6. ¿Xí rac né Jesús dzú vierna órni ma godudy galadzú, né xí raibybu a toib buñguieeu ni nalxigaʼ cuébu ló yac nadop?

7. ¿Pu tzó lagary móz ni goní Jesús?

Stipnés diitz ni non guicapyno:

1. Bíil Mateo 26:57-75.

   ¿Ximod bislooy guirá buñ ni goyoʼ lainy tribunal judío que xcalnabanyibu nigolú nagudx gocni? (Mat. 26:59, 67, 68.)

2. Bíil Mateo 27:1-50.

   Judas ralooypani bioʼobni láabu ni bitoʼbu Jesús, ¿xigony labúu guinino que diti nigolú bisacbu scú? (Mat. 27:3, 4; Mar. 3:29; 14:21; 2 Cor. 7:10, 11.)

3. Bíil Lucas 22:54-71.

   ¿Xí rasuidyno ni Pedro goní diti rimbubu Jesús goxin ni bigaʼ né góc cuent Jesús? (Luc. 22:60-62; Mat. 26:31-35; 1 Cor. 10:12.)

4. Bíil Lucas 23:1-49.

   ¿Ximod buny Jesús órni cualóbu cós mal ni góc né láabu ná diti gopbu dool, né xí rasuidyno de láani? (Luc. 23:33, 34; Rom. 12:17-19; 1 Ped. 2:23.)

5. Bíil Juan 18:12-40.

   Pedro goyoʼ ór bidzuibybu buñ, per después gócbu toib xpiin Jesús ni cuaʼ xidal privilegios, ¿xí raslooy ndeʼ lóono? (Juan 18:25-27; 1 Cor. 4:2; 1 Ped. 3:14, 15; 5:8, 9.)

6. Bíil Juan 19:1-30.

   1. ¿Ximod bibiʼ Jesús bidxiich, lairy né galrro? (Juan 2:1, 2, 9, 10; 19:23, 24; Mat. 6:31, 32; 8:20.)

   2. ¿Xigony diitz ni goní Jesús órni mápa gaitybu bislooyni que goyoʼbu xilad Jehová né biduidybu diitz que nosi Jehová labúu gony mandary? (Juan 16:33; 19:30; 2 Ped. 3:14; 1 Juan 5:4.)

Historia 102

Jesús nabany

1. ¿Chú láabu buñgonaʼ ni noʼ ló dibuj, chú layibu chop buñguieeu, né pu noyibu?

2. ¿Xigony rony mandary Pilato buñ ni rasanir nisló israelitas par gony goʼox guixel soldad par gann baʼ ro bigach Jesús?

3. ¿Xí láani rony toib ángel tzón rosil de goló goity Jesús, per xí láani rony ni rasanir nisló israelitas par gony goʼox?

4. ¿Xigony radziguiaʼ tipnés buñgonaʼ órni rieyibu roʼ xpaʼ Jesús?

5. ¿Xigony raxony Pedro né Juan riée roʼ xpaʼ Jesús, né xí ranyibu?

6. ¿Xí rac né laidy Jesús, né xí láani ronybu par raslooybu xpiimbu que nabanybu?

Stipnés diitz ni non guicapyno:

1. Bíil Mateo 27:62-66 né 28:1-15.

   Órni Jesús biás lad gueʼet, ¿ximod guirá ni rasanir nisló israelitas néca fariseos né ancianos bunyibu galkié contra fuers ni Dios raquiin par gonybu ni nábu? (Mat. 12:24, 31, 32; 28:11-15.)

2. Bíil Lucas 24:1-12.

   ¿Ximod raslooy ni Jesús biás lad gueʼet que par Jehová buñgonaʼ labúu gac testig ni raniʼ cós nigolú? (Luc. 24:4, 9, 10; Mat. 28:1-7.)

