¿Dxu lo ñaa nuu gyre ni gayahc lo guidzyliee lá?
¿Bia lêü ṉîiʼ . . .
... Dios lá?
... meñy yahc lá?
... bindzǎb lá?
NI NE XDÎDZ DIOS
«Gyre ni gayahc lo guidzyliee nuuü lo ñaa bindzǎb» (1 Juan 5:19, Nueva Versión Internacional.)
«Lêsu we biaht xîñy Dios, lehty gtsiilyme gyre ni gatsô bindzǎb» (1 Juan 3:8, Torres Amat.)
XNAHC RAGNǑÜ GAṈ NOO LÊÜ
Gaṉ noo saʼgru bia nacu nuu ni dirquihñy lo guidzyliee (Revelación [Apocalipsis] 12:12).
Niwe rtsô cuiâz noo guiâd dze ru tsuu noo lo to guidzyliee ma mos (1 Juan 2:17).
¿NUU BIA NACU GLILAADZY NOO NI NE XDÎDZ DIOS LÁ?
Sé, nuu micze tsonu:
Xgobieern bindzǎb ba nguêly gynihtiu. Jehová ba gülahqy ihqy ba nehx gydême ñahz bindzǎb gtsôgsahc no guizquiê meñy yahc lo guidzyliee. Lême ba bydê xdîdz «gynidlome [...] bindzǎb» no guistsiâwyme gyre ni bidxiñy bindzǎb lo guidzyliee (Hebreos 2:14, Traducción del Nuevo Mundo).
Dios güle Jesucrist lehty gtsô gobernaar. Jesús nehx nacme bêy bindzǎb ni rizquiê no rtsôrsahc meñy lo guidzyliee. Dios ba gunî ni gtsô Jesucrist ru gtsôme gobernaar: «Guiôbme meñy gadeedy nee no meñy poobr [...] gybôme lêyame de guilrzaʼ sehc lo ni dirquihñy» (Salmo 72:13, 14).
Dios nehx rizquiê. Xdîdz Dios rnî «nehx bêy ñizquiê Dios» (Hebreos 6:18). No lêwe ru rnîme gtsôme behch, nehx bêy ñizquiême noo. (Isaías 55:10, 11). Ba bydê xdîdzme «gyniʼdyme bindzǎb ni gatsô mdaad lo guidzylieerieʼ» (Juan 12:31).
BA GÜYUʼ DZE BNABDÎDZIʼ LÎ
¿Xnahc tsuu meñy lo guidzyliee ru ba nehx ziuʼü lo ñaa bindzǎb lá?
Gydziǎliʼ ni rcahpy Xdîdz Dios lo SALMO 37:10, 11 no REVELACIÓN 21:3, 4.