Аусуратә тетрад «Ҳаԥсҭазаареи ҳмаҵзуреи» 2025 | ииуль

ИИУЛЬ 28 — АВГУСТ 3

АЖӘАМААНАҚӘА 24

Ашәа 38, Анцәа иҳәара | Алагалажәа (1 мин.)

АНЦӘА ИАЖӘА АҞЫНТӘ АХАЗЫНАҚӘА

1. Иуадаҩу аамҭақәа шәҽырзыҟашәҵа

(10 мин.)

Ишәымоу адыррақәа еизшәырҳала, шәҟәыӷара иацышәҵала (Ажәм 24:5; it-2-U 473, абз. 5).

Иуадаҩу аамҭақәа раан шәгәы каҳазар, Анцәа иҳәареи, Абиблиа аԥхьареи, аизарақәа рҭаареи шәаҟәымҵын (Ажәм 24:10; w09-U 15/12 18, абз. 12, 13).

Ахаҵара ӷәӷәеи Иегова иахь абзиабареи ауадаҩрақәа зегь рыхгара ишәыцхраауеит (Ажәм 24:16; w20.12 15, абз. 1, 2, 8).

Ачымазара бааԥс змоу аиаҳәшьа лҩызеи лареи ҩнаҭацыԥхьаӡа ажәабжь рҳәоит. Лара дҿаԥха-ҿаччо ашә рзаазыртыз аԥҳәыс апланшет аҿы ак ллырбоит.

2. Адоуҳатә бырлашқәа

(10 мин.)

Ажәм 24:27. Ҵакыс иамоузеи ари ажәамаана? (w09-U 15/10 12, абз. 5—7).

Аҭак
Иарбан доуҳатә бырлашқәоу ари ахаҿы ишәыԥшааз?

Аҭак

3. Абиблиа аԥхьара

(4 мин.) Лк 2:21—35 (th аурок 11).

АМАҴЗУРАҾЫ ИҲАМОУ АҞАЗАРА ЕИӶЬАҲТӘУЕИТ

4. Ацәажәара шәалага

(2 мин.) ИФОРМАЛТӘЫМ АЖӘАБЖЬҲӘАРА. Ауаҩы Абиблиа аҟынтә зхәыцрак изеиҭаҳәара уахьӡаанӡа аицәажәара хиркәшоит (lmd аурок 2, апункт 4).

5. Ацәажәара шәалага

(3 мин.) ҨНАҬАЦЫԤХЬАӠА АЖӘАБЖЬҲӘАРА (lmd аурок 3, апункт 4).

6. Ацәажәара шәалага

(3 мин.) АУАА ЕИҲА ИАХЬЫҞОУ АҬЫԤҚӘА РҾЫ АЖӘАБЖЬҲӘАРА. Ауаҩы абиблиатә курс аӡбахә изеиҭаҳәа, насгьы уи акурс ахь ухьазырԥшуа абӷьыц иҭ (lmd аурок 4, апункт 3).

7. Ажәахә

(3 мин.) lmd Ацҵа А, апункт 11. Атема: «Анцәа ҳара ҳзы акрызҵазкуа аацҳара имоуп» (th аурок 6).

АҚЬЫРСИАНТӘ ԤСҬАЗААРА

Ашәа 99

8. Иуадаҩу аамҭақәа раан шәеицхыраала

(15 мин.). Ахцәажәара.

Ақьырсианцәа аепидемиақәеи, аԥсабаратә рыцҳарақәеи, атәылаҿы аилаҩынтрақәеи, аибашьрақәеи, ашьҭашәарыцарақәеи ианрықәшәо дара-дара еицхыраауеит. Урҭ ауадаҩрақәа хаҭала иаҳкьымсзаргьы ҳашьцәеи ҳаҳәшьцәеи хьаас иҳамоуп, ҳрыцхраарц азгьы иҳалшо зегь ҟаҳҵоит (1Кр 12:25, 26).

Асахьақәа реизга «Аишьцәеи аиҳәшьцәеи рхаҵара рыцеиҩызшо ирыцхраауеит»: 1) аишьцәеи аиҳәшьцәеи аԥсабаратә рыцҳараан еилаҳаз Аҳратә зал ҿыц идыргылоит; 2) аишьцәеи аиҳәшьцәеи зтәыла ааныжьны ацара зықәшәаз ани аԥҳаи гәыкала ирыдыркылоит; 3) аиаҳәшьа Аҳратә зал аҿы хатәгәаԥхарала аԥара зҭарҵо аиашьыкь ахь аԥара ҭалыршәуеит; 4) Аҳратә зал аԥхьа аишьцәеи аиҳәшьцәеи зтәыла ааныжьны ацара зықәшәаз рашьцәеи раҳәшьцәеи агуманитартә цхыраара рзыршоит; 5) хатәгәаԥхарала ацхыраара ҟазҵо аишьцәеи аиҳәшьцәеи аԥаҭлыкақәа ирҭоу аӡы ршоит; 6) аиашьа Анцәа диҳәоит.

Аӡырҩцәа 1 Аҳцәа 13:6, насгьы Иаков 5:16б иаԥхьарц урыҳәа. Анаҩс уразҵаа:

Избан аишьцәеи аиҳәшьцәеи рзы Анцәа ҳаниҳәо, уи амч ду замоу?

Аҭак

Аӡырҩцәа Марк 12:42—44, насгьы 2 Коринфаа 8:1—4 иаԥхьарц урыҳәа. Анаҩс уразҵаа:

Избан хатәгәаԥхарала иалаҳҵо аԥара зхадоу, ацхыраара зҭаху аишьцәеи аиҳәшьцәеи рыцхрааразы ирацәаны аԥара ҳзаламҵозаргьы?

Аҭак

Идырба АВИДЕОНҴАМҬА «Ашьҭашәарыцарақәа раан аишьцәа ргәы ҳарӷәӷәоит». Анаҩс аӡырҩцәа уразҵаа:

Ишԥаадырԥшуаз аишьцәа ахамеигӡара, Мрагыларатәи Европа инхоз аишьцәеи аиҳәшьцәеи ирыцхраарц азы, уа Иегова ишаҳаҭцәа рус мап анацәкыз?

Аҭак
Ишԥақәныҟәоз аишьцәеи аиҳәшьцәеи ашьҭашәарыцарақәа раан аизарақәа ааншәмыжьлан, шәыгәқәа шьҭибахла ҳәа Абиблиа иану? (Аур 10:24, 25).

Аҭак