3. Bíil Juan 20:1-12.

   ¿Ximod racné Juan 20:8, 9 par guientzaayno que raquiin gacno buñ paseinys pal diti rientzaayno ximod gac cumplir ni sieed ló la Biblia? (Pro. 4:18; Mat. 17:22, 23; Luc. 24:5-8; Juan 16:12.)

Historia 103

Lainy cuart ni nayeg

1. ¿Xí láani raiby María a buñguieeu ni xpensarybu cayap lagary cú, per ximod raduidybu cuent que buñguieeu reʼ ngú Jesús?

2. ¿Xí rasaclóo chop xpiin Jesús órni séeyibu ranch ni laa Emaús?

3. ¿Xí cós ni radziguiaʼ rac órni xpiin Jesús raiby a stipnés que ma bibiʼyibu Jesús?

4. ¿Balac buelt rabíyibu Jesús?

5. ¿Xí ná Tomás órni racadiagbu que stipnés xpiin Jesús ma bibiʼyibu Jesús, per xí rac órni radudy xhoon govitz?

Stipnés diitz ni non guicapyno:

1. Bíil Juan 20:11-29.

   ¿Goní Jesús ló Juan 20:23 que buñgudxlio labúu guituidy galkié xomod Dios la? Golexa láani (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2).

2. Bíil Lucas 24:13-43.

   ¿Ximod gonyno que xcalnabanyno tzó puext par guicaʼ guirá diitz ni nigolú rasuidy la Biblia? (Luc. 24:32, 33; Esd. 7:10; Mat. 5:3; Hech. 16:14; Heb. 5:11-14.)

Historia 104

Jesús rabiguet guibá

1. ¿Balac buñ ni racanal a Jesús labúu rabí láabu toibtica buelt, né xí raiby Jesús layibu?

2. ¿Xí ngú Gobierno xtuny Dios, né ximod guibany buñ ló Gudxlio órni Jesús gony mandary por tipmil íz?

3. ¿Por balac dzú bireʼ Jesús lóo xpiin, per xí láani ma bidxin ór gonybu nigoreʼ?

4. ¿Xí láani rony mandary Jesús gony guirá ni racanal láabu órni mápa guibiguetbu guibá?

5. ¿Xí láani cayac mod rabilo ló dibuj, né ximod tisintiempsi ma diti labúu rabíyibu Jesús?

Stipnés diitz ni non guicapyno:

1. Bíil 1 Corintios 15:3-8.

   ¿Xigony gondxich Pablo que Jesús nigolú biás lad gueʼet, né de xí cós labúu guiniʼ guirá ni racanal Jesús ló xtzúno? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5.)

2. Bíil 1:1-11.

   Mod caa ló Hechos 1:8, ¿hasta púti bidxin diitz sacró ni goní buñ ni cuanal Jesús? (Hech. 6:7; 9:31; 11:19-21; Col. 1:23.)

Historia 105

Riaʼanyibu lainy gudx Jerusalén

1. Mod rienni ló dibuj, ¿xí láani rac né guirá buñ ni racanal Jesús ni rian Jerusalén?

2. ¿Xigony radziguiaʼ buñ ni riée Jerusalén?

3. ¿Xí láani rabexa Pedro a buñ?

4. ¿Ximod rasac xidal buñ órni ralox racadiagyibu ni raniʼ Pedro, né xí non gonyibu?

5. ¿Balacyibu rionis ló lanii Pentecostés ni góc íz 33 L.X.?

Stipnés diitz ni non guicapyno:

1. Bíil Hechos 2:1-47.

   1. ¿Ximod raslooy diitz ni goní Pedro ló Hechos 2:23, 36 que guirá Judíos gopyibu dool ni bigaityibu Jesús? (1 Tes. 2:14, 15.)

   2. ¿Xí galán mod bisian Pedro mod golexa tzaaybu ni sieed ló la Biblia par labúu ñen buñ láabu? (Hech. 2:16, 17, 29, 31, 36, 39; Col. 4:6.)

