¿Bia lêü riâdz lehty ñuʼiʼ guuxt no xfamiiliʼ lá?
¿Bia lêü ṉîiʼ . . .
... guilndzii lá?
... meedy lá?
... nuur sto lá?
NI NE XDÎDZ DIOS
«¡Guuxt nuu meñy rieñy Xdîdz Dios no rsobdîdz lêü!» (Lucas 11:28, Traducción del Nuevo Mundo.)
XNAHC RAGNǑÜ GAṈ NOO LÊÜ
Gydziǎl noo ni ulihpu guilndzii (Efesios 5:28, 29).
Gysacbêy tsaʼ noo (Efesios 5:33).
Glilaadzy tsaʼ noo (Marcos 10:6-9).
¿NUU BIA NACU GLILAADZY NOO NI NE XDÎDZ DIOS LÁ?
Sé, nuu micze chohpu:
Dios bzâ famiily yahc. Xdîdz Dios neeü «Jehová bydê guiltsiahl niěr mquiee no ngünâ ni güyuʼ lo guidzyliee» (Génesis 2:18-24). Famiily yahc nuu yame porni Jehová bzâ lêyame. ¿Bia nacu rzahc gaṉ noo lêü lá?
Lihpx ñahcu: Bal gayahcuiʼ to guilrahcü níhx no ñaglaadziʼ ñaṉiʼ xnahc güiâü ¿dxu lême ṉabdîdziʼ lê lá? ¿dase meñy bzâ lêü lá?
Mode gahc bal raglaadziʼ gaṉiʼ xnahc tsuu xfamiiliʼ guuxt, rahpiʼ de ni gynabdîdziʼ Jehová, porni lême bzâ famiily yahc.
Dios ndziime noo. Lî no xfamiiliʼ rahp laʼd ni guio laʼd xguilrilwidz Jehová lo Xdîdzme, porni «lême rlaaby laadzyme laʼd» (1 Pedro 5:6, 7). Jehová ndziime noo no riuʼlaadzyme tsuu noo guuxt. Xdîdzme tiirc ragnǒü noo (Proverbios 3:5, 6; Isaías 48:17, 18).
BA GÜYUʼ DZE BNABDÎDZIʼ LÎ
¿Bia lêü bêy ntsoon lehty ñuun ma guuxt no tsiahla, no dʼxîñy yahca lá?
Gydziǎliʼ ni rcahpy Xdîdz Dios lo EFESIOS 5:1, 2 no COLOSENSES 3:18-21.