UJeremiya
3 Kukhona isisho esithi: “Uma indoda ilahla umkayo bese ehamba athathwe ngenye indoda, kufanele yini iphinde imlande abuyele kuyo?”
Lelo zwe alingcoliswanga yini? +
“Wena ufebe namashende amaningi, +
Ingabe manje kufanele ubuyele kimi?” kusho uJehova.
2 “Phakamisela amehlo akho emagqumeni aqothukile ubone.
Yikuphi lapho ungazange udlwengulwe khona?
Uwalinde eceleni kwezindlela amashende akho,
Njengonozulane* ehlane.
Uqhubeka ungcolisa izwe
Ngobufebe bakho nangobubi bakho. +
3 Ngakho izihlambi zemvula zigodliwe, +
Ayikho imvula entwasahlobo.
4 Kodwa manje uyangimemeza uthi,
‘Baba, wena ungumngani wami kwasebusheni bami! +
5 Ingabe kufanele uhlale ucasukile kuze kube phakade,
Noma uhlale ubambe igqubu?’
Yilokhu okushoyo,
Kodwa uqhubeka wenza zonke izinto ezimbi okwazi ukuzenza.” +
6 Ezinsukwini zeNkosi uJosiya, + uJehova wathi kimi: “ ‘Ukubonile yini lokho u-Israyeli ongathembekile akwenzile? Ukhuphukele kuzo zonke izintaba eziphakeme, waya nangaphansi kwazo zonke izihlahla ezikhephuzelayo ukuze ayofeba khona. + 7 Ngisho nangemva kokuba esenze zonke lezi zinto, ngangilokhu ngithi kufanele abuyele kimi, + kodwa akazange abuye; uJuda yena waqhubeka ebukele udadewabo okhohlisayo. + 8 Lapho ngikubona lokho, ngamxosha u-Israyeli ongathembekile ngamnika isitifiketi sedivosi + ngenxa yokuphinga kwakhe. + Kodwa udadewabo okhohlisayo uJuda akazange esabe; naye waphuma wayofeba. + 9 Ubufebe bakhe wabuthatha kalula, waqhubeka engcolisa izwe, ephinga namatshe nezihlahla. + 10 Naphezu kwakho konke lokhu, udadewabo okhohlisayo uJuda akazange abuyele kimi ngayo yonke inhliziyo yakhe, wabuya ngobuzenzisi kuphela,’ kusho uJehova.”
11 UJehova wabe esethi kimi: “U-Israyeli ongathembekile uzibonise elunge ngaphezu kukaJuda okhohlisayo. + 12 Hamba umemezele la mazwi enyakatho uthi: +
“ ‘ “O Israyeli oyisihlubuki, buya,” kusho uJehova.’ + ‘ “Ngeke ngikubukele phansi ngokuthukuthela, *+ ngoba mina ngiqotho,” kusho uJehova.’ ‘ “Ngeke ngihlale ngicasukile kuze kube phakade. 13 Kuphela nje vuma icala lakho, ngoba uvukele uJehova uNkulunkulu wakho. Waqhubeka ulala* nezihambi* ngaphansi kwazo zonke izihlahla ezikhephuzelayo, kodwa awulilalelanga izwi lami,” kusho uJehova.’ ”
14 “O nina madodana ahlubukayo, buyani,” kusho uJehova. “Ngoba ngiyinkosi yenu* yangempela; ngizonithatha, oyedwa edolobheni nababili emndenini, nginilethe eZiyoni. + 15 Ngizoninika abelusi abenza ngokuvumelana nentando* yami, + bazonondla ngolwazi nangokuqonda. 16 Niyoba baningi nithele izithelo ezweni ngalezo zinsuku,” kusho uJehova. + “Ngeke nisasho ukuthi, ‘Umphongolo wesivumelwano sikaJehova!’ Ngeke usafika enhliziyweni, ngeke nisawukhumbula, futhi ngeke usenziwa. 17 Ngaleso sikhathi iJerusalema liyobizwa ngokuthi yisihlalo sobukhosi sikaJehova; + zonke izizwe ziyoqoqelwa ndawonye egameni likaJehova eJerusalema, + ngeke zisalandela izinhliziyo zazo ezimbi ngenkani.”
18 “Ngalezo zinsuku bayohamba ndawonye, indlu kaJuda eceleni kwendlu ka-Israyeli, + bebonke bayophuma ezweni lasenyakatho bangene ezweni engalinika okhokho benu njengefa. + 19 Ngacabanga, ‘Yeka indlela engakubeka ngayo phakathi kwamadodana, ngakunika izwe elihle, ifa elihle kakhulu phakathi kwezizwe!’ *+ Ngangicabanga nokuthi uzongibiza ngokuthi, ‘Baba!’ nokuthi ngeke uyeke ukungilandela. 20 ‘Ngempela njengomfazi oshiya umyeni* wakhe ngokukhohlisa, kanjalo nawe ndlu ka-Israyeli usebenzelane nami ngokukhohlisa,’ + kusho uJehova.”
21 Emagqumeni aqothukile kuzwakale umsindo,
Ukukhala nokuncenga kwama-Israyeli,
Ngoba asonte indlela yawo;
Amkhohliwe uJehova uNkulunkulu wawo. +
22 “Buyani, nina madodana ahlubukayo.
Ngizoyelapha inhliziyo yenu ehlubukayo.” +
“Yithi laba! Size kuwe,
Ngoba wena Jehova, unguNkulunkulu wethu. +
23 Sizikhohlisile lapho sibanga umsindo emagqumeni nasezintabeni. +
Ngempela insindiso ka-Israyeli ikuJehova uNkulunkulu wethu. +
24 Kusukela ebusheni bethu unkulunkulu ongelusizo lwalutho uzithathe zonke izinto okhokho bethu abazisebenzele kanzima, +
Imihlambi yabo yezimvu neyezinkomo,
Amadodana abo namadodakazi abo.