   3. ¿Ximod biquiin Pedro primer «liay de Gobierno ni noʼ guibá» ni Jesús goní guicaʼbu? (Hech. 2:14, 22-24, 37, 38; Mat. 16:19.)

Historia 106

Rareʼyibu press

1. ¿Xí rasaclóo Pedro né Juan toib godzu órni cayoʼyibu lainy yoʼ xiroʼ ro rac adorar Jehová?

2. ¿Xí raiby Pedro a buñ xot, né xí raduidy Pedro láabu ni rasac más que bidxiich?

3. ¿Xigony radzuitz guirá buñguieeu ni rasanir ló toib religión, né xí ronyibu a Pedro né Juan?

4. ¿Xí raiby Pedro a guirá buñguieeu ni rasanir ló toib religión, né xí raibyibu xpiin Jesús?

5. Guirá ni rasanir ló toib religión, ¿xigony radzuitzyibu xpiin Jesús, per xí láani rac rarop buelt órni ragoʼyibu biinreʼ press?

6. ¿Ximod racapy xpiin Jesús órni noʼ ni riné layibu nisló Sanedrín?

Stipnés diitz ni non guicapyno:

1. Bíil Hechos 3:1-10.

   Ná diti napnó galnadip par gonyno galrradziguiaʼ ló xtzúno, ¿ximod racné diitz ni goní Pedro ló Hechos 3:6 gandxiʼno diitz ni rasac de Gobierno xtuny Dios? (Juan 17:3; 2 Cor. 5:18-20; Fili. 3:8.)

2. Bíil Hechos 4:1-31.

   Órni noʼ ni racaló lóono ló ro casaano yoʼ por yoʼ, ¿ximod labúu guisuʼno guirá xhermanno ni bibany ló xtzú Jesús? (Hech. 4:29, 31; Efe. 6:18-20; 1 Tes. 2:2.)

3. Bíil Hechos 5:17-42.

   ¿Ximod nga raslooy que natzaay nac xcalrrien tipnés buñ ni diti nac testigos xtuny Jehová ni noʼ ló xtzúno, né ni bibany ló xtzú Jesús ni láaca diti cuanal láabu? (Hech. 5:34-39.)

Historia 107

Ragasguieeyibu Esteban

1. ¿Chú ngú Esteban, né xí labúu ronybu por ni Dios racné láabu?

2. ¿Xí raniʼ Esteban ni rony que radzuitz guirá ni rasanir lainy toib religión?

3. Bilox bisobioyibu né goleʼyibu Esteban fuer gudx, ¿xí ronyibu Esteban?

4. ¿Chú ngú mbioxhlas ni noʼ ló dibuj ni sagaʼ ni cayaan xhap buñ ni dxee cú?

5. ¿Xí ranab Esteban lóo Jehová órni mápa gaitybu?

6. ¿Ximod labúu gonyno mod buny Esteban órni noʼ ni rony mal lóono?

Stipnés diitz ni non guicapyno:

1. Bíil Hechos 6:8-15.

   ¿Xí galrrascú raquiin guirá ni rasanir ló religión falz órni rayopyibu mod guicaayibu xchiin testigos xtuny Jehová? (Hech. 6:9, 11, 13.)

2. Bíil Hechos 7:1-60.

   1. ¿Xí láani gocné Esteban par labúu naniʼbu diitz sacró nisló Sanedrín, né xí rasuidyno mod bunybu? (Hech. 7:51-53; Rom. 15:4; 2 Tim. 3:14-17; 1 Ped. 3:15.)

   2. ¿Ximod gac xpensaryno de tipnés ni racaló dxiin ni ronyno por Jehová? (Hech. 7:58-60; Mat. 5:44; Luc. 23:33, 34.)

Historia 108

Ló néz ni sée Damasco

1. ¿Xí rony Saulo después ni ragaityibu Esteban?

