• Дызусҭада Анцәа?
    Шәалагәырӷьала аԥсҭазаара иахьагьы наӡаӡагьы! Абиблиатә курс

    • 1. Ихьӡузеи Анцәа? Иҭахума иара ихьӡ ҳдыруазарц?

      Анцәа ихьӡу Абиблиа аҟынтә еилаҳкаар ҳалшоит. Иара иҳәоит: «Сара Иегова соуп. Уи сыхьӡ ауп». (Шәаԥхьа Исаиа 42:5, 8.) Иегова — ари ауриа бызшәаҟынтә еиҭагоу Анцәа ихьӡ ауп. Аҵарауаа ишырҳәо ала, ари ахьӡ ажәытәтәи ауриа бызшәаҟынтә еиҭоугозар, иаанагоит «Иара иҟалартә иҟаиҵоит». Иегова иҭахуп ихьӡ ҳдыруазарц (Ақәҵымҭа 3:15). Иабантәиҳдыруеи уи ҳара? Абиблиаҿы Анцәа ихьӡ уԥылоит 7 000-нтә инареиҳаны!a Иегова зыхьӡу Ҳазшаз Анцәа заҵәык иоуп. Ажәҩан аҿи адгьыл аҿи иара иеиԥшу уаҳа даҽа Нцәак дыҟаӡам (Ҩынтәзакәан 4:39).

  • Иарбан динхаҵароу Анцәа игәаԥхо?
    Шәалагәырӷьала аԥсҭазаара иахьагьы наӡаӡагьы! Абиблиатә курс

    • 2. Ҳимҵахырхәалар шԥаҳахәҭоу Иегова?

      Иегова — Ҳазшаз иоуп, убри аҟынтә иара заҵәык иоуп гәык-ԥсыкала ҳзызиашазар ҳахәҭоу (Аатра 4:11). Ус акәзар, уи бзиа даҳбалароуп, иара заҵәык ҳимҵахырхәалароуп, насгьы ҳанимҵахырхәо, асахьақәеи аидолқәеи ҳхы иаҳмырхәалароуп. (Шәаԥхьа Исаиа 42:8.)

      Ҳара Иегова игәы ишақәшәо еиԥш ҳимҵахырхәалароуп (Римаа 12:1). Ус анакәха, изакәанқәа рыла ҳанхалароуп. Иаҳҳәап, Иегова бзиа дызбо ауаа аҭаацәара алазаара иазку Анцәа иԥҟарақәа ирықәныҟәоит. Иара убас дара ашьцылара бааԥсқәа рҽырцәырыхьчоит, иаҳҳәап, аҭаҭын ахара, анаркотикқәа рыдкылара, насгьы арыжәтә аҽаршьраa.