Ilọ Otuughạ
Nạ rakelhọm ni siikpịgh aBaibul phọ ogbạ bọ oogbuniọn emhụ phọ siphẹ Research Guide for Jehovah’s Witnesses?
Ipẹ ogbạ bọ esi phọ kelhoghonhaạn nyinhạ ḍighaạgh oguphogh omhiịn araraạr dị eḍiinyan siphẹ Ekpo Onhụ phọ Enhaạn. Iphẹn phọ etue ni eḅaramaạm ipẹ araraạr erọl bọ mem mọ ipẹ ogẹ bọ siphẹ ekpịgh aBaibul phọ emite bọ, iyaạr phọ otụ bọ ogẹ, we phọ ogeanhaạn bọ, obobọ idị iniin ikpo onhụ dị edi siphẹ ekpịgh phọ remạ ghan.
AWatchtower ONLINE LIBRARY™ ḅilhẹ r’aJW Library® katue ni asighẹ nyinhạ akị onyen emhuoghaạph dị edi siphẹ aResearch Guide phọ dị eghaạph ilọ ekpịgh esi aBaibul phọ. Nạ katue ni amiịn esi dị kesighẹ nyinhạ ekị rumhuoghaạph phọ siphẹ reekaragh ghan bọ ilọ emhuoghaạph aBaibul phọ torobọ aBaibul dị odi siphẹ phọ.
Mem dị nạ rabạl rumhuoghaạph phọ emite bọ, lọgh ni elhegh mem mọ omiteom bọ. Imhoom arumhuoghaạph phọ kụ retọl ghan epẹ anyụ. Kụ esighẹ rekị epẹ ude phọ, eeni igbaany arumhuoghaạph dị ephamhanhạm igbaany onhaghạn aḍughụm dị mooḅenion oḅilhẹ ogbạ oogholhomhi kụ edi.
Arumhuoghaạph phọ edi bọ siphẹ aResearch Guide phọ egbạ bọ riisi aBaibul phọ, edi ghan bịn siphẹ aWatchtower ONLINE LIBRARY phọ.
Orue omhiịn arumhuoghaạph dị egbạ esi aBaibul siphẹ JW Library, pọ danlod Research Guide kụ aḅilhẹ ghan adanlod mem dị olhoghoḍị imhoom araraạr. Nạ katue ni amiịn adanlod siphẹ anyụ elhiom agạ phọ reekaragh ghan bọ emhuoghaạph aBaibul dị nạ akpegheron.