2. ¿Xí galrradziguiaʼ rac ló néz laʼga sée Saulo niis Damasco?

3. ¿Xí láani rony mandary Jesús gony Saulo?

4. ¿Xí raiby Jesús a Ananías gony, né xí láani rac par labúu rabí Saulo stoib?

5. ¿Ximod radxiin rimbuyibu Saulo, né ximod raquiin Jehová láabu?

Stipnés diitz ni non guicapyno:

1. Bíil Hechos 8:1-4.

   ¿Ximod gocné que stipnés nacadiag diitz sacró órni goyoʼ ni cualó né cuanal congregación ni goyoʼ ló xtzú xpiin Jesús, né ximod scúca rac ló xtzúno? (Hech. 8:4; Isa. 54:17.)

2. Bíil Hechos 9:1-20.

   ¿Xí tzón dxiin biduidy Jesús cuaʼ Saulo? (Hech. 9:15; 13:5; 26:1; 27:24; Rom. 11:13.)

3. Bíil Hechos 22:6-16.

   ¿Ximod labúu guisuʼno Ananías, né xigony rasac gonyno láani? (Hech. 22:12; 1 Tim. 3:7; 1 Ped. 1:14-16; 2:12.)

4. Bíil Hechos 26:8-20.

   Ni Saulo bitzá mod góc né buny xchiin Jehová, ¿ximod racnéni a guirá buñ ni ma noʼ tzeʼel ni diti nac testigos xtuny Jehová? (Hech. 26:11; 1 Tim. 1:14-16; 2 Tim. 4:2; 1 Ped. 3:1-3.)

Historia 109

Pedro riguen Cornelio

1. ¿Chú ngú buñguieeu ni caxixip ló dibuj?

2. ¿Xí láani raiby toib ángel a Cornelio?

3. ¿Xí láani ralooy Dios a Pedro órni noʼbu guic yoʼ lidx Simón lainy gudx Jope?

4. ¿Xigony raiby Pedro a Cornelio que diti láani guixixipbu né gony adorarbu Pedro?

5. ¿Xigony tipnés buñ ni racanal Jesús ni nac judíos ni noʼ né Pedro radziguiaʼyibu?

6. ¿Xí cós ni rasac rasuidyno ni Pedro goyguen a Cornelio?

Stipnés diitz ni non guicapyno:

1. Bíil Hechos 10:1-48.

   ¿Xí láani raduidy diitz ni goní Pedro ló Hechos 10:42 mod nac diitz sacró de Gobierno xtuny Dios? (Mat. 28:19; Mar. 13:10; Hech. 1:8.)

2. Bíil Hechos 11:1-18.

   ¿Ximod góc xpensary Pedro órni biab fuers ni Dios raquiin par gonybu ni nábu laidy buñ ni diti nac judíos, né ximod guisuʼno mod bunybu? (Hech. 11:17, 18; 2 Cor. 10:5; Efe. 5:17.)

Historia 110

Timoteo ni racné Pablo

1. ¿Chú láabu mbioxhlas ni rabilo ló dibuj, de xí gudx láabu, né ximod laa xinaʼbu né soiscólbu?

2. ¿Ximod racapy Timoteo órni Pablo ranabdiitz pal nainy láabu gony compañerbu Pablo né Silas par guiniʼyibu xtiitz Dios a buñ ni rabés sit?

3. ¿Pu lagary primer rareʼ laa xpiin Jesús, buñ ni racanal Cristo?

4. ¿Ximod laa chop tzón gudx ro riée Pablo, Silas né Timoteo órni rasianyibu Listra?

5. ¿Ximod racné Timoteo a Pablo, né mbioxhlas ni noʼ ló xtzúno xí non guinabdiitzbu láacabu?

Stipnés diitz ni non guicapyno:

1. Bíil Hechos 9:19-30.

   ¿Ximod bilooy Pablo que gopbu cuidad órni goyoʼ ni cualó láabu par diti naniʼbu xtiitz Dios? (Hech. 9:22-25, 29, 30; Mat. 10:16.)

