LESIONY 46
¿Xigony gac dedicarno né tzonisno?
Órni toib buñ rac dedicar a Jehová, ronybu toib oración ro raibybu Jehová que nosi Jehová gony adorarbu, né ni más guisac par láabu ngú gonybu ni rioladx Dios (Salmo 40:8). Después, órni rionisbu raslooybu nisló stipnés que ma góc dedicarbu Dios. Gac dedicarno Jehová ndeʼ ni más rasac gonyno. Nigolú rasacni, portín radzaʼ mod nabanyno. ¿Xí guichiin looy gonylo láani?
1. ¿Xí láani rachiin lóono gac dedicarno Jehová?
Galnadxiʼ ngú ni rachiin lóono gac dedicarno Jehová (1 Juan 4:10, 19). La Biblia raiby lóono: «Gondxiʼ Jehová Dios xtunylo né guidopynac xcalnabanylo, né guidopynac alma xtunylo, né guidopynac xpensarylo né guidopynac xcalnadiplo» (Marcos 12:30). Galnadxiʼ ni napno Jehová riendxichni mod ranino né mod ronyno. Xomodca chop buñ ni ronladx saʼ rony galtzeʼel, né scúca órni nadxiʼno Jehová rac dedicarno láabu né rionisno.
2. ¿Xí galnasác rascad Jehová a guirá Testigos xtunybu ni ma goyonis?
Órni tzonislo saclo xfamil Jehová, toib famil ni noʼ nakit. Órcu sasaclo que nadxiʼ Dios looy de xidal mod né sioʼlo más gaxtiguié de láabu (bíil Malaquías 3:16-18). Diti nosi Jehová sac xomod Bixioslo, láaca sioʼlo lad toib famil rodann de herman ni noʼ ló guidopynac Gudxlio ni ronladx a Dios né láaca ronladx looy (bíil Marcos 10:29, 30). Scú láani, antes de tzonislo raquiin gonylo tipnés cós. Non guimbulo Jehová, gandxiʼlo láabu né guislooylo que naplo fe ló Xiimbu. Né último, non gaibylo Jehová que gac dedicarlo láabu. Pal ronylo guirá ndeʼ né rionislo saplo oportunida de guibanylo tipzó. Xtiitz Dios ná: «Galrrionis [...] nigoreʼ láaca calaani lóoto» (1 Pedro 3:21).
NANOY GUISUIDYNO LÁANI
Ganno xigony rasac gac dedicarlo Jehová né tzonislo.
3. Guiráno non ganno chú láabu non gony adorarno
Lainy gudx Israel tipnés buñ buny pensary que labúu ñony adoraryibu Jehová né láaca ñenyibu dioxh falz ni laa Baal. Per diti xinésni ngú ni bunyibu. Por ngú bixel Jehová profeta Elías par ñony corregir layibu. Colgoʼol 1 Reyes 18:21 né colgooy xtiitzni:
¿Xí láani buny israelitas?
Xomodca israelitas, lóono láaca non cuuno chú láabu non gony adorarno. Colgoʼol Lucas 16:13 né colgooy xtiitzni:
¿Xigony diti labúu gony adorarno Jehová né láaca guienno stoib dioxh o guienno stipnés cós?
¿Xí labúu gonyno par guibiʼ Jehová que ma golúno gony adorarno láabu?
4. Buny pensary balaati ronladx Jehová looy
Jehová ma bidudy xidal galrrascad ni rasac lóono. Né ¿xí láani labúu guidudyno láabu? Colguibiʼ VIDEO reʼ.
¿Ximod ma bislooy Jehová xcalrronladx looy? Colgoʼol Salmo 104:14, 15 né 1 Juan 4:9, 10, né colgooy xtiitzni:
De guirá galrrascad ni ma bidudy Jehová lóono, ¿xí galrrascad más rasac par looy?
Órni ronylo pensary ló guirá galrrascad reʼ, ¿xí rasaclo por láabu?
Órni toib buñ radudy lóono toib galrrascad ni rioladxno, nainy lóono ganbu que rasacni par lóono. Colgoʼol Deuteronomio 16:17 né colgooy xtiitzni:
Órni ronylo pensary ló guirá ni ma bidudy Jehová looy, ¿rasaclo que noʼ ni nainy looy guidudylo láabu la? ¿Xí láani nadudylo láabu?
5. Órni rac dedicarlo racaʼlo xiroʼ galnasác
Xidal buñ rony crer que órni xidal buñ rimbu láabu, o órni napbu toib carrera o napbu xiroʼ bidxiich labúu sabanybu nakit. Per ¿nigolúni la? Colguibiʼ VIDEO reʼ né colgooy xtiitzni:
Ná buñguieeu ni bibiʼno ló video nigolú bioladxbu godxitbu fútbol, ¿xigony bisiambu láani?
Láabu góc dedicarbu Jehová né bisiambu fútbol. Xpensarylo, ¿xinésni ngú ni bunybu la? ¿Xigony?
Apóstol Pablo antes de ñacbu cristiano gopbu toib carrera. Toib mextra de ley judía bisuidy láabu. Per bisiambu láani par labúu gócbu cristiano. ¿Góc arrepentirbu después la? Colgoʼol Filipenses 3:8 né colgooy xtiitzni:
¿Xigony goniʼ Pablo que guirá ni bunybu antes de ñacbu cristiano gocni «timontón guix»?
¿Noʼ ni cuaʼbu por guirá ni bisiambu la?
Xpensarylo, ¿sabanylo más sacró pal rony adorarlo Jehová la? ¿Xigony ronylo pensary modreʼ?
Órni Pablo góc cristiano, buny ganarbu más que ni bisnitbu.
TIPNÉS BUÑ NÁ: «Diti noʼ pu raquiin gonylo ni ná Dios».
¿Ronylo pensary que pal rac dedicarlo Jehová noʼ pu raquiinni la? ¿Xigony?
¿XÍ BISUIDYLO?
Galnadxiʼ ni rasacno por Jehová rachiinni lóono gac dedicarno láabu né tzonisno.
Repas
¿Xigony nosi Jehová non gandxiʼno né guidopy xcalnabanyno né gony adorarno?
¿Xí galrrascad radudy Jehová a Testigos xtuny ni ma goyonis?
¿Nainy looy gac dedicarlo Jehová la?
PAR GANLO MÁS
Gon xigony toib cantante né toib ni godxit pelot góc dedicaryibu Jehová.
Mbioxhlas ranabdiitz... ¿Xí láani goni? Ni ma buni... (6:54)
Gon xi más razón noʼ par gac dedicarlo Jehová.
«¿Xigony raquiin gac dedicarno a Jehová?» (Guiich ni caniʼ, 15 de enero íz 2010)
Bibiʼ ló video musical reʼ ximod rabaladx buñ ni ma góc dedicar a Jehová.
Bíil xigony toib buñgonaʼ bitzaʼ mod bibany ló experiencia ni laa, «Por xidal íz gonabdiidza naʼca xigony noʼno reʼ».
«La Biblia bitzaʼ mod bibanyibu» (Guiich ni caniʼ, 1 de noviembre íz 2012)