Imihlangano Yokusisiza Ekwenzeni Abafundi
ISONTO ELIQALA NGOFEBRUARY 5
INgoma 180
12 imiz: Izaziso zebandla. Hlela manje ukuba yiphayona elisizayo ngoApril. Oda omagazini abengeziwe ozobadinga ngoApril nangoMay. Yazisa ibandla ngesipho senyanga.
18 imiz: “Izincwadi Ezintsha Zisisiza Ukuba Siziqeqeshe Ngokuzinikela KuNkulunkulu.” Inkulumo enomfutho ekhuthaza bonke ukuba bajwayelane kahle nezincwadi ezintsha. Ungase uhlanganise inkulumo eyodwa noma ezimbili ezimfushane ezizwakalisa ukwazisa ezivela kubazalwane abaye bazifunda futhi bazisebenzisa lezincwadi.
15 imiz: “Huba Ngokusuka Enhliziyweni.” Imibuzo nezimpendulo. Khuthaza bonke ukuba bazifunde kahle izingoma, ukuze simdumise ngokusuka enhliziyweni uJehova ngokucula kwethu.
INgoma 190 nomthandazo wokuphetha.
ISONTO ELIQALA NGOFEBRUARY 12
INgoma 85
10 imiz: Izaziso zebandla neZaziso ezikhethiwe ezivela kuNkonzo Yethu YoMbuso. Khuthaza bonke ukuba baye enkonzweni yasensimini ngalempelasonto. Bukezani izihloko ezikomagazini bamuva ezingasetshenziswa ngokuphumelelayo ensimini yebandla. Umbiko wezimali. Funda ukubonga kweNhlangano ngeminikelo etholakale phakathi noJanuary. Tusa abazalwane ngeminikelo yabo yokusekela ibandla.
15 imiz: “Ukuqokonyiswa Komagazini Abavelele.” Inkulumo nengxoxo ngendaba nemibuzo ethile. Hlanganisa nokuhlangenwe nakho okumbalwa kwabamemezeli abahambisa omagazini emsebenzini wasemgwaqweni, ekufakazeni ngokwethukela, noma emizileni kamagazini.
20 Imiz: Ukusikisela Okuwusizo Kokuhambisa Omagazini. Xoxa ngokusikisela okulandelayo futhi abamemezeli baphawule ngempumelelo abaye bayijabulela ngokukusebenzisa: (1) Funda omagazini futhi uzazi kahle izihloko. (2) Khetha izihloko ezizothakazelisa ngokukhethekile emphakathini. (3) Zama ukufakaza kwakusihlwa ngomagazini. (4) Khulumela isihloko esisodwa kuphela, futhi uqokomise umagazini owodwa kuphela, uhambise omunye njengomngane wawo. (5) Khuluma ngokungajahi nangokucacile ngezwi elinobungane. Khuthaza bonke ukuba bazame lokhu kusikisela okuwusizo njengoba befuna ukuhambisa omagazini ensimini yebandla.
INgoma 6 nomthandazo wokuphetha.
ISONTO ELIQALA NGOFEBRUARY 19
INgoma 207
8 imiz: Izaziso zebandla, kuhlanganise namalungiselelo enkonzo yasensimi angempelasonto.
7 imiz: Izinzuzo Zesifundo SeBhayibheli Sasekhaya Sasikhathi Sonke. Inkulumo. Sekungamashumi eminyaka inhlangano kaJehova ikhuthaza izinhloko zemikhaya ukuba ziqhube isifundo seBhayibheli sasikhathi sonke namalungu emikhaya. Lapho lokhu kuye kwenziwa khona, kuye kwaba nezinzuzo eziningi. Isifundo esinjalo siye saba nengxenye emoyeni wothando nokuthula emalungwini omkhaya. Abantwana baye bathuthuka baze bafinyelela ezingeni lokuba izinceku zikaJehova ezizinikezele, baye baba nethonya elihle ebandleni lakubo, futhi ngokuvamile baye bangenela inkonzo yesikhathi esigcwele. Lokhu kuye kwaletha injabulo enkulu kubazali abangamaKristu nabanye abaye bayibona lentuthuko yenzeka.