2. Bíil Hechos 11:19-26.

   ¿Ximod ralooy Hechos 11:19-21, 26 que fuers ni Dios raquiin par gonybu ni nábu racnéni lóono par saano yoʼ por yoʼ?

3. Bíil Hechos 13:13-16, 42-52.

   ¿Ximod ralooy Hechos 13:51, 52 que buñ ni cuanal Cristo diti biduidyibu lagary que nabeʼgan buñ layibu ló dxiin ni goyoʼyibu ló? (Mat. 10:14; Hech. 18:6; 1 Ped. 4:14.)

4. Bíil Hechos 14:1-6, 19-28.

   ¿Ximod racné lóono diitz «bisianyibu biinreʼ ladxña Jehová» par diti tzóno ló xcalrasaʼ gacnéno ni casaló casuidy o ni racaʼ toib privilegio? (Hech. 14:21-23; 20:32; Juan 6:44.)

5. Bíil Hechos 16:1-5.

   Ni Timoteo goyoʼ puext naroc ro nacbu buñguieeu, ¿ximod raslooy ni bunybu que gosac par láabu gonybu ndeʼ por diitz sacró ni raniʼ de Gobierno xtuny Dios? (Hech. 16:3; 1 Cor. 9:23; 1 Tes. 2:8.)

6. Bíil Hechos 18:1-11, 18-22.

   ¿Xí láani ná Hechos 18:9, 10 ni raduidy diitz que Jesús láaca sanir nisló guirá ni racanal láabu par saa yoʼ por yoʼ, né ló naareʼ ximod raduidy confianz lóono ganno ndeʼ? (Mat. 28:20.)

Historia 111

Toib mbiox ni gonás bacaʼal

1. ¿Chú láabu ngú mbiox ni náaxh layoo, né xí gosaclobu?

2. ¿Xí láani rony Pablo órni rabíbu que mbiox reʼ ma goity?

3. ¿Pu riée Pablo, Timoteo né ni rony compañer layibu, né xí rac órni radxiinyibu gudx Mileto?

4. ¿Xí láani raiby buñguieeu ni raniʼ xí gac dzú ni sietra ni laa Ágabo a Pablo, né ximod radxiin rac ni raniʼ buñguieeu reʼ?

Stipnés diitz ni non guicapyno:

1. Bíil Hechos 20:7-38.

   1. Mod ná diitz ni goní Pablo ló Hechos 20:26, 27, ¿xí labúu gonyno par diti gapnó dool por «xiruny guirá buñgudxlio»? (Eze. 33:8; Hech. 18:6, 7.)

   2. ¿Xigony guirá anciano non guicaadxich cuidad guiniʼyibu «ni sieed ló Xtiitz Dios» órni guisuidyibu? (Hech. 20:17, 29, 30; Tito 1:7-9; 2 Tim. 1:13.)

2. Bíil Hechos 26:24-32.

   Ni Pablo gócbu buñ de gudx Roma, ¿ximod gocnéni láabu bisuidybu xtiitz Dios né modreʼ bunybu dxiin ni bixel Jesús gonybu? (Hech. 9:15; 16:37, 38; 25:11, 12; 26:32; Luc. 21:12, 13.)

Historia 112

Ralaayibu ló toib isla

1. ¿Xí láani rac bark ni Pablo noʼ lainy órni cadudyni gahx isla ni laa Creta?

2. ¿Xí raiby Pablo a buñ ni noʼ lainy bark cú?

3. ¿Xigony rabíl bark cú?

4. ¿Xí láani raniʼ buñguieeu ni cayaan layibu, né balac buñ ni nabany radxiin roʼ nisdaʼ?

5. ¿Ximod laa isla ro radxiinyibu, né xí ronyibu Pablo órni rabés rac buroʼdant cú?

