Esikukhunjuzwayo NgeSikhumbuzo

Umkhosi weSikhumbuzo kulo nyaka uzoba ngeSonto, ngo-April 8. Abadala kufanele banakekele izinto ezilandelayo:

◼ Lapho nimisa isikhathi somhlangano, qinisekani ukuba izifanekiselo azihanjiswa ilanga lingakashoni.

◼ Wonke umuntu, kuhlanganise nesikhulumi, kufanele atshelwe isikhathi esiqondile kanye nendawo yalo mkhosi.

◼ Kufanele kutholakale futhi kulungiswe uhlobo olufanele lwesinkwa newayini.—Bheka INqabayokulinda ka-February 15, 1985, ikhasi 17.

◼ Amapuleti, izingilazi netafula elifanelekile kanye nendwangu yetafula kufanele kulethwe kusengaphambili ehholo kuhlelwe ngokufanelekile.

◼ IHholo LoMbuso noma enye indawo yomhlangano kufanele ihlanzisiswe kusengaphambili.

◼ Abalindi nabahambisa izifanekiselo kufanele bakhethwe futhi banikwe iziyalezo kusengaphambili ngemisebenzi yabo nenqubo efanele ezolandelwa.

◼ Kufanele kwenziwe amalungiselelo okuyisa izifanekiselo kunoma yibaphi abagcotshiwe abaxhwalile abangeke bakwazi ukuba khona.

◼ Uma umuntu osusiwe ehlanganyela ezifanekiselweni akufanelwe abalwe njengohlanganyelayo, kodwa angabalwa njengobekhona.—Bheka INqabayokulinda ka-February 1, 1976, ikhasi 55.

◼ Uma iHholo LoMbuso lizosetshenziswa amabandla angaphezu kwelilodwa, kufanele kube khona ukubambisana okuhle ukuze kungabi khona ukuminyana okungadingekile eminyango, emagcekeni nasendaweni yokupaka izimoto.