Иисус иԥсҭаҵара инаркны Павел абахҭа иҭакра аҟынӡа

Ахԥатәи амш азы Иисус аԥсцәа рахьынтә иԥсы ҭаҵан. Убри аҽныҵәҟьа хәынтә ишьҭанеицәа дрызцәырҵит. Убас иара 40 мшы дрызцәырҵуан. Нас гәыԥҩык иҵаҩцәа заҵәык ишырбоз ажәҩан ахь дхалеит. 10 мш рышьҭахь абыржәаанынӡа Иерусалим иҟаз Иисус ишьҭанеицәа зегьы Анцәа имч риҭеит.

Ԥыҭраамҭак ашьҭахь Анцәа иаӷацәа ирылшеит апостолцәа рҭакра, аха урҭ амаалықь рхы иақәиҭитәит. Стефан зыхьӡыз аҵаҩы ахаҳәқәа игәыдҵаны дыршьит. Аха ҳара еилаҳкаауеит, Иисус урҭ аиаша аҿагылаҩцәа руаӡәк иҷыдоу иара имаҵуҩ иакәны дшалихуа, уи апостол Павел иакәхоит. Иисус иԥсра ашьҭахь хышықәсеи бжаки анҵы, Анцәа Пиотр дишьҭуеит, иудеиаа иреиуамыз Корнили иҭаацәеи иареи ажәабжь рзеиҭеиҳәарц азы.

13 шықәса рышьҭахь Павел раԥхьатәи иажәабжьҳәаратә ныҟәарахь ддәықәлоит. Аҩбатәи иныҟәараан уи иҽидикылоит Тимофеи. Ҳара еилаҳкаауеит Павел имҩалаҩцәеи иареи аныҟәараан изықәшәаз угәы зырхыҭхыҭуа ахҭысқәа ртәы. Ҳамҭакы ашьҭахь Павел Рим абахҭа дҭаркуеит. Ҩышықәса ааҵуанеиԥш, уи абахҭа дыҭрыжьуеит, аха нас еиҭах дҭаркуеит, дагьыршьуеит. АБЫЖЬБАТӘИ ахәҭа иатәу ахҭысқәа мҩаԥысуеит 32 шықәса раҟара.