Stipnés diitz ni non guicapyno:

1. Bíil Hechos 27:1-44.

   ¿Ximod racné fe ni napnó que guirá ni caa ló la Biblia órni Pablo goyee gudx Roma scú gocni? (Hech. 27:16-19, 27-32; Luc. 1:3; 2 Tim. 3:16, 17.)

2. Bíil Hechos 28:1-14.

   Buñ ni golés isla Malta ná diti buny adoraryibu Jehová bichiinni layibu ñapyibu «xiroʼ galronladx» a Pablo né stipnés buñ ni bieed lainy bark cú, ¿xí láani non guichiin gonyno lóono ni nacno buñ ni racanal Jesús né ximod non gonyno láani? (Hech. 28:1, 2; Heb. 13:1, 2; 1 Ped. 4:9.)

Historia 113

Pablo lainy gudx Roma

1. ¿Chú layibu raniné Pablo xtiitz Dios laʼga noʼbu press lainy gudx Roma?

2. ¿Chú láabu ngú ni biedtixlóo a Pablo ni sob ro mexh, né ximod cayacnébu Pablo?

3. ¿Chú láabu ngú Epafrodito, né xí láani rinébu órni rabiguetbu gudx Filipos?

4. ¿Xigony raxel Pablo guiich lóo ximigdxinbu Filemón?

5. ¿Xí rony Pablo órni rareʼbu press, né diti xidzú de goló bireʼbu xí rasaclobu?

6. ¿Chú láabu raquiin Jehová par guicaʼ tipnés libros ro ralox la Biblia, né xí láani raniʼ libro ni laa Revelación?

Stipnés diitz ni non guicapyno:

1. Bíil Hechos 28:16-31 né Filipenses 1:13.

   ¿Ximod biquiin Pablo tiemp ni gopbu laʼga goyoʼbu press gudx Roma, né ximod fe nadip ni gopbu gocnéni guirá herman ni goyoʼ ló xtzúbu? (Hech. 28:23, 30; Fili. 1:14.)

2. Bíil Filipenses 2:19-30.

   ¿Xí diitz sacró bicaʼ Pablo ni bislooyni que binladxbu Timoteo né Epafrodito, né ximod labúu guisuʼno mod bunybu? (Fili. 2:20, 22, 25, 29, 30; 1 Cor. 16:18; 1 Tes. 5:12, 13.)

3. Bíil Filemón 1-25.

   1. ¿Xí láani biquiin Pablo par gocnébu Filemón gony xinésni, né ximod rasian ndeʼ toib mod galán par guicanal ancianos ni noʼ ló xtzúno mod bunybu? (File. 9; 2 Cor. 8:8; Gál. 5:13.)

   2. ¿Ximod raslooy diitz ni goní Pablo ló Filemón 13, 14 que golóbu cuent mod nac xpensary stipnés xiermanbu? (1 Cor. 8:7, 13; 10:31-33.)

4. Bíil 2 Timoteo 4:7-9.

   Xomod góc xpensary Pablo, ¿xigony labúu gapnó confianz que Jehová saduidy xilaay lóono pal gony guantaryno guirá dzú laʼga nabanyno? (Mat. 24:13; Heb. 6:10.)

Historia 114

Dzú ni guilox guirá cós mal

1. ¿Xigony rasetlaa la Biblia que noʼ mainy lainy guibá?

2. ¿Ximod laa guerr ni guitné Dios, né xigony guitnébu láani?

3. Xomod rabino ló dibuj, ¿chú láabu ngú ni guisanir ló guerr, xigony guicbu noʼ toib corona, né xí raslooy espad ni caʼbu?

4. Órni rabino historias 10, 15 né 33, ¿xigony diti non guidziguiaʼno ni Dios guinitló guirá buñ mal ni noʼ ló xtzúno?

5. ¿Ximod raslooy historias 36 né 76 que Dios sanitlóbu guirá buñ mal ná raniyibu que rony adoraryibu Jehová?

Stipnés diitz ni non guicapyno:

1. Bíil Revelación 19:11-16.

   1. ¿Ximod nayadit ná la Biblia que buñ ni dxiip mainyquiich ngú Jesucristo? (Rev. 1:5; 3:14; 19:11; Isa. 11:4.)

   2. ¿Ximod runy ni góos ló xhap loguiaʼ Jesús raduidyni diitz que láabu sonybu gann né sasloʼoxbu guerr reʼ? (Rev. 14:18-20; 19:13.)

   3. ¿Chú ngú stipnés ni sigory rony compañer xidalguixo buñ ni canal Jesús órni dxiipbu mainyquiich? (Rev. 12:7; 19:14; Mat. 25:31, 32.)

Historia 115

Gudxlio sac toib lagary móz

1. Xomod ná la Biblia, ¿xí galnasác guicaʼno lainy Gudxlio móz cú?

2. ¿Xí raniʼ la Biblia guicaʼ guirá ni guibany lainy lagary móz reʼ?

3. ¿Pu dzú ma saló Jesús gony guirá cós sacró reʼ?

4. Órni Jesús goyoʼbu ló Gudxlio, ¿xí láani bunybu par bislooybu ni gonybu órni ma saló gony Mandarybu lainy Gobierno xtuny Dios?

5. ¿Xí láani gony Jesús né guirá buñ ni gony mandary né láabu ló Gudxlio desde lainy guibá?

Stipnés diitz ni non guicapyno:

1. Bíil Revelación 5:9, 10.

   ¿Xigony nandxichno que guirá ni gony mandary né Jesús lainy guibá ló Gudxlio por tipmil íz sacyibu buñ ni guieen mod rasac buñ né sapyibu xiroʼ galronladx? (Efe. 4:20-24; 1 Ped. 1:7; 3:8; 5:6-10.)

2. Bíil Revelación 14:1-3.

   ¿Ximod rarexa que 144,000 ni guié guibá caa lacaayibu laa Bixios né laa Xiil? (1 Cor. 3:23; 2 Tim. 2:19; Rev. 3:12.)

Historia 116

Ximod guibanyno tipzó

1. ¿Xí láani raquiin ganno par labúu guibanyno tipzó?

2. ¿Ximod labúu guisuidyno más de Jehová né de Jesús xomod cayony mbioxgonaʼyen né ximig ni rabilo ló dibuj?

3. ¿Xí stoib libro rabilo ló dibuj, né xigony diti guisianno de golno láani?

4. Galán láani guisuidyno de Jehová né de Jesús, ¿xí más raquiinni par labúu guibanyno tipzó?

5. ¿Xí láani rasuidy historia 69 lóono?

6. ¿Xí rasuidy lóono mod buny Samuel, xomod sieed ló historia 55?

7. ¿Ximod labúu guisuʼno mod buny Jesucristo, né pal gonyno láani, xí láani sacaʼno ló dzú ni sietra?

Stipnés diitz ni non guicapyno:

1. Bíil Juan 17:3.

   Xomod raslooy la Biblia, ná nánno xidal cós de memory de Jehová né de Jesús, ¿xigony diti labúu guinino que ma rimbuno layibu? (Mat. 7:21; Sant. 2:18-20; 1 Juan 2:17.)

2. Bíil Salmo 145:1-21.

   1. ¿Goní tipnés mod ni noʼ par labúu gonyxiroʼno Jehová? (Sal. 145:8-11; Rev. 4:11.)

   2. ¿Ximod Jehová «natzaay par né guiráxadit», né ximod racné ndeʼ lóono guibigno ronoʼbu? (Sal. 145:9; Mat. 5:43-45.)

   3. Pal nadxino Jehová, ¿xí láani guichiin lóono gonyno? (Sal. 119:171, 172, 175; 145:11, 12, 21.)