Isimiso Esisha Sosuku Lomhlangano Okhethekile
1 Isimiso sethu sosuku lomhlangano okhethekile esiqala ngo-September siyoba nesihloko esithi ‘Fakazela Iqiniso.’ Sonke isimiso siyogxila esibonelweni uJesu asishiyela sona nasendleleni ayesebenzisa ngayo ngokunenzuzo wonke amathuba okuhlanganyela iqiniso nabanye. Siyogcizelela umthwalo wethu wemfanelo njengabafundi bakaKristu wokumlingisa ekufakazeleni iqiniso.—1 Kor. 11:1.
2 Kuyocatshangelwa nendima efezwa yibandla ekuthuthukiseni iqiniso. Ukubasebenzisa kahle omagazini bethu kanye nezinye izincwadi nakho kuyogcizelelwa.
3 Inkulumo eyinhloko eyonikezwa isikhulumi esihambele iyoba nesihloko esithi “Ukufakazela Iqiniso—Lokho Okukufezayo.” (Joh. 8:32) Lesisimiso sosuku lomhlangano okhethekile ngokuqinisekile siyojulisa ukwazisa kwethu iqiniso futhi sisisize sonke ukuba singaxegi ‘sime siqinile eqinisweni.’—2 Pet. 1:12; 1 Kor. 15:58.