АНЦӘА ИАЖӘА АҞЫНТӘ АХАЗЫНАҚӘА | ИЕРЕМИА 51, 52
Иегова Иажәа иану зегь аҵыхәтәанынӡа инаӡоит
Иегова иҟалараны иҟаз ахҭысқәа ак рыгмыжькәа заа иҳәеит.
Аҳ дзыхьчо аџьамтәи ахысҩы
«Ишәырҵарла ахыцқәа»
51:11, 28
Мидиааи аџьамцәеи ахыци ахәымпали рыла даараӡа ибзианы ихысуан. Уи дара злеибашьуаз бџьар хадан. Ахыц аԥынҵа убас ирцәуан, иҵауланы аӷа ицәеижь иалалартә еиԥш.
«Иӷәӷәаз вавилонтәи аибашьцәа аибашьра иаҟәыҵит»
51:30
Набонид ишықәсынҵа инақәыршәаны, Кир ируаа Вавилон еибашьрада иргеит. Уи Иеремиа иԥааимбаражәа иақәшәоит.
Набонид ишықәсынҵа
«Вавилон еилажьу ахаҳәқәа иреиԥшхоит... [...] ...Наӡаӡа иҭацәызаауеит»
51:37, 62
539 шықәса ҳ. ҟ. инаркны, Вавилон иамаз ахьӡ-аԥша ацәыӡуа иалагеит. Александр Македонтәи иҭахын иҳәынҭқарраҿы Вавилон ҳҭнықалақьны иҟаиҵарц. Аха игәахәтәы дахьымӡакәа, иаалырҟьаны дыԥсит. Актәи ашәышықәсазы Вавилон ақалақь аҿы аиудеиаа реилазаара ыҟан, убри аҟынтә апостол Пиотр уи ақалақь даҭааит. Аха IV ашәышықәса ҳ. ҳ. азы Вавилон иацәынхаз аилабгарақәа мацара роуп, аҵыхәтәаны уи ақалақь адгьыл иқәӡааит.