GACNO TOIB GALÁN MEXTRA | BIBALADX ÓRNI GUINIʼLO XTIITZ DIOS
Gocné buñ ni casuidylo tzee reunión
Reunión ni rac lainy congregación nacni toib mod ni rony adorarno Jehová, né ndeʼ nigolú rasac (Sl 22:22). Guirá ni radop par gony adorar a Jehová rioʼyibu nakit né racaʼyibu xiroʼ galnasác (Sl 65:4). Buñ ni casuidyno la Biblia rac nadip fe xtunyibu órni rieeyibu reunión guirá xomal.
¿Ximod labúu gacnélo buñ ni casuidylo la Biblia par labúu tzeeyibu reunión? Biruʼ layibu guirá ór. Bislooy layibu video ni laa, ¿Ximod rac xireuniondo? Né góoch layibu xi galnasác racaʼno órni rioʼno reunión (lff lesiony 10). Labúu gaibylo layibu xi láani ma bisuidylo ló reunión, né xi láani tudy stoib xomal. Bidudy layibu publicación ni guiquiinno ló reunión, o bislooy layibu ro ná, «Reuniones» ni sieed ló JW Library®. Láaca góoch layibu que looy labúu tzanélo layibu. Órni buñ ni casuidylo la Biblia riee reunión primerdiguieʼ buelt, sadudylo cuent que guirá xtem ni ma bunylo rasacni (1Co 14:24, 25).
ÓRNI MA BIBIʼLO VIDEO NI LAA, GACNÉNO BUÑ NI CASUIDYNO TZEE REUNIÓN, CUAPY GUIRÁ GALRRANABDIITZ REʼ:
¿Xí oportunida gop Rita par biruʼbu Coral ñee reunión?
¿Xigony nigolú rabaladxno órni buñ ni casuidyno la Biblia riee reunión?
«Dios noʼ né lóoto».
¿Ximod gosac Coral órni goyeebu reunión primerdiguieʼ buelt?