Imihlangano Yokusisiza Ekwenzeni Abafundi
ISONTO ELIQALA NGOSEPTEMBER 3
INgoma 154
10 imiz: Izaziso zebandla kanye neZaziso ezikhethiwe ezikuNkonzo Yethu YoMbuso. Ingabe Uyihlomele Insimu? Chaza izinto okumelwe zibe sesikhwameni sasensimini, okuhlanganisa iBhayibheli, Ukubonisana NgemiBhalo, incwajana ethi Good News for All Nations, amapheshana, ipeni lokubhala, isipho esihanjiswayo nomagazini, umbhalo wendlu ngendlu, njalonjalo. Ukuhloma ngokwengqondo kudinga ukubukeza amaphuzu azoqokonyiswa encwadini. Futhi, thandazela umoya ongcwele kanye nosizo ekutholeni abanjengezimvu. (Fil. 4:6, 7) Nikeza umbiko omfushane ngemiphumela etholakale ensimini engabelwe kuze kube manje. Khuthaza ukusekela okuqhubekayo emkhankasweni osazokwenziwa.
20 imiz: “Memezela Izindaba Ezinhle Nsuku Zonke.” Imibuzo nezimpendulo. Umboniso omfushane wengxenye yesimiso sokulungiselela komkhaya, ilungu elilodwa lomkhaya linikeza intshumayelo emfushane ekuNkonzo Yethu YoMbuso kwelinye ilungu lomkhaya.
15 imiz: Umdala uxoxa nentsha embalwa eyisibonelo. Xoxani ngamaphuzu ayinhloko asencwadini ethi Intsha Iyabuza, isahluko 17, kwesithi “Ingabe Kumelwe Ngisiyeke Isikole?” Gcizelela isidingo ngabazali sokuqondisa intsha ekukhetheni izifundo ezizoyisiza ukuba izuze ubuciko obusebenzisekayo, obuwusizo, obuzoyisiza ukuba yakhe ikusasa layo enhlanganweni kaNkulunkulu futhi iphishekele izithakazelo zoMbuso.
INgoma 225 nomthandazo wokuphetha.
ISONTO ELIQALA NGOSEPTEMBER 10
INgoma 71
5 imiz: Izaziso zebandla. Izindaba EzingokwaseZulwini. Khumbuza ibandla ngamalungiselelo enkonzo yasensimini, ukhuthaze ukuba kusekelwe ukufakaza kwakusihlwa.
15 imiz: “Ukushumayela Izindaba Ezinhle—Ngomagazini.” Ingxoxo yemibuzo nezimpendulo. Lapho nicabangela isigaba 8, yenza umboniso ngendlela okungaqaliswa ngayo umzila kamagazini kumuntu obonisa isithakazelo esiqotho, kuqokonyiswa isihloko esikumagazini esithakazelisayo endaweni.
15 imiz: “Balandeleni Ngesibindi Abaniholayo.” Ukuhlanganiswa kwendaba ngemibuzo nezimpendulo yenziwe ifanelekele ibandla. Kufanele isingathwe umdala onokuhlangenwe nakho.
10 imiz: “Siyabazisa Asebekhulile!” Inkulumo ebekwa umdala, esekelwe ekwazisweni okukuNqabayokulinda kaFebruary 1, 1986, amakhasi 28-9. Yenze ifanelekele ibandla. Ungakhulumela ikakhulukazi ukusebenza nabanjalo ensimini, sinciphise ijubane ukuze sikwazi ukusebenza nabo. Singabasiza ngokubayela ezitolo, ukubayisa kudokotela, njalonjalo, futhi sizuze ekuhlakanipheni kwabo nakokuhlangenwe nakho.—Jobe 15:10; IzAga 16:31; 1 Thim. 5:1, 2.
INgoma 116 nomthandazo wokuphetha.
ISONTO ELIQALA NGOSEPTEMBER 17
INgoma 160
8 imiz: Izaziso zebandla. Umbiko wezimali kanye nokubonga ngomnikelo. Tusa ibandla ngokusekela Isikhwama SeNhlangano SamaHholo OMbuso kanye neminikelo yomsebenzi woMbuso.—IzAga 3:9.
20 imiz: “Phaphamela Ukuqalisa Izifundo ZeBhayibheli.” Ingxoxo yemibuzo nezimpendulo. Nikeza ukwaziswa ngenani lezifundo eziqhutshwa ibandla. Esigabeni 5, bonisa indlela isifundo esingaqaliswa ngayo ekuhambeleni kokuqala. Qalisa umboniso umninikhaya engabonisi sithakazelo kodwa amukela ngenjabulo ipheshana elithi Ukuphila Ezweni Elisha Elinokuthula. Ummemezeli ucabangela isigaba esisodwa noma ezimbili epheshaneni futhi wenza amalungiselelo aqondile okubuya. Ngokulandelayo, bonisa indlela eqondile, kusetshenziswa esinye sezethulo ezisencwadini Ukubonisana, ikhasi 11, ngaphansi kwesithi “Isifundo SeBhayibheli Sasekhaya.” Khulumela indlela ukufakaza kwakusihlwa okunikeza ngayo ithuba elikhulu lokuqalisa izifundo nemikhaya yonke, njengoba ngokuvamile abanumzane basuke besekhaya ngalesosikhathi.
17 imiz: “Lapho Ufundisa, Finyelela Inhliziyo.” Inkulumo ekhuluma ngamaphuzu amane ayinhloko akuNqabayokulinda kaMarch 15, 1985, amakhasi 27-31. Siza izilaleli ukuba zibone isidingo sokuqhuba izifundo zeBhayibheli ezithuthukayo. Futhi, khulumela ukuthi zinganqanyulwa nini izifundo ezingathuthuki.
INgoma 121 nomthandazo wokuphetha.
ISONTO ELIQALA NGOSEPTEMBER 24
INgoma 69
10 imiz: Izaziso zebandla. Khuthazela umsebenzi kamagazini wangoMgqibelo. Imiboniso emibili emifushane, omunye lapho kuboniswa khona isithakazelo, kanti komunye lapho umninikhaya engabonisi isithakazelo komagazini kodwa evuma ukufunda ipheshana. Ingxoxo ingavula indlela yokusikisela isifundo seBhayibheli sasekhaya samahhala.
20 imiz: “Ukwazisa Amaphayona Esinawo.” Umbonisi wenkonzo uxoxa ngokwaziswa namaphayona amabili noma amathathu. Yenza amaphayona aveze indlela aye akhuthaza ngayo abanye, futhi uwenze aphawule ukuthi yini ikakhulukazi eye yawakhuthaza ebandleni. Tusa ibandla ngokusekela amaphayona.
15 imiz: Izidingo zebandla. Noma umbonisi owengamele asingathe ingxoxo yesithi “Imibuzo Evela Kubafundi” esikuNqabayokulinda kaMay 15, 1983, amakhasi 30-1, “Singabasiza kanjani labo abasebandleni lakithi abanesihlobo esisuswe ekuhlanganyeleni?”
INgoma 62 nomthandazo wokuphetha.