¿Pé kos mena xReino Diux-a?
¿Sniw me nak . . .
. . . tep kos me no leañ dex gaombaiñna-a?
. . . tep oguear leañ iba-a?
. . . tep gobierno leañ iba-a?
ME RNÍ LÉ BIBLIA
“Lé Diux me ndé ibaa kueak tep reino me naidme nitlá.” (Daniel 2:44, Traducción del Nuevo Mundo.)
“Tep mbiux ban ka; y lé garnibie tzo leañ ñame.” (Isaías 9:6.)
XAMOD RSELAU LÉN SELÁNLOW
Mbó nak tep gobierno buen me sao selá tep tep de lén (Isaías 48:17, 18).
Banega, gobierno-ré lié me baiñ-na feliz y sin gaoguidz laa tep guisliú kueb (Revelación [Apocalipsis] 21:3, 4).
¿NO PRUEB PAR TZOLÉ DEX LISTIAN ME RNÍ LÉ BIBLIA?
Sé, no txop:
Jesús bsiñlee me lié xReino Diux. Léme blee xmí me niabme lá oración me guiat xReino Diux y ga me deadz Diux laa guisliu-ré (Mateo 6:9, 10). Ségak, bsiñlee me xamod ga deslé garnab-ré.
Medza biad Jesús laa guisliu-ré, bian Jesús miñ merlan, lu-níme merxio y hasta bleesme miñ me ba gutd (Mateo 15:29-38; Juan 11:38-44). Komo Rey de xReino Diux, bsunierme rí kos ndzon-ré me Reino-ré lié por miñ (Revelación 11:15).
Rí me ra laa guisliu-ré rdéid sen me xReino Diux banega guiad. Jesús ní antes me xReino Diux rao paz laa guisliu-ré, siodox diw, buin y xoo robda (Mateo 24:3, 7).
Nap rien rínak problem-ré. Lexma nakna segur me banega xReino Diux kueaktzeailou.
NÚPDITZ LETGA
¿Xa ga la vida no xReino Diux-a?
Sedziao lé garkeab leañ Biblia en SALMO 37:29 e ISAÍAS 65:21-23.