17 imiz: Ukufinyelela Izinhliziyo Zabasha. Umdala uxoxa kafushane ngamaphuzu avela ezincwadini eziklanyelwe ngokukhethekile ukusiza abasha. Ngaphezu kwesifundo sasekhaya sasikhathi sonke, amalungu omkhaya ayazuza ezingxoxweni ezingokomoya njengoba amathuba evela. Yiba nomboniso wengxoxo yomkhaya lapho ubaba enobuhlobo obufudumele nabantwana. Ingxoxo yabo iwukukhuluma nje ngokushintshana, ayiyona imibuzo nezimpendulo. Omunye umntwana ekhaya ubuze ukuthi angadlala yini nezingane zomakhelwane. Khulumela ukwaziswa okusemakhasini 64-7 encwadi ethi Intsha Iyabuza. Umzali ubuza imibuzo ehlolayo ukuze abone ukuthi umntwana uyaziqonda yini nokuthi uyavumelana yini nezimiso zeBhayibheli ezihilelekile. Ugcizelela ukuthi akukhona ukuthi abangane abaseduze nakanjani kumelwe babe ontanga yakho. Khetha intsha eye yafunda izingxenye ezithile kulencwadi, futhi uthole lokho eye yakuphawula. Mayiveze ukuthi kungani lokhu kwaziswa kuwusizo. Khuthaza intsha ukuba iyifunde lencwadi, futhi ugcizelele isidingo sokuba abazali bajwayelane nalokho ekuqukethe ukuze bahlanganise amaphuzu afanelekayo ezingxoxweni zomkhaya.
13 imiz: Umdala uxoxa nabazali abaye baphumelela noma abaphumelelayo ekukhuliseni abantwana babo eqinisweni. Gcizelela injabulo abayithola nalokho abaye bakuthola kuwusizo ekubeni nesifundo nezingxoxo zomkhaya zasikhathi sonke neziwusizo. Khuthaza abazali ngokufudumele ukuba baqhube isifundo somkhaya sasikhathi sonke nokuba intsha ibambisane nabo. Izimo ngeke zivume ngaso sonke isikhathi. Bonke emkhayeni badinga ukusebenza ndawonye. Ngokwenza kanjalo, bangasizana ukuba bahlale endleleni eya ekuphileni.—1 Thim. 4:16.
INgoma 123 nomthandazo wokuphetha.
ISONTO ELIQALA NGOFEBRUARY 26
INgoma 172
5 imiz: Izaziso zebandla. Khuthaza bonke ukuba bazitholele izincwadi ezanele zethi Izwi LikaNkulunkulu futhi babe nengxenye egcwele ekuhambiseni incwadi entsha enkonzweni yasensimini ngalempelasonto.
22 imiz: “Ukushumayela Izindaba Ezinhle—Ngencwadi Ethi Izwi LikaNkulunkulu.” Imibuzo nezimpendulo. Ngokuqondene nesigaba 4, yiba nommemezeli ongumakadebona ebonisa indlela yokuyihambisa emsebenzini wendlu ngendlu. Gcizelela indlela yokubonisana nomninikhaya, usebenzisa izigaba 2 no-4 esahlukweni 1. Lapho nicabangela isigaba 5 salesihloko, yiba nephayona elibonisa indlela yokusetshenziswa kwesigaba esiyisingeniso ekhasini 5 lapho lencwadi ihanjiswa ensimini yamabhizinisi noma emsebenzini wasemgwaqweni.
18 imiz: “Ukubonisa Ukwethembela KuJehova Ngokuphayona.” Umbonisi wenkonzo uhlanganisa isihloko ngemibuzo nezimpendulo ngomfutho nangentshiseko. Xoxa nephayona elilodwa noma amabili, eqokomisa izinjabulo aye azithola njengoba enqoba ubunzima. Landisa ngalokho okwenziwa yibandla ukuze kunikezwe usizo olungokoqobo emaphayoneni.
INgoma 14 nomthandazo wokuphetha.