Ауаа аполитикцәа рахь ирымоу агәрагара еиҳа-еиҳа имаҷхоит. Иаҳәозеи Абиблиа уи иазкны?

Адунеи ахьынӡанаӡааӡо 2024 шықәсазы ахаан ишыҟамлац еиԥш, хыԥхьаӡара рацәала алхрақәа мҩаԥысраны иҟоуп. Аха ауаа аполитикцәа рахь ирымоу агәрагара еиҳа-еиҳа имаҷхоит.

• Еиду Аштатқәа рҿы имҩаԥгаз аҭҵаара инақәыршәаны, Америка инхо ауаа реиҳараҩык ирыԥхьаӡоит «ԥыҭҩык аполитикцәа рхатә интересқәа ауп ирымоу», ауаа рымаҵ аура аасҭа ҳәаa (Аҭҵааратә центр Пиу, сентиабр 19, 2023 шықәса).

Уи аҩыза агәаанагара зықәрахь инеихьоу рыдагьы, аҿаргьы ирымоуп.

• «Иҟоу ауадаҩрақәа изызҳауа ахбыџқәагьы ргәы иҵхоит, аха аҭҵаара ишаҳнарбо ала, дара ирыԥхьаӡаӡом урҭ апроблемақәа аполитикатә напхгаҩцәа ирыӡбоит ҳәа» («Ниу-Иорк таимс», ианвар 29, 2024 шықәса).

• «Аҭҵаарақәа иаҳдырбеит аҿар аполитикцәа раасҭа авидеоблогерцәа еиҳа рыгәра шырго» («Кориа таимс», ианвар 22, 2024 шықәса).

Ирылшома аполитикцәа аԥсҭазаара бзиа ҳаҭара? Зыгәра ҳгалар ҳалшода?

ЗЕГЬЫ РЫГӘРА УЗГАӠОМ

Зегьы рыгәра агара иаԥсаӡам. Абиблиаҿы иануп: «Аԥышәа змам ауаҩы иаарҳәо зегь агәра игоит, аилкаара змоу ауаҩы ишьаҿақәа дрызхәыцуеит» (Ажәамаанақәа 14:15).

• Аинформациа иашоу-ииашаму аилкаара ишәыцхраауа алабжьара бзиақәа шәыԥшаар шәылшоит «Защитите себя от дезинформации!» захьӡу астатиаҿы.

Гәыкала иҟоу, ииашоу ахықәкқәа змоу аполитикатә напхгаҩцәагьы ауадаҩрақәа зегьы рыӡбара рылшаӡом. Убри аҟынтә Абиблиа ҳгәаҳҽаннаҵоит:

• «Ауаа рҟынтә анапхгаҩцәа шәрықәымгәыӷын, дара шәеиқәырхара рылшаӡом» (Аԥсалом 146:3).

Зыгәра агара иаԥсоу анапхгаҩы

Абиблиаҿы иануп Анцәа ауаа рзы дшалиххьоу зегь раасҭа зыгәра агара иаԥсоу, насгьы ауаа еилызкаауа анапхгаҩы. Уи Иисус Христос иоуп (Лука 1:32, 33). Иара Анцәа Иаҳра Аҳас дахагылоуп. Уи ажәҩан аҟынтә напхгара ауеит (Матфеи 6:10).

• Иисус Христос игәра агара изаԥсоу, насгьы ҳауадаҩрақәа рыӡбара шилшо еилаҳкаар ҳалшоит астатиақәа «Кто возглавит Царство Бога?», насгьы «Что сделает Царство Бога?» рҟынтә.