Излаулшо ала аҵаҩцәа разыҟаҵара уҽалархәла
1. Иарбан цхыраароу ираҳҭар, ҳалшо ауаа еиқәхарц азы?
1 2014 шықәсатәи ажәабжьҳәаратә ҳасабрба иаанарԥшуеит Анцәа ижәлар шазхиоу гәацԥыҳәарылеи хьаҵрадеи Аҳра иазку ажәабжь бзиа аҳәара (Матф. 24:14). Ҩнаҭацыԥхьаӡа ажәабжьҳәареи, абуклетқәеи, ааԥхьарақәеи рыларҵәаразы иҷыдоу акампаниақәеи, иара убас ауаа рацәа ахьыҟоу аҭыԥқәа рҿы ажәабжьҳәареи рыбзоурала, ҳара иҳалшоит уаанӡа аҵкыс еиҳаны ауаа ажәабжь бзиа деилыркаара. Аха ауаа еиқәхарц азы ҳара урҭ Иисус иҵаҩцәа ракәны аҟалара ҳрыцхраароуп, уи азы дара Абиблиа дырҵалатәуп (1 Тим. 2:4).
2. Иарбан зҵаарақәоу ҳзызхәыцлар ахәҭоу, ауаа Абиблиа аҵара рыдгаларазы алшара ҳаҩҳмыжьырц азы?
2 Алшарақәа ухы иархәала. Ауаҩы аинтерес анааирԥшуа, уҽазушәома иара дызлоуԥшааша аинформациа аилкаара, насгьы иаарласны еиҭах иара иахь анеира Абиблиа ирҵаразы? Идурбахьоума ааигәа раԥхьатәи аҭаара аан Абиблиа аҵара шымҩаԥысуа? Акыр ҵуама иааиԥмырҟьаӡакәа аброшиурақәа зызнауго ауаҩы Абиблиа аҵара идумгалеижьҭеи? Идурбахьоума уара авидеороликқәа «Изаҭахузеи Абиблиа аҵара?», насгьы «Ишԥамҩаԥысуеи абиблиатә ҵара?» аус уцызуа, аҵара уцызҵо, угәылацәа, уҭынхацәа, насгьы иудыруа ауаа? Астенд ала ажәабжь ануҳәо, уҽазушәома уара арҵаразы иҟоу ахархәага зуҭо ауаҩы иеилыркаара уи ала ишымҩаԥааго хәыда-ԥсада иҟоу абиблиатә ҵара?
3. Иҟаҵатәузеи қәҿиарала ауаа аиаша дырҵаразы?
3 Иеговеи Иисуси рҟынтә ацхыраара. «Ажәларқәа зегьы идшәырҵа» ҳәа иҳәаанӡа, Иисус иҵаҩцәа царц рыдиҵеит. Уи ала иара иаҳирбеит аҽазышәарақәа шаҭаху, насгьы ахаԥшьгара шаарԥшлатәу. Иара цхыраарада ҳаанимыжьӡеит, аха ҳақәиргәыӷит дышҳацзаауа (Матф. 28:19, 20). Уи адагьы, Иегова иԥшьоу адоуҳа, насгьы ауаа аиаша дырҵаразы ахархәагақәеи адырреи ҳаиҭоит (Зах. 4:6; 2 Кор. 4:7). Ҳара Анцәа ҳиҳәалар ҳалшоит, уи аус хада аҽалархәразы агәаҳәареи амчи ҳаиҭарц (Флп. 2:13).
4. Избан изхадоу аҵаҩцәа разыҟаҵара аус аҽалархәра?
4 Ажәабжь бзиа анеиҭаҳҳәо, ҳара уи агәырӷьара ду ҳзаанагоит. Аха ҳара ҳгәырӷьара еиҳагьы еизҳауеит ауаҩы аиаша аниҳарҵо, насгьы ҳаницхраауа дҳацны «абзазарахь уназго амҩақәа» дырныланы данцо (Матф. 7:14; 1 Фес. 2:19, 20). Иара убас аҵаҩцәа разыҟаҵара аус ишҳалшо ала ҳхы аналаҳархәуа, ҳара Иегова игәы ҟаҳҵоит, избанзар иара «ҳара ҳахьтә аӡәгьы дҭамхандаз ҳәа дыԥшуп, дазыԥшуп зегьы аҭамзаара ианаҳәаша аамҭа» (2 Пиот. 3:9).