ORỌL GHAN ADỌL ONYỌ AKRISTẸN
Wạ Alhegheri Iitughiạn Enhaạn
Yira rowạ ghan oḍighi idị keḅaạl olhoghi aZihova esi atorobọ iyaạr dị yira r’oḍighi. (Pr 27:11) Orue oḍighi iduọn phọ pọ kewạ mọ torobọ osopha ayira aaghironhaan ghan iitughiạn phọ odị ghalhamọ r’amem dị itọ obobọ iiḅakiọm i/lo ni. Eeghe kụ kilhoghonhaạn iyira ḍighaạgh oḍighi iduọn phọ?
Pamhanhạm edeọm ogbor ghan otuughạ aBaibul phọ. Torobọ amem dị yira aạl Baibul phọ, ekịgh mudị aZihova r’ayira kurọl ude romore. Yira kotue ni olhegheri odọ idị aZihova aatughiạn ilọ iyaạr esi ozuumhaam ghan ophogh ipẹ odị azoọm ghan bọ we, ḅilhẹ r’ooḅeghiọn areḍeenhaan awe dị oḍighi igey obobọ oḍighi ikarạph riḍien odị. Mem dị yira r’owạ osopha osopha, uwaloor iigbia phọ katue ni uutughianhạm iyira iyaạr ituughạ ḅilhẹ r’aḍinhị olhogh dị yira m’otuughạ ghan siphẹ Ekpo-onhụ phọ Enhaạn.—Jọn 14:26.
Waaghị ghan raraạr. Eru maạr dị ewạ mọ sopha osopha, puruan loor anạ mọ, ‘Eghẹn ekpịgh obobọ iyaạr dị emite siphẹ aBaibul phọ kụ kilhoghonhaạn imhị ḍighaạgh olhegheri idị aZihova kaloghoma ilọ oghaạph phọ?’ Ḅeeḅereghị alhọm olhoghonhaạn aḍighaạgh aZihova, aḅilhẹ aḍighinhom raraạr osighẹ owaạm araraạr dị ookpomhoghan phọ m’omiteom onhụ anyinha owaạm aḍinhị olhogh aBaibul dị ekasiạn r’adọl phọ anạ.—Ps 25:4.
IPOGH VIDIO PHỌ YIRA OMOỌGH ‘OGHIIL EGHIIL PHỌ R’OKPARẠM’—LE GHAN EḌIEN DỊ K’ENGỌ INYAẠM, KỤ EPHANYANHAẠN SIPURU PHỌ EDAPHẠN BỌ SIẸN:
Ighẹn asidọl kụ ikoom onyọ umaranhi phọ siẹn avidio phọ?
Ika kụ idị nạ katue aḍighinhom raraạr owaạm araraạr phọ eten dị kelhoghonhaạn nyinhạ ḍighaạgh okaran idọ phọ asidọl phọ ipẹ phọ?
Ika kụ idị yira r’omhooghọm ghan suọ mem dị yira owaaghị raraạr ḅilhẹ ophạm ituughạ oginha ayira dị ilhoghonhaạn iyira ḍighaạgh osopha ogey osopha?—Hib 5